Na die pas afgelope Tuin van Digters kan die publiek steeds gaan kyk na twee uitstallings by die Breytenbachsentrum in Wellington.

Mutton Hour is ‘n poging deur verskeie rolspelers om weer lewe te blaas in huisteater. Die aktrise en vervaardiger Cintaine Schutte verduidelik.

Twee-en-twintig Jaar gelede het ‘n mediese dokter,  Carol Hofmeyer na die Oos-Kaap verhuis om daar af te tree. Ssy het dadelik die nood van die gemeenskap daar gesien, en besluit om saam met ‘n handjievol ondersteuners ‘n kunsprojek te begin. Terrance April het met haar en kunskenner Sandra Dodgen gesels oor die projek en uitstalling wat tans te sien is.

Prof. Liesbeth Schlomberger is in Suid-Afrika gebore, maar gee deesdae klas in Frankryk. Christelle Webb-Joubert kuier saam met die orrelis, wat in Augustus meestersklasse hier kom aanbied het.

Terrance April gesels met Jennifer Steyn, wat te sien is in The beauty queen of Leenane by Theatre on the Square in Sandton.

Birthing Nureyev is ‘n dansdrama oor die lewe van dié merkwaardige danser. Die choreograaf, danser en akteur, Ignatius van Heerden, en skrywer Henque Heymans gesels oor die produksie.

Christelle Webb-Joubert gesels met die Nederlandse violis Tim Kliphuis oor twee van sy komposisies.

Nataniël vertel vir Christelle Webb-Joubert van sy nuwe produksie, Six in a boat.

Van werke van komponis Hans Huyssen is te hoor in ‘n konsert deur Cape Consort op 9 Oktober in Kaapstad. Hy gesels oor sy werk en sy komposisieproses.

Stroop is ‘n verbatim-toneelstuk deur Frances Bruwer. Sy vertel vir Christelle Webb-Joubert van hierdie sensoriese belewenis.