Die stel-, kostuum- en beligtingsontwerper, Wilhelm Disbergen, vertel vir Terrance April van die toneelstuk, 1789, te sien by Joburg Theatre.

Rika Vermeulen van Theatrix Singers vertel van hulle volgende produksie, Much Ado About Swing.

Saartjie Botha vertel van die hoogtepunte by vanjaar se Woordfees, wat plaasvind van 28 September tot 6 Oktober in Stellenbosch.

Dans is ‘n kunsvorm waar die kunstenaars ‘n rakleeftyd het. Twee van Joburg Ballet se dansers, Nicole Ferreira-Dill en Shannon Glover, het onlangs vir die laaste keer op die verhoog gedans. Hulle vertel vir Sue Pyler-Slabbert van hulle aftrede, loopbaanhoogtepunte en die pad vorentoe.

Die Johannesburg Filharmoniese Orkes bied in Augustus hulle vroeëlenteseisoen aan. Terrance April hoor by Magdalena de Vries wat alles op die program is.

Johann Slabbert was vir baie jare in die bedryf. Hy verlaat toe die bedryf vir ‘n korporatiewe werk, maar keer na tien jaar terug as dramaturg. Hy is die skrywer van Routrip en Vier Panados en ‘n Chardonnay waarin Elzabé Zietsman te sien is.

Die dramaturg, akteur en regisseur, Jan Groenewald, is op 20 Julie 2024 oorlede. Sy lewensmaat, Pieter de Vos, bring hulde aan hom.

Terrance April gesels met pianis Ben Schoeman na afloop van ‘n repetisie saam met die Johannesburg Filharmoniese Orkes.

Kunstenaar Janet Botes vertel van die Plettenberg Landkuns-fees. Sy verduidelik wat landkuns is, en hoe kunstenaars en die natuur saam skep.

Die 15de Klein Karoo Klassique vind van 9 tot 11 Augustus in Oudtshoorn plaas. Die pianis en vanjaar ook die gasheer, Charl du Plessis, vertel van vanjaar se program.