Umsjón Guðrún Gunnarsdóttir og Gígja Hólmgeirsdóttir

Núna á laugardaginn þann 19. ágúst verður risakýrin Edda formlega vígð en Edda er tveggja tonna listaverk úr smiðju Beate Stormo, eldsmiðs og bónda á bænum Kristnesi í Eyjafirði. Kýrin er þrír metrar á hæð og fimm á lengd og er hugsuð sem tákn Eyjafjarðarsveitar enda eru mörg blómleg mjólkurbú á svæðinu. Við forvituðumst um þetta merkilega listaverk hér í Mannlega þættinum í dag.

Í sumar höfum við heyrt alls kyns ferðasögur í útvarpinu og höfum fengið ábendingar frá hlustendum um ferðalanga sem hafa eytt miklum tíma í ferðalög og jafnvel bara einir á ferð. Eiríkur Viljar Hallgrímsson Kúld er einn af þeim sem hefur farið víða, fyrst með öðrum en eftir að hafa prófa að ferðast einn var ekki til baka snúið. Hann fór með vinum sínum til Víetnam fyrir nokkrum árum og þeir fóru á mótorhjólum þvert yfir landið. Hann hefur hjólað niður Suður Kóreu til Busan, fór til Kína einn á mótorhjóli og var þar í tæpa 4 mánuði, til Kúbu hvar hann hjólaði þvert yfir eyjuna á 21 dögum og nú í byrjun september er stefnan tekin á mótorhjólaferð um Bandaríkin,Mexico og Mið Ameríku, ferðalag sem tekur næstum því eitt ár. Við ræddum við Eirík í dag,

Ertu viss/Eyjólfur Kristjánsson (Eyjólfur Kristjánsson-Aðalsteinn Ásberg)

Ég fer á Landrover frá Mývatni á Kópasker/Helgi Björnsson(Helgi Björnsson,Guðmundur Óskar og Atli Bollason)

Sang til Byen/Kari Bremnes(Kari Bremnes)