Um fátt annað er rætt þessa dagana en fyrirhugaða þjóðaratkvæðagreiðslu um framhald viðræðna um aðild Íslands að Evrópusambandinu. Í þætti dagsins ætlum við þó ekki að dvelja við atkvæðagreiðsluna um Evrópusambandið 29. ágúst - þess í stað verður sjónum beint að fyrri þjóðaratkvæðagreiðslum hér á landi - en Íslendingar hafa átta sinnum mætt á kjörstað og greitt atkvæði í slíkum kosningum. Rætt er við Ragnheiði Kristjánsdóttur, prófessor í sagnfræði.

Umsjón: Ingvar Þór Björnsson