ئەکرەم ئەحمەد: ئاستی ئاوی بەنداوەکانی هەرێمی کوردستان  زۆر دابەزیووە

کاسترۆ مەعرووف، ئەندامی ئەنجوومەنی پارێزگای سلێمانی بە رادیۆی رووداوی راگەیاند: "بە داخەوە شەڕەسەگ چەند جار کێشەی کۆمەڵایەتیی لێ کەوتووەتەوە. زۆر جار ئەو شەڕەسەگە بۆ گرەوی گەورە لەسەر پارە بە کار دەهێنرێت و تەنانەت بازرگانی بەو جۆرە سەگانەوە دەکرێت. دەیان نموونە هەیە کاتێک سەگەکە لە شەڕێکدا دۆڕاوە، خاوەنەکەی کوشتوویەتی یان زیاتر ئازاری داوە."

ئاری ئەحمەد، بەڕێوەبەری گشتیی ئاوی هەرێمی کوردستان بە رادیۆی رووداوی راگەیاند: "ئێمە ئێستا کار لەسەر رێکخستەنەوەی پێدانی ئاو دەکەین، نەک کەمکردنەوەی، چونکە بەشێکی زۆری ئەو ئاوەی دابینی دەکەین، لە هەندێک شوێن زۆر زیاد بەکاردەهێنرێت و لە هەمان شوێنیش کاریگەریی بێئاوی لەسەر هاونیشتمانییان هەیە. بەپێی ستانداردە جیهانییەکان دەبێت هەر کەسێک رۆژانە 200-250 لیتر ئاوە، بەڵام ئەوەی ئێمە دابینی دەکەین رۆژانە لەنێوان 350-400 لیتردایە بۆ هەر کەسێک. هەندێک لە خەڵکیش بە شێوەیەکی دروست بەکاریناهێنن و زۆر بەفیڕۆ دەدەن."

شێرزاد رەشید، بەڕێوەبەری بەشی خوێندنی کوردی لە کەرکووک بە رادیۆی رووداوی راگەیاند: "حکومەتی عێراق هەموو پێداویستییەک بۆ خوێندنی عەرەبی و تورکمانی دابین دەکات، بەڵام بۆ خوێندنی کوردیی ناکات، بۆ ئەوەی خوێندکار و مامۆستا واز لە خوێندنی کوردی بهێنن. هەموو جارێکیش پێمان دەڵێن: 'وازمان لێ بهێنن، ئێوە سەر بە هەرێمی کوردستانن و بڕۆن با ئەوان بۆتان دابین بکەن. ئەو ئامێر و پێداویستییانەی هێناومانن بۆ قوتابخانە عەرەبی و تورکمانییەکانن.' ئێستا حکومەتی هەرێمی کوردستانیش وەک جاران نەماوە و زۆر بە کەمی پێداویستییەکانمان بۆ دابین دەکات."

عەلی جەدعان، ئەندامی پەرلەمانی سووریا بە رادیۆی رووداوی راگەیاند: "ئێستا سوورییەکان تەحەدای هەموو سەختییەکان دەکەن و دەچنە بنکەکانی دەنگدان و دەنگ دەدەن. ئەوانەی بە سندووقی چەک و جبەخانە رووبەڕووی سوورییەکان بوونەوە، ئێمە بە سندووقی دەنگدان رووبەڕوویان دەبینەوە. دوای ئەم دەنگدانە قۆناخێکی نوێ و پرشنگدار لە سووریادا بە سەرۆکایەتیی بەشار ئەسەد دێتە ئاراوە."

عومەر ئۆسی، کەسایەتیی کورد و ئەندامی پێشووی پەرلەمانی سووریا بە رادیۆی رووداوی راگەیاند: "تاوەکو ئێستا لەناو ئۆپۆزیسیۆندا شوێنگرەوەیەکی باش بۆ بەشار ئەسەد نییە. کورد لە هەرسێ وڵاتی عێراق، ئێران و تورکیا بەشداریی هەڵبژاردنی پەرلەمان دەکەن، تەنیا لە سووریایە بایکۆتیان کردووە، ئەوەیش باش نییە. با وەک ئۆپۆزیسیۆن بەشدار بوونایە، نەک ئەوەی پێیان بگوترێت ناپاکن و لەگەڵ ئەمریکا و ئیسرائیلدان. دەبێت ئێمەی کورد لە رێگەی گفتوگۆی سیاسییەوە گوشار لە دەوڵەت بکەین و ناچاری بکەین کە مافەکانمان دابین بکات."

لە هۆکارە ژینگەییەکاندا پیسبوونی هەوا کاریگەریی زۆری لەسەر تووشبوون بە شێرپەنجە هەیە. زۆربوونی هۆیەکانی گواستنەوە کە کوالێتیی سووتەمەنییان خراپە و ماددەی زیانبەخش دەردەدەن، هۆکارێکە بۆ تووشبوون بە شێرپەنجە.

رەزا خەیلانی، بەڕێوەبەری کاروباری هونەری لە دەستەی ژینگەی هەرێمی کوردستان بە رادیۆی رووداوی راگەیاند: "دەبێت حکومەتی هەرێمی کوردستان هاوردەکردنی ئۆتۆمبێل بەو رێژە زۆرە رابگرێت بۆ ئەوەی ژینگە هێندە پیس نەکرێت. لە هەرێمی کوردستاندا لە هەر شەش کەس دوو ئۆتۆمبێلیان بەرددەکەوێت کە لە هیچ ستانداردێکی جیهانیدا شتی وانییە. پێویستە کوالێتیی سووتەمەنییش چاک بکرێت و چاودێریی ئەو شوێنانە بکرێت کە سووتەمەنی بەرهەم دەهێنن. دەبێت وەزارەتی گواستنەوە و گەیاندن خەمی ئەوە بخوات کە گواستنەوەی گشتی دابین بکات بۆ ئەوەی کەمترین ئۆتۆمبێل بەکاربهێنرێت."

گوڵستان سەعید، جێگری سەرۆکی لیژنەی کاروباری کۆمەڵایەتی و داکۆکیکردن لە مافی مرۆڤ بە رادیۆی رووداوی راگەیاند: "داوامان کردووە پەرلەمان نامەیەک ئاراستەی ئەو حیزبانە بکات کە مەکتەبی کۆمەڵایەتییان هەیە و سوڵحی عەشایەری دەکەن، بۆ ئەوەی واز لەو کارە بهێنن و بکوژانیش داڵدە نەدەن. ئەمە کارەساتێکی زۆر گەورەیە و کۆمەڵگاکەمان دەخاتە بەردەم مەترسییەوە."

نەهرۆ مەحموود، ئەندامی لیژنەی ئابووری و وەبەرهێنان لە ئەنجوومەنی نوێنەرانی عێراق بە رادیۆی رووداوی راگەیاند: "ئێستا بەهۆی دابەزینی نرخی لیرەی تورکی و تمەنی ئێرانییەوە بەرامبەر بە دۆلاری ئەمریکی، عێراق بووەتە گۆڕەپانێکی کراوەی کارکردن بۆ هاووڵاتییانی ئەو دوو وڵاتە. ئەوەیش کاری لە ئابووریی عێراق کردووە کە هەلی کار بۆ دراوسێکان بەردەست بێت."