Die Kaapstad Internasionale Balletkompetisie lok jaarliks groot belangstelling, met dansers wat van oral af kom om deel te neem. Terrance April gesels met Dirk Badenhorst, organiseerder van die kompetisie.

Die skrywer en akteur, Zane Meas, laat die produksie, Van Wyk: Die Storieverteller van Riverlea, herleef by die Roodepoort Teater in die weste van Johannesburg. Sue Pyler-Slabbert het hom ontmoet om uit te vind wat hierdie keer anders is aan die produksie.

Christelle Webb-Joubert gesels met Heidi Erdmann, wat na jare weer ‘n galery open. Sy vertel van die Legacy-galery op die Muratie wynlandgoed.

Die toneelstuk, Waansin, gaan oor na-geboorte depressie. Christelle Webb-Joubert gesels met die skrywer en aktrise, Carin Bester, en die regisseur, Lee-ann van Rooi.

Terrance April gesels met professor Nina Schumann, artistieke direkteur van die Stellenbosch Internasionale Kamermusiekfees, wat weer vanjaar by die Universiteit Stellenbosch plaasvind.

Die produksie, Pieces of Me, is van 10 tot 27 Julie te sien by die Baxter in Kaapstad. Dis ‘n eenvrouvertoning met Bo Petersen. Haar neef, Christopher Petersen, is saam met haar op die verhoog, en hy vertel waaroor die stuk gaan.

Christelle Webb-Joubert maak 'n draai die kunstenaar, Annemie Odendaal, se nuwe ateljee en galery. Sy vertel hoe sy ‘n kunstenaar geword het.

Die Aardklop Kunstefees se program is bekendgestel. Die feesbestuurder, Alexa Strachan vertel meer.

Christelle Webb-Joubert gesels met beeldhouer Johann Moolman. Hy het vir jare klas gegee, en toe Groot Marico toe getrek waar hy voltyds kunstenaar is. Sy werk van die afgelope 40 jaar sal te sien wees by die Nirox Beeldhoupark in Krugersdorp.

Joburg Ballet bied Die Slapende Skone aan. Terrance April het een van die repetisies bygewoon, en gesels met die bestuurshoof, Elroy Fillis-Bell, en een van die hoofdansers, Nicole Ferreira-Dill.