د. محەممەد شوکری، سەرۆکی دەستەی وەبەرهێنان رایگەیاند: "نرخی خزمەتگوزارییەکانی پرۆژەکانی نیشتەجێبوون زۆربەیان رێکخراون و زۆریش کەم کراونەتەوە، رەنگە چەند شوێنێکی کەم مابن کە نرخیان دەستکاری نەکردبێت. هەوڵ دراوە کە جارێکی دیکە پێداچوونەوە بە نرخەکاندا بکرێتەوە. لە ماوەیەکی نزیکدا هیچ پرۆژەیەک نامێنێت کە دەستکاریی نرخی خزمەتگوزارییەکەی نەکرێت و کەم نەکرێتەوە."

فەریق جەبار یاوەر، ئەمینداری گشتیی وەزارەتی پێشمەرگە بە رادیۆی رووداوی راگەیاند: "ئەمریکا تاوەکو ئێستا رێکاری کشاندنەوەی هێزەکانیانی بڵاونەکردووەتەوە، بەڵکو تەنیا وادەکەیان دیاری کردووە کە کۆتایی ساڵ هەێزەکانیان دەکشێننەوە کە تەنیا هێزە شەڕکەرەکان دەگرێتەوە. ئەمریکا هێزێکی گەورەی شەڕکەری نییە؛ زۆربەی هێزەکانی ئەمریکا لە عێراق راوێژکاری و مەشقدەرن. هێزی شەڕکەریان کەم بووە کە هەندێکیان بۆ پاراستنی بنکە و بارەگاکانی خۆیان بووە، هەندێکیشیان پەیوەستبوون بەو هێزە ئاسمانییانەی کە بەردەوام لە کاتی ئۆپەراسیۆنەکانی سوپای عێراق و هێزەکانی پێشمەرگە لە ئامادەییدا بوون."

رێیا سۆر..مەرترسییەکانی رێگاکانی کۆچی نایاسایی

Rêya Sor.. Metirsiyên rêyên koça ne yasayî 

بەڵێن ئیسماعیل، ئەندامی لیژنەی دارایی و ئابووری لە پەرلەمانی کوردستان بە رادیۆی رووداوی راگەیاند: "هەرکەسێک هەر هەنگاوێک بە ئاراستەی دادپەروەری و نەهێشتنی گەندەڵی بنێت، ئێمە دەستخۆشیی لێ دەکەین، بەڵام بۆ ئەوەی بڕیارەکانی حکومەتی هەرێمی کوردستان یەکگرتوو و سەرتاسەری بن و هەموو دەروازە سنوورییەکان بگرنەوە، وا باشتر بوو کە ناردنی هێزەکە لە چوارچێوەی ئەو بڕیارەدا بووایە کە حکومەتی هەرێمی کوردستان دەریکردووە. هەروەها وا باشتر بوو کە هێز بۆ هەموو دەروازە سنوورییەکان بنێردرێت."

هاوار محەممەد، ئەندامی دەزگای هەڵبژاردنی پارتی دیموکراتی کوردستان لە بارەی هەڵبژاردنی پێشوەختەی عێراقەوە بە رادیۆی رووداوی راگەیاند: "ئەم هەڵبژاردنەیش وەک هەڵبژاردنەکانی رابردوو گۆڕانکارییەکی ئەوتۆ ناهێنێتە ئاراوە. بەڵام کردنی هەڵبژاردنەکە لە نەکردنی باشترە، چونکە ئەگەر نەکرێت رەنگە لێکەوتەی نەرێنیی هەبێت و لە ئەنجامدا پرۆسەی سیاسیی عێراق بکەوێتە بەر مەترسی."

بەشێکی کاسبکارانی عەلوەی کۆیە باس لەوە دەکەن کە عەلوەکە دراوەتە کەرتی تایبەت و کرێی باری زیاد کردووە. سەرۆکی شارەوانیی کۆیەیش رایدەگەیێنێت، لە عەلوە کرێی بار زیاد نەکراوە و زیادیش بکرێت لێپێچینەوەی یاسایی دەکەین.

د. ئارام رۆستەم، سەرپەرشتیاری کڕینی ڤاکسین لە وەزارەتی تەندروستیی هەرێمی کوردستان بە رادیۆی رووداوی راگەیاند: "تاوەکو ئێستا نزیکەی 600 هەزار ڤاکسین هاتووەتە هەرێمی کوردستان، نزیکەی 450 هەزار ڤاکسین بەکارهاتوون. لە 135 شوێن ڤاکسین لێدەدرێت. ئەو کەسانەی ئامانج بوون کە ڤاکسینیان لێبدرێت، تاوەکو ئێستا 7.8٪ـیان بۆ جارێک ڤاکسینیان لێدراوە و 4.8٪ـیان لێیاندراوە. بە هەردوو جارەکەیش 12.6٪ی خەڵکیش کوتراون."

Çarenivîsa 16 koçberên Kurd li ser sinûrê Lithuania û Belarus ne diyare

Kesukarê kuçberan, Ferset Mehmûd dibêje, "Du jinên ducanî û du nexweşên penceşêrê dinav de ne"

چیرۆکی مردن و بێسەروشوێنبوون لە رێگەی کۆچبەری و گەیشتنە ئەوروپا بووەتە ئاگری ناو دڵی زۆر خێزانی کورد، بە تایبەتی لە باشووری کوردستان. گەنجێکی باشووری کوردستان کە لە ئیتالیا کۆچبەر بووە، تاوەکو گەیشتووەتە ئەوێ خێزانەکەی ئاگایان لێی بووە، بەڵام ئێستا دەڵێن لەو وڵاتە شەمەندەفەر لێیداوە و، ئێستا هەواڵێکیان لێی نییە و نازانن ماوە یان نا.

هۆشەنگ فەیزوڵڵا عاسی، 23 ساڵان و خەڵکی قەزای چەمچەماڵ لە پارێزگای سلێمانی، رۆژی سێشەممە 2021/07/03 لە شارێکی ئیتالیا لە رێگەی کۆچبەریدا شەمەندەفەر لێیدەدات.

هۆگر مەنزەر، ئامۆزای ئەو گەنجە کۆچبەرە بێسەروشوێنەیە و بە رادیۆی رووداوی گوت: "ئەم ئامۆزایەی من لێرە بێکار بوو. وەک هەر هاووڵاتییەکی دیکەی ئەم هەرێمە هەوڵی دا لە رێگەی قاچاخەوە بچێتە ئەوروپا. مانگێک دەبێت رۆیشتووە کە لە رێگەی دەریای ئیجەوە لە تورکیا دەرچووە.  تاوەکو پێرێ ئاگامان لێی بووە کە گەیشتە ئیتالیا. لەوێ بۆ چەند رۆژێک کەرەنتین کرابوون."

چەند رۆژێکە بەشێکی زۆر لە گەڕەکەکانی هەولێر  بێئاون و بەهۆی بێئاوییەوە تووشی کێشە و گرفتی زۆر بوون. ئەوەیش بەهۆی ئەوەی کە ئاوی پرۆژەکانی دابەشکردنی ئاو (ئیفراز)ی هەولێر گیراونەتەوە.  

زەردەشت عەبدولخالق، بەڕێوەبەری ئاوی هەولێر بە رادیۆی رووداوی راگەیاند: "ئەم کێشەیە بەهۆی ئەو قوڕ و لیتەیەوە دروست دەبێت کە دێتە ناو رووبارەکان کە شلوێ دەبێت و لەوێیشەوە دێتە ناو بۆرییەکان. لەم 72 کاژێرەدا دوو جار تووشی ئەم دۆخە بووین. بۆیە هەموو پرۆژەکانمان کوژاندوونەتەوە. ئەوە 24 کاژێرە ئاو بۆ هەولێر دەنێرین، بەڵام ناچارین دیسانەوە بیکوژێنینەوە و تاوەکو 10-12 کاژێری دیکە دایدەگیرسێنینەوە و ئاو بەردەدرێتەوە و کێشەکە چارەسەر دەبێت."