L'Artg musical fa viadi tras la producziun da musica fatga da RTR l'onn passà. 

Per ina segunda giada porta l'Artg musical chant e musica che RTR ha registrà l'onn passà. Nus udin:

* il Calamus Trio cun musica da Béla Kovacs, il renumà Amar Quartett cun musica da Beethoven a Falera en la baselgia da s. Rumetg, la chantautura ladina Martina Linn e dus titels dal concert rumantsch a Segl-Maria.

* Per finir questa part cun atgnas registraziuns lura musica dada a Cuira en il teater: dArmin Schibler (1920-1986) il melodrama «Das Mädchen mit den Schwefelhölzchen» ed in schatg da ses concert per fagot ed orchester, e da Beethoven parts da la musica tar il drama Egmont. Letizia Scherrer, Muriel Schwarz e Thomas Schibler èn ils solistAs, la Filarmonia da chombra dal Grischun suna e Mario Schwarz dirigia.

* Il settember 2020 ha Corsin Tuor edì cun la BBO il disc cumpact «Für immer uf di». Quel cuntegna tranter auter la cumposiziun da Gion Andrea Casanova «Canzun senza plaids», e da Tuor sez il marsch «Rickenbach 62-21».

Redacziun: Giusep G. Decurtins