‘n Fiets is lankal nie sommer meer net ‘n fiets nie. Sedert die eerste proefneming in 1817 van iets wat later as die fiets bekend sou staan, het fietse se vorm en gebruike dramatiese veranderings ondergaan. Heinrich Schulze kyk na die ontwikkeling van fietsry as sport, en die talle subsporte of dissiplines wat uit fietsry ontwikkel het en wat vandag amptelik erkenning geniet

'n Paar Suid-Afrikaners maak groot naam in die buiteland in verskeie motorwedrenformules, veral die Duitse formules, Deutsche Tourenwagen Masters (DTM) en ADAC GT Masters. Fritz Klaaste kyk na die twee broers, Kelvin en Sheldon van der Linde, se prestasie in dié reekse, en verwys ook na die Kapenaar, Jonathan Aberdein, se deelname.

Die 2020 Formule 1-seisoen sal lank onthou word as 'n unieke een. Dit was die swakste seisoen in 40 jaar vir Ferrari. Die seisoen is verkort na slegs 17 Grand Prixs a.g.v. Covid-19. n sewe jaar. En Romain Grosjean het 'n gru-ongeluk oorleef. Fritz Klaaste neem de jaar in oënskou.

Die voormalige Springbokafrigter Heyneke Meyer, wat van 2008 tot 2012 die nasionale span afgerig het, het met Jody Hendricks oor sy loopbaan en nuwe boek gepraat.

Johann Russouw vertel waar en hoe atletiek as ‘n mededingende sportsoort ontstaan het. ‘n Interessante feit is dat byna alle sportkodes wat om ‘n baan plaasvind, soos motorwedrenne en perdewedrenne kloksgewys daarom plaasvind. Atletiek is egter die uitsondering. Johann verduidelik hoe dit gebeur het dat atlete antikloksgewys om ‘n baan hardloop.

Gholf is een van daardie sportsoorte wat baie mense eers op ‘n laat stadium begin speel, miskien omdat hulle eers aan ander sportsoorte deelgneem het, en ‘n mens gholf tot op ‘n hoë ouderdom kan speel. Wat wel waar is, is dat dit moeilik lyk en vir baie mense vreesaanjaend is dat hy of sy dalk die balletjie sal mislaan. Pieter van den Berg fokus vandag op die ABC van gholf, wat dalk net sal maak dat jy die spel opneem, daarin balangstel of selfs begin volg…

Johan Rademan gesels met oud-Bokkaptein, Divan Serfontein wat 19 toetse en 100 wedstryde vir die WP gespeel het, oor die ontwikkelinge in SA Rugby, die onderbreekte rugbyseisoen en die opkomende Bulle in die Curriebeker en eerste en enigste wenners van die Superrugby Unlocked-titel.

MotoGP het vanjaar die verbeelding van Suid-Afrikaners aangegryp toe die twee Binder-broers, Brad en Darryn, elkeen 'n Grand Prix gewen het. Brad het die Tsjeggiese MotoGP Grand Prix gewen, en Darryn die Moto3 Katalaanse Grand Prix. Fritz Klaaste kyk na die geskiedenis van hierdie sport wat vanjaar 71 jaar oud is, die 2020 seisoen, en die Binder-broers se prestasies.

Soos met ander sportsoorte het Covid-19 ook 'n groot impak op atletiek gehad. Jody Hendricks kyk terug na alles vanjaar op én van die baan af gebeur het. Hy praat met een van die land se top atlete wat Covid-19 opgedoen het, en hoor by Wayde van Niekerk hoe die uitstel van die Olimpiese Spele sy jaar en herstelproses beïnvloed het. Een van die land te top atletiekafrigters vertel ook hoekom hy glo dat Caster Semenya deur die Internasionale Ateletiekfederasie geteiken word.

Johann Russouw vertel hoe swem as ‘n sport ontwikkel het. Dit is veral interessant dat die meeste diere instinktief kan swem, maar dat die mens dié vaardigheid moet aanleer.