SABC North West

ANC ya re tshwetso ya COSATU ya go ema nokeng le go ngokela motlatsa mopresidente Cyril Ramaphosa kemonokeng go nna moeteledipele yo o latelang wa ANC, e kase kitlane lekoko.

Helen Suzman Foundation ya re ga e ne e phuaganya kopo ya yona ya go gapeletsa mopresidente Jacob Zuma go sekega mookamedi wa bothati ba bosetshaba ba bosekisi NPA Shaun Abrahams.

COSATU e kgadile ka bogale tona ya lefapha la dimenerale Mosebenzi Zwane, mme e tla lopa gore a kobiwe mo tirong.

Mookamedi wa bothati ba bosechaba ba bosekisi Shaun Abrahams le badiri mmogo nae ba le babedi Torie Pretorius le Sibongile Mzinyathi, ba botlhokwa thata mo tsamaisong ya NPA, mme ba ka se tlosiwe mo maemong a bona ka ntlha ya dipego tse di senang motheo.

Cosatu ya re e sweeditse go emanokeng le go ngokela gore Cyril Ramaphosa e nne presdiente e latelang ya ANC, gonne e dumela gore a ka kitlanya lekoko le le busang.

Mokhomishinara wa mapodisi wa nakwana Khomotso Phahlane a re o gakgamaditswe ke go utlwa mo bobegakgannyeng gore bkaedi ba dipatlisiso kgatlhanong le mapodisi IPID bo a mmatlisisa.

ANC e latofaditse Save South Africa ka go leka go phutlhamisa puso le go koafatsa lekoko le le busang.

Ba ditirelo tsa maemo a bosa mo Afrika Borwa ba tsibosa baagi mo dikarolong di le dintsi tsa naga go emela dipula tse di maatla go leba kwa bokhutlhong jwa beke.

EFF yare e tla thibela mopresidente Jacob Zuma go tsena ka palamente ngwaga o o tlang fa a tla bo a tshwanelwa ke go buwa le setshaba kgotsa State of The Nation Address ka 2017.

Komiti ya taolo ya matlole kwa Reserve Bank e tla rebola pegelo ya bofelo e e ka ga seelo sa merokotso gompieno ya ngwaga otlhe.