شوناس شێرکۆ، ئەندامی ژووری پەیوەندییە دیپلۆماسییەکانی بزووتنەوەی گۆڕان بە رادیۆی رووداوی راگەیاند: "لەنێوان ئێمە و برادەرانمان لە یەکێتی و پارتی گفتوگۆ لەسەر خاڵە کۆنکرێتییەکانی دەستوور نەکراوە. ئەوەی گفتوگۆی لەسەر کراوە مەبدەئەکانە. تاوەکو ئێستا لەبارەی بابەتی سەرۆکایەتیی هەرێمی کوردستان و سیستمی سیاسییەوە لەگەڵ یەکێتی و پارتیدا قسەمان نەکردووە. ئێمە لەگەڵ سەرۆکی هەرێمی کوردستان و یەکێتی و پارتیدا لە گفتوگۆکاندا لەسەر خاڵیک هاوڕا بووین کە ئەوە بوو دەستوورێکی مەدەنی بێت."

رێبوار حەمەد، گوتەبێژی كۆمەڵی دادگەریی کوردستان بە رادیۆی رووداوی راگەیاند: "لە دەستووری هەرێمی کوردستاندا ئێمە بە کەمتر لەوەی دەستووری عێراق بۆ ئایینی ئیسلامی داناوە، رازی نابین."

د. باخان ئازاد کە بەوە ناسراوە باس لە هەبوونی گەندەڵی لە کەرتی تەندروستیی هەڵەبجەدا دەکات و چەندین جار لە میدیاکانەوە ئەو پرسەی ورووژاندووە و لە دادگایش کاڵای لەسەر تۆمار کردووە، بەهۆی قسەکانیەوە لەلایەن ئاسایشی سلێمانییەوە زیاتر لە دوو رۆژ دەستگیر دەکرێت و دواتر ئازادی دەکەن.

د. پشدەر عەبدوڵڵا، بەڕێوەبەری نەخۆشخانەی د. جەمال ئەحمەدی منداڵان لە سلێمانی بە رادیۆی رووداوی راگەیاند: "ئەم پەتای سکچوون و رشانەوەیە تای لەگەڵدایە و نزیکەی 12 رۆژە لەناو منداڵاندا بڵاوبووەتەوە و چوار-پێنج رۆژە زۆر زیادی کردووە. ئێستا لە نەخۆشخانەکان ئەوانەی بۆ چارەسەر سەردان دەکەن رەنگە 60٪ـیان سکچوون و رشانەوە بن. ئەگەر پێشتر سێ نهۆممان نەخۆشیان تێدا بووبێت، ئێستا پێنج نهۆممان نەخۆشیان تێدایە."

د. جەمال کۆچەر، ئەندامی لیژنەی دارایی لە پەرلەمانی عێراق بە رادیۆی رووداوی راگەیاند: "لەو رۆژەوەی یاسای بودجە پەسند کراوە، دەبوو شاندێک لە هەرێمی کوردستانەوە بهاتنایەتە بەغدا، چونکە هەرێمی کوردستان پارەی لای عێراقە و مافی خۆی وەربگرێت نەک بە پێچەوانەوە."

لە خەلیفان نەخۆشیەکی دەگمەن هەڕەشە لە گەنجێک دەکات و برایەکی بەهەمان نەخۆشی مردووە ."

کامەران مەحموود، هاونیشتمانیی دانیشتووی ئەڵمانیا و پێشمەرگەی خاوەنپێداویستیی تایبەت بە رادیۆی رووداوی راگەیاند: "ئەمە سێیەم جارمە لە ئەڵمانیەوە بۆ فڕۆکەخانەی هەولێر گەشت بکەم. تاوەکو ئێستا تووشی شتی وا نەبووم، بەڵام ئەم جارە لە گەڕانەوەمدا گوتیان: '150 دۆلارمان بدەرێ کە ئێمە تۆ دەخەینە ناو فڕۆکەکەوە.' گوتم: 'شتی وا نییە.' گوتیان: 'ئەگەر پارەکە نەدەیت، ناتخەینە فڕۆکەکەوە. تیکتەکەت دەسووتێت و دەبێت بگەڕێیتەوە بۆ ماڵ.' منیش پارەم پێ نەبوو و دوو برام لەگەڵدا بوون. گوتم: 'ئەوان یارمەتیم دەدەن.' گوتیان: 'ئێمە خۆمان کەسمان هەیە و ئەوان دەتبەنە فڕۆکەکەوە.' "

فەهیم عەبدوڵڵا، سەرۆکی ئەنجوومەنی پارێزگای دهۆک بە رادیۆی رووداوی راگەیاند: "چەند ساڵێکە لە سنووری دەرکار، سندی و گولیا دیاردەی داربڕین هەیە. بیانووی هێزی تورکیا ئەوەیە کە ئەم دارانە و ئەم دارستانانە لە بەردەمیاندا رێگرن و لەسەریان هەڕەشەن. لەگەڵ هەندێک کۆمپانیادا رێککەوتنیان کردووە و بە نوێترین ئامڕاز دەستیان بە بڕینەوەی ئەو دارستانانە کردووە. بێگومان ئەوانەیش کۆمپانیا و بازرگانی تورکیان. دیارە چەکدارانی هێزی تورکیا هاوبەشییان لەگەڵ ئەو کۆمپانیایانەدا هەیە. بیانووەکەیشیان ئەوەیە ئەو دارستانانە دەبنە پەناگە بۆ گەریلاکانی پەکەکە. تورکیا وەک سیاسەتێکی سووتاندنی ئەو زەوییانە و بۆ سوودێکی بازرگانی ئەو کارە دەکات."