Samfélagið

Þorsteinn Jóhannesson sérfr. Umhverfisstofnun: Notkun nagladekkja eykst enn eitt árið. Rætt er um slitið, en hver bíll á nöglum veldur tuttugu sinnum meira yfirborðssliti en bíll á ónegldum dekkjum, kostnaðinn, gjaldtöku og heilsufarleg áhrif svifryks . Jökull Sólberg Auðunsson samgönguráðgjafi: Kaup og notkun á svokölluðum rafskútum hefur snaraukist undanfarið. Jökull rekur helstu kosti þessa farartækis . Edda Waage land- og ferðamálafræðingur: Edda er ein höfunda greinar sem fjallar um æðarfuglinn, þennan stórmerkilega fugl sem var fyrsti fuglinn til að vera friðaður á Íslandi og sem hefur, líklegast allt frá landnámi, átt í eintaklega sérstöku hagsmunasambandi við mennina.

Andri Heiðar Kristinsson, stafrænn leiðtogi í fjármálaraðuneytinu: Stafrænt Ísland Bergþóra Sigmundsdóttir, sviðstjóri hjá sýslumanninum á höfuðborgarsvæðinu: utankjörfundaatkvæðagreiðsla og framkvæmd kosninga Friðrik Páll Jónsson: íðan nasistinn Adolf Eichmann var dæmdur og hengdur í Ísrael í byrjun sjöunda áratugarins hafa engin réttarhöld í Ísrael vakið jafnmikla athygli og réttarhöldin yfir Benjamín Netanjahú forsætisráðherra. Þau hófust í fyrradag. Ef hann verður fundinn sekur á hann yfir höfði sér að verða dæmdur í allt að 10 ára fangelsi.

Heiða María Sigurðardóttir Rannsóknamiðstöð um sjónskynjun: Vísindamenn við Sálfræðideild Háskóla Íslands eru nú að hefja afar athyglisverða rannsókn á myndrænni ímyndun fólks, þ.e. hversu vel fólk getur séð hluti fyrir sér. Til er fólk sem telur sig aldrei hafa haft neina getu til myndrænnar ímyndunar. Sömuleiðis virðist vera til fólk á hinum enda rófsins sem sér hlutina ljóslifandi fyrir sér í huganum . Unnur Sigurþórsdóttir verkefnastjóri Húsdýragarðsins: Húsdýragarðurinn opnar brátt eftir faraldurslokun. Samfélagið heimsækir garðinn, litast um og spjallar við starfsfólk. Edda Olgudóttir: Í vísindaspjalli dagsins ræðir Edda hvað hunangsflugur gera þegar skortur er á frjókornum.

Í Samfélaginu í dag verður ferðast út í Surtsey með Birnu Lárusdóttur fornleifafræðingi, en hún stundar rannsóknir á Örnefnum við Stofnun Árna Magnússonar í íslenskum fræðum. Birna segir frá ferð sinni í eynna með hópi vísindamanna og rannsóknum sínum á nöfnum í eynni. Þá verður fræðst um eðli flugfreyjustarfsins, rætt verður við Guðmundu Jónsdóttur flugfreyju sem hefur unnið sem slík síðan 1984. Og í lok þáttar verður fræðst um skrítna og forvitnilega hluti með Veru Illugadóttur.

María Jóna Magnúsdóttir, framkvæmdastjóri Bílgreinasambandsins: Rætt um stöðu bílgreinarinnar, endurgreiðslu virðisaukaskatts vegna bílviðgerða og fleira. Guðrún Þóra Gunnarsdóttir, forstöðumaður Rannsóknarmiðstöðvar ferðamála: Sífellt algengara er að nýir áfangastaðir líti dagsins ljós vegna tengsla þeirra við poppmenningu: sjónvarp, kvikmyndir og tónlist. Rætt um um rannsókn um áhrif og nýtingu poppmenningar í ferðaþjónustu. Eiríkur Ágúst Guðjónsson bóksali: Þegar Eiríkur flutti til Reykjavíkur árið 1981 voru 14 fornbókaverslanir í miðbænum, nú starfar hann í þeirri einu sