گەلاوێژ عوبێد عوسمان، بڕیارده‌ری لیژنەی په‌روه‌رده‌ و خوێندنى باڵا و توێژینەوەی زانستیی پەرلەمانی کوردستان بە رادیۆی رووداوی راگەیاند: "نووسراومان بۆ وەزارەتی پەروەردە کردووە و داوامان کردووە کە ساڵی داهاتوو خوێندن زوو دەست پێبکاتەوە. سەرەتای دەستپێکردنەوەکە بۆ قەرەبووکردنەوەی ئەو وانانەی پۆلەکانی یەک و دوو سێ بێت کە بتوانرێت بە هاوکاریی وەزارەتی پەروەردە و رێکخراوە ناحکومییەکان خولیان بۆ بکرێتەوە تا بەهێز بکرێن."

محەممەد عەزیزی، ناسراو بە موهیس عەزیزی، لە حیزبی كۆكۆموس کە بۆ ئەنجوومەنی شارەوانیی تۆرکۆ هەڵبژێردراوە بە رادیۆی رووداوی راگەیاند: "ئەوەندەی من بزانم لەم هەڵبژاردنەی ئەنجوومەنی شارەوانییەکاندا 20 کورد بەشدار بوون. لە شاری تۆرکۆیش کە یەکێکە لە شارە گەورەکانی فینلەندا چوار کوردی دیکە بەربژێر بوون. بە داخەوە ئەوان سەرنەکەوتن. من ئەمە سێیەم جارمە کە هەڵدەبژێردرێمەوە."

هۆگر عەزیز، موقەدەم و گوتەبێژی پۆلیسی هەولێر بە رادیۆی رووداوی راگەیاند: "لە کاتی بەدواداچوونەکانماندا دزمان گرتووە کە زیاتر لە 15 ماتۆڕی دزیوە. لەبەر ئەوەی نرخی ماتۆڕەکان زۆر هەرزانە، زۆر جار ئەو کەسانەی کە ماتۆڕیان دەدزرێت سکاڵای یاسایی تۆمار ناکەن کە ئەوەیش گەورەترین کێشەی ئێمەیە و هەر باس دەکەن و دەڵێن لێمان دزراوە. هەتا داوای یاسایی تۆمار نەکرێت و پەڕاوی لێکۆڵینەوە نەکرێتەوە، پۆلیس بەدواداچوون ناکات و دادوەری لێکۆڵینەوەیش تۆمەتبارەکەمان لێ وەرناگرێت. داوا لە هاووڵاتییان دەکەم، ئەگەر هەر تاوانێکیان بەرامبەر کرا، چ بچووک و چ گەورە، با بێن داوای یاسایی تۆمار بکەن."

موسلیم عەبدوڵڵا، جێگری سەرۆکی لیژنەی پەروەردە و خوێندنی باڵا و لێکۆڵینەوەی زانستیی پەرلەمانی کوردستان بە رادیۆی رووداوی راگەیاند: "پۆلەکانی یەک بۆ سێی بنەڕەتی کە هەستیارترین پۆلەکانی خوێندنن و تێیدا فێری نووسین و خوێندنەوەی زمانی دایکی دەبن. لەو کاتەوەی کۆرۆنا هاتووە، قوتابی هەیە لە پۆلی سێیەمی بنەڕەتیدایە و هێشتا بە باشی فێری پیتەکان نەبووە. نازانێت بنووسێت و بخوێنێتەوە؛ ئێمە قوتابیی نەخوێندەوار دروست دەکەین."

سەرکۆ ئازاد گەڵاڵی، بڕیاردەی لیژنەی وزە و سامانە سرووشتییەکان و پیشەسازی و بازرگانی لە پەرلەمانی کوردستان بە رادیۆی رووداوی راگەیاند: "پێویستە بازاڕ چاودێری بکرێت. سیاسەتی حکومەت بەرامبەر بە جووڵەی بازرگانی ناڕوونە، لەبەر ئەوەی بەشێکی بەرپرسان لە پاڵ کاری سیاسی و حوکمڕانیدا بازرگانی دەکەن و لە رووی بازرگانییەوە کاریگەرییان لەسەر کەسانی بڕیاربەدەستی ناو حکومەت هەیە." 

شێروان میرزا، ئەندامی لیژنەی دارایی لە پەرلەمانی عێراق بە رادیۆی رووداوی راگەیاند: "یاسای بودجەی ساڵی 2021ـمان هەیە کە کەوتووەتە بواری جێبەجێکردنەوە، هەموو لایەک لەسەریان پێویستە پێوەی پابەند بن. لە بارێکدا ئەگەر حکومەتی عێراق پابەند نەبوو یان حکومەتی هەرێمی کوردستان پابەند نەبوو، هەریەک لە لایەکەی دیکە دەتوانێت پەنا بباتە بەر دادگەی فیدراڵی. ئەگەر ئەم هەواڵە راست بێت، حکومەتی هەرێمی کوردستان دەتوانێت لە داگەی فیدراڵی سکاڵا تۆمار بکات."

موسەنا ئەمین، ئەندامی پەرلەمانی عێراق بە رادیۆی رووداوی راگەیاند: "دەبوو پرسی گەنمی جووتیارانی هەرێمی کوردستان بۆ خولەکێک کاتی پەرلەمانتاران و دەزگای یاسادانی عێراقی نەگرتایە، چونکە بابەتێکی جێبەجێکارییە و دەبوو حکومەت کاری خۆی جێبەجێ بکردایە و مافی ئەو جووتیارانەی بدایە. دەبوو لەسەر ئەو پرسە سەرۆکی ئەنجوومەنی وەزیران و وەزیری بازرگانی بۆ پەرلەمان بانگ بکرێن بۆ ئەوەی لێیان بپرسرێتەوە. ئەوان هیچ بەڵگەیەکی یاساییان نییە کە ئەم گێچەڵە بە جووتیارانی ئێمە دەکەن."

دەستەی گەشتوگوزار: لەماوەی چوار مانگی سەرەتای ئەمساڵدا نزیکەی 700هەزار گەشتیار هاتوونەتە هەرێمی کوردستان

عەلی عەبدوڵڵا، گوتەبێژی پۆلیسی هاتووچۆی راپەڕین بە رادیۆی رووداوی راگەیاند: "ئەو کەسەی ئۆتۆمبێلەکەی خۆی سووتاندووە ناوی سەلام شەپۆلە و ئۆتۆمبێلەکەی لە جۆری مازدایە. ئەو هاونیشتمانییە هیچ کاتێک نەچووەتە بەشی تۆماری بەڕێوەبەرایەتیی هاتووچۆی راپەڕین بۆ ئەوەی ئۆتۆمبێلەکەی بکات بە ناوی خۆیەوە."