Tonakgolo ya Gauteng David Makhura o tsibositse boMasepala ba ba sa batleng gonna karolo ya Mokgatlo wa dipuso-selegae, Salga, gore ba seka ba solofela tshegetso epe go tswa mo pusong.

Anc e tlile go tshwara kopano ya bobegadikgang kwa Jhb mo sebakeng sa ura morago ga gore Komiti khuduthamaga ya bosechaba e buisanele isago ya moPresidente Jacob Zuma kwa Irene gaufi le Pta.

Tsheko kgatlhanong le batlhasedi ba le babedi ba kwa dipolaseng ba kwa Mogwase gaufi le Rustenburg, e simolotse kwa kgotlatshekelo kgolo ya North West mono Mahikeng.

Go begwa fa voutu ya go se ikanye mopresidente Jacob ee tsweleditsweng ke lekoko la gagwe e retetse.

Baitsanape bangwe ba re fa mopresidente Jacob Zuma a sa tlosiwe mo maemong o tlile go koafala mme kgatelelo ya gore a leboge tiro e tlile go gagamala.

Ranta e tsweletse go itsetsepela morago ga dikgang tsa gore mopresidente Jacob Zuma o lebanwe ke voutu ya go se mo ikanye e e tla tswelediwang ke komiti khuduthamaga ya bosechaba ya ANC.

Kgotlha tshekelo kgolo ya Western Cape e tla reetsa kgetsi e e potlakileng ya monnasetulo wa boto ya SABC Mbulaheni Maguvhe ka labotlhano ya gore komiti ya nakwana ya palamente mo merereng ya kgaso e tsenye mongwe mo maemong a gagwe.

Komiti ya nakwana ya palamente e e batlisisang SABC ga e ne e tswelelapele jaaka go ne go rulagantswe ka moso.

Mopresidente Jacob Zuma o boetse kwa hotele kwa Irene, kwa gone komiti khuduthamaga ya bosetshaba ya ANC e seka sekang morero wa gore a leboge tiro.

Motlhankela wa lepodisi la motsi wa Apartheiti o kaile fa ditopo tsa bakgaratlhela kgololosego ba ANC di kolopetswe kwa shafteng ya moepo o o sa direng kwa Klerksdorp mono North West...