لیوا عەبدولخالق تەڵعەت: دوو لیوای هاوبەش لە نێوان هێزەکانی پێشمەرگە و سوپای عێراق دروستدەکرێن

رووداو- رادیۆ

لیوا عەبدولخالق تەڵعەت، نوێنەری وەزارەتەکانی ناوخۆ و پێشمەرگە لە فەرماندەیی ئۆپەراسیۆنەکانی عێراق بە رادیۆی رووداوی راگەیاند، چوار ناوەندی هاوبەش لە دیالە وکەرکووک و موسڵ و رۆژئاوای موسڵ دەکرێنەوە، ژووری ئپەراسیۆن لە دیالە لە خانەقین کراوەتەوە، ئەمڕۆش لە کەرکووک دەستبەکاردەبن و لە رۆژانی داهاتووشادا لە مەخموور و نەینەوا دەکرێنەوە.

لیوا عەبدولخالق تەڵعەت لەبارەی ئەرکی ئەو ژوورە هاوبەشانە گوتی:" یەکێک لە خاڵە ئەرێنییەکانی ئەو ژوورە هاوبەشە گەڕانەوەی متمانەیە، دواتریش لە داهاتوودا ئۆپەراسیۆنی هاوبەش ئەنجامدەدەن، هەروەها رێگریش لە گرووپە چەکدارەکانی دیکە دەکەن، کە دەیانەوێت کێشەی ئەمنی بۆ هەرێمی کوردستان دروست بکەن".

هەروەها نوێنەری وەزارەتەکانی ناوخۆ و پێشمەرگە لە فەرماندەیی ئۆپەراسیۆنەکانی عێراق گوتی:" دوای ئەو ژوورانەش دوو لیوای هاوبەش دروست دەکرێن، کە لەلایەن هاوپەیمانانەوە سەرپەرشتیدەکرێن و تێکەڵ دەبن و جل وبەرگ و هەموو شتێکیان یەک دەبێت".

پێشتریش لیوا قارەمان کەمال، جێگری سوپاسالاری پێشمەرگە بە تۆڕی میدیایی رووداوی راگەیاندبوو، 

لە هەولێر رۆژی 2020/08/13 شۆفێری تەکسییەک کوژرا و بە گوتەی کەسوکارەکەی ئەوانەی دەستیان لە کوشتنیدا هەبووە هەڵاتوون و ئێستا لە کۆیە لای بەرپرسێک داڵدە دراون.

عەلی قادر، باوکی کوژراوەکە بە رادیۆی رووداوی راگەیاند: "کوڕەکەم شۆفێری تەکسی بوو. ئەوانەی دەستیان لە کوشتنیدا هەبووە کەسێکیان بە کرێ گرتووە کە بە حەوت هەزار دۆلار کوڕەکەم بکوژێت. لەو پارەیەیش تەنیا 25 هەزار دیناری عێراقییان داوەتە بکوژەکە. ئێستا بکوژەکە گیراوە و دانی بەوەدا ناوە کە دوو کەسی دیکە داوایان لێکردووە ئەو کارە بکات. یەکێکیان ناوی 'س. ئـ. ح.'ـە و ئەوی دیکەیشیان ناوی 'ق. ش. ئـ.'ـە* کە مام و برازان و بۆ گوندی گۆپتەپەی سەر بە کۆیە هەڵهاتوون و بەرپرسێکیان لە پشتە. کە چوونە ئەوێ، لە دادگەی هەولێر بە ماددەی 406 فەرمانی دەستگیرکردنیان بۆ دەرچووە و بە فەرمی پەڕاو بۆ پۆلیسی کۆیە نێردراوە."

بەشێکی ئەو کەسانەی زەوییان بەر پارکی هەواری شاری سلێمانی کەوتووە گلەیی ئەوە دەکەن کە زەویی قەرەبوویان وەرگرتووە، بەڵام ئێستا رێگرییان لێ دەکرێت کە زەوییەکان بەکاربهێنن.

زەردەشت رەفیق، بەرپرسی راگەیاندنی شارەوانیی سلێمانی لەو بارەیەوە بە رادیۆی رووداوی راگەیاند: "کاتێک کەسێک زەوییەکی بەر پرۆژەیەک دەکەوێت، ئەگەر بەڵگەی هەبێت و بە ناوی خۆیەوە بێت، ئێمە وەکو شارەوانی زەویی بۆ دابین دەکەین و کە لە بەڕێوەبەرایەتیی تۆمارکردنی خانووبەرە کرا بە ناویەوە، ئیتر باوەڕ ناکەم هیچ یاسایەک هەبێت بتوانێت رێگریی لێ بکات. ئەگەر کەسێک بێت بڵێت زەوییەکم لەلایەن ئێوەوە وەرگرتووە و هەموو رێکارە یاساییەکانم تەواو کردووە، با بەڵگەکانی بهێنێت، بە دڵنیاییەوە هاوکاریی دەکەین."

