Il «Artg musical» – oz cun registraziuns dals 1992–99. Per nus RumantschAs muntan chant e musica identitad. Promover, tgirar e collectar quai è in dals pensums da RTR. Dapi 36 onns fa RTR quai en atgna reschia. Bain in motiv da mirar enavos? E gist quai fa il «Artg musical». Sut il titel NOSTALGIA porta el en ina terza part registraziuns fatgas da RTR tranter 1992-99 e quai cun furmaziuns pitschnas, gruppas e cun solistas e solists.

Nus udin: il Cerchel musical dalla Surselva, Quartet dubel da la Scola chantunala Cuira, Semi-Dixie-Band, Capella Vorab Flem, Soras Scherrer Trun e Las lodolas San Murezzan. Lura ils solists/solistas: Carli Elvedi e Gion Antoni Derungs, Alice Darms, Mario Pacchioli e Clau Scherrer, Philip Gschwend & Rinaldo Camathias cun Gion Balzer Casanova, Stefania Huonder ed Ute Stöcklin, Mario Camartin cun Leo Simonet e Peder Rizzi cun sia flauta da pan.