SALT is Cape Ballet Africa se nuwe produksie. Dit bestaan uit nuwe werk deur Suid-Afrikaanse choreograwe. Die danser, Mia Coomber, vertel van die produksie.

Die Sasol Nuwe Handtekeninge-kompetisie se wenners vir 2024 is onlangs aangekondig. Christelle Webb-Joubert gesels met die wenner en een van die beoordelaars.

‘n Begin, is ‘n vertaling van David Eldridge se teks, Beginning. Die akteurspaar, Carel Nel en Cintaine Schutte, is te sien in dié produksie by vanjaar se Woordfees in Stellenbosch.

Terrance April gesels met die artistieke direkteur en violis, David Bester, oor die Oos-Kaap Filharmoniese Orkes. Hulle gesels ook oor ‘n opkomende simfoniekonsert wat in September plaasvind.

Oppiwater Kunstefees 2025 se feesprogram is bekendgestel. Die feesdirekteur, Frans Swart, vertel waarna gehore kan uitsien.

Christo Davids se toneelstuk, Laaitie mettie biscuit, debuteer by vanjaar se Aardklop Kunstefees. Terrance April gesels met hom.

Speelgoed van glas, is ‘n vertaling en verwerking van Tennessee Williams se baie bekende, The glass menagerie. Die regisseur, Nico Scheepers vertel wat gehore kan verwag by vanjaar se Woordfees in Stellenbosch.

Louise Coetzer, medestigter en choreograaf van Darkroom Contemporary Dance Theatre, vertel van Autoplay, wat te sien is van 10 tot 28 September in Kaapstad.

Philip Rademeyer is die skrywer, regisseur en stelontwerper van Stinkhout, wat debuteer by vanjaar se Aardklop Kunstefees, en daarna te sien is by die Woordfees.

Aardklop se kunskurator, MC Roodt, vertel watter uitstallings en werkswinkels alles by die fees aangebied word.