جومانە غەلای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق بە رادیۆی رووداوی راگەیاند: "بەپێی یاسای هەڵبژاردن، ژمارە 9ی ساڵی 2020، دەبێت ئەنجامە بەراییەکان 24 کاژێر دوای تەواوبوونی هەڵبژاردن رابگەیێندرێت. بۆیە کۆمیسیۆن پابەندە بەوەی ئەنجامەکان لە 24 کاژێر دوای هەڵبژاردندا رابگەیێنێت."

نەبەز عەبدولحەمید، قایمقامی قەزای ناوەندی هەولێر بە رادیۆی رووداوی راگەیاند: "تاوەکو ئێستا لە هەولێر 80 هەزار کەس دوو جار بە ڤاکسینی کۆرۆنا کوتراون. ئەوانەیشی جارێک کوتراون 160 هەزار کەسن. ئەوانەیشی ڤاکسینیان لێدراوە هیچ کێشەیەکی تەندروستییان بۆ دروست نەبووە. پرۆسەی کوتان زۆر بە باشی بەڕێوە دەچێت."

بەشداریی ژنان لە سیاسەتدا لە هەر وڵاتێک بە پێوەری راستەقینەی چەندێتیی دیموکراسیبوونی سیستمێکی سیاسی دادەنرێت. وڵاتە دیموکراسییەکان هەوڵ دەدەن ستراتیژێکی تایبەتیان بۆ کارکردن لەسەر ئەم پرسە هەبێت. لە ئاستی نێودەوڵەتییشدا چەندین پەیمان هەن کە باس لە بەشداریی ژنان لە سیاسەتدا دەکەن.

پێشەوا ئەحمەد، سەرۆکی ژووری بازرگانی و پیشەسازیی هەڵەبجە بە رادیۆی رووداوی راگەیاند: "ئەوەی پەیوەستە بە رەزامەندیی کردنەوەی دەروازەی سازانەوە سێ لایەنی سەرەکی هەن کە کۆماری ئیسلامیی ئێران، ئەنجوومەنی وەزیرانی عێراق و ئەنجوومەنی وەزیرانی هەرێمی کوردستانن. ئەگەر بانگەشەی هەڵبژاردنەکان رێگر نەبێت، دەتوانین لە ماوەیەکی نزیکدا رەزامەندیی کۆتایی کردنەوەی دەروازەی سازان بە واژۆی سەرۆکوەزیرانی عێراق بەدەست بهێنین. تاوەکو ئەو واژۆی نەکات، ئێمە ناتوانین بڵێین دەروازەکە کراوەتەوە."

سەعید عومەر، بەڕێوەبەری سایلۆی هەولێر بە رادیۆی رووداوی راگەیاند: "ئەو جووتیارانەی ئەمساڵ گەنمیان رادەستی سایلۆی هەولێر کردووە کە نزیکەی 46 هەزار تۆن گەنممان وەرگرتووە نزیکەی 25 ملیار دینار دەکات. تاوەکو ئێستا دوو بڕ پارەمان بۆ هاتووە. لە بڕی یەکەم ملیار و نیوێک دینار و بڕی دووەمیش 950 ملیۆن دینارمان بۆ هاتووە. ئێستا دەستمان بە دابەشکردنی پارەکە کردووە، رەنگە هەفتەیەکی دیکە دەست بە دابەشکردنی بڕی سێیەمیش بکەین کە دوو ملیار و نیوە."

د. موسەننا ئەمین، ئەندامی پەرلەمانی عێراق بە رادیۆی رووداوی راگەیاند: "لە یاسای هەموارکراوی ساڵی 2013ی زیندانییە سیاسییەکانی عێراقدا هەموو ئاوارەکانی کیمیابارانی هەڵەبجە کە دەیان هەزار کەسن، بە زیندانی سیاسی لە قەڵەم دراون. دەبووایە هەموو ئەو هەڵەبجەییانەی دوای کیمیاباران ئاوارەی ئێران بوون مووچەی زیندانی سیاسی وەربگرن. من دوو ساڵ و شتێکە کار لەسەر ئەمە دەکەم و پشت بە خوا دەیگەیەنمە ئەنجام. تاوەکو ئێستا هیچ بەرپرسێکی کورد لە عێراق ئەم پرسەی باس نەکردووە و نەجووڵاندووە کە هەمیشە سەرۆکی کۆمار، جێگری سەرۆکوەزیران و چەندین وەزیرمان هەبووە. تەنانەت ئەم مافە سەرەتاییە کە یاسایەکی فیدراڵی بە خەڵکی هەڵەبجەی داوە، حکومەتی هەرێمی کوردستان بۆ یەک جاریش لەگەڵ حکومەتی عێراقدا باسی نەکردووە."

Giringiya seredana serokê Frensa Êmanwêl Makron ji bo Herêma Kurdistanê

ئەمەل جەلال، سەرۆکی دەستەی گەشتوگوزار بە رادیۆی رووداوی راگەیاند: "زۆر جار کاتێک لەگەڵ خاوەنی  شوێنە گەشتیارییەکاندا قسە دەکەین کە بۆچی ئەو هەموو خەڵکە بیانییە لە هەرێمی کوردستان کار دەکەن و دەرچووەکانی خۆمان بێکارن، ئەوان لە وەڵامدا دەڵێن کە دەرچووەکانی خۆمان لە رووی لێهاتووییەوە لاوازن. ئێمە لەو بارەیەوە لەگەڵ وەزارەتی پەروەردە و خوێندنی باڵا کەوتینە گفتوگۆ."

ئاراس عەبدوڵلا: فەرەنسا رۆڵی کاریگەری لە پاراستنی پێگەی هەرێمی کوردستان دا هەیە

شوان جاف، سەرۆکی رێکخراوی خاوێن دۆستی ژینگە و پسپۆڕی سیاسەتی ئاو بە رادیۆی رووداوی راگەیاند: "لەو بڕوایەدام بەهۆی کەمئاوی و پیسبوونی ئاوەوە کۆچ لە ناوەڕاست و باشووری عێراقەوە بۆ هەرێمی کوردستان رووبدات و لە پێنج ساڵی داهاتوودا 12-13 ملیۆن کەس روو لە هەرێمی کوردستان بکەن.