د. بەهرام خدر، پسپۆڕی ژینگە و کەشوهەوا بە رادیۆی رووداوی راگەیاند: "ئەمساڵ ناوچەکانی باشووری عێراق رووبەڕووی گەرمایەکی زیاتر دەبنەوە، چونکە ئێستا بەبیابانبوون زیاد بووە، بەڵام هەرێمی کوردستان لەو دۆخە دوورە، چونکە لەژێر کاریگەریی کەشوهەوای دەریای سپیی ناوەڕاست، دەریای قەزوین و دەریای رەشدایە. بڕی بارانبارین لە هەرێمی کوردستان هەرگیز لە 200 میلیمەتر کەمتر نەبووە، بۆیە مەترسیی بەبیابانبوون هەرێمی کوردستان ناگرێتەوە."

دلێر عەبدوڵڵا، بەڕێوەبەری پەروەردەی ناوەندی هەولێر بە رادیۆی رووداوی راگەیاند: "تاقیکردنەوەی پۆلی نۆی بنەڕەتی لەگەڵ پۆلی 12 نابێت و بە تەنیا لەناو قوتابخانەکاندا دەبێت و 22ی حوزەیران لەگەڵ پۆلەکانی دیکەدا دەکرێت، بەڵام پرسیارەکانیان ناوەندی دەبێت، واتە لە وەزارەتی پەروەردەوە بۆیان دادەنرێت. بەم نزیکانە لە وەزارەتی پەروەردەوە لەبارەی چۆنیەتیی پشکنینی فۆرمەکان و هەژمارکردنی نمرەکان رێنمایی دەردەچێت."

سەرپەرشتیاری لیژنەی کڕینی ڤاکسین : 500 هەزار ژەمە ڤاکسین لە کۆمپانیای ئەسترازینکا دەکڕین

نەوزاد شێخ کامیل، بەڕێوەبەری گشتیی بازرگانیی هەرێمی کوردستان بە رادیۆی رووداوی راگەیاند: "تا حکومەتی فیدراڵ دیاریی نەکات و پێمان نەڵێت چەندە گەنمامان لێ وەردەگرێت، ئێمە ناتوانین گەنم وەربگرین. لەو بڕوایەداین لە پار کەمتر وەرنەگرن، بەڵام داوایشمان کردووە ئەمساڵ 640 هەزار تۆن گەنممان لێ وەربگرن."

زانا عەبدولڕەحمان، قایمقامی پێنجوێن بە رادیۆی رووداوی راگەیاند: "پێنجوێن ناوچەیەکی کوێستانیی فراوانە و داراستانی زۆری هەیە. زۆربەی ئاگرکەوتنەوەکان بە هۆکاری مرۆییە کە بە ئانقەست دەسووتێنرێت بۆ ئەوەی دارەکان وشک بکەن و دواتر بیکەنە زەویی کشتوکاڵی. هەندێک جاریش کەسێک دەیەوێت ئاگرێک بکاتەوە چایەک دەم بکات، لە دەستی دەردەچێت. دیاریش نییە کە کێیە ئاگرەکە دەکاتەوە، چونکە ناوچەکە دوور لە ئاوەدانییە. شوێن هەیە 60-70 کیلۆمەتر لە تیمەکانی بەرگریی شارستانییەوە دوورە."

ئیسرا محەممەد جاسم، ئەو ئافرەتە نەخۆشەیە کە تەمەنی 25 ساڵانە، پێشتر هاوسەرگیریی کردووە و لە هاوژینەکەی جیابووەتەوە و منداڵێکی هەیە. باوکی نەماوە و دایکی و دوو برای لە کەربەلا دەژین. ئەو لە نەخۆشخانەی پار نەشتەرگەریی قوڕگی بۆ کراوە.

رزگار محەممەد، کە هاوڕێی ئیسرایە و بردوویەتیە نەخۆشخانە بە رادیۆی رووداوی راگەیاند: "رۆژی 25ی ئاداری 2021 لە نەخۆشخانەی پار خەوێنرا، بڕی ملیۆن و نیوێک بۆ نەشتەرگەرییەکەی دیاری کرا. پارەی نەشتەرگەری و تەئمینات و هەموو شتێکی بۆ دراوە. دوای ئەوە پێمانگوتن کە نەخۆشەکە نەخۆشیی شەکرە و دڵی هەیە، ئەوانیش گوتیان وایە. کە برایە چاودێریی چڕ دۆخی تێکچوو و 16 رۆژ لەوێ مایەوە. گوتیان بیبەنە نەخۆشخانەی حکومی. چووینە نەخۆشخانەی رزگاری، لەوێ گوتیان ئەو ئامێرەمان نییە و لەوانەیە لێرە بمرێت. ئیتر هێنامەوە بۆ نەخۆشخانەی پار. ئیترپارەکە زیاد بوو و ئێستا گەیشتووەتە سەرووی 180 وەرەقە (18 هەزار دۆلار)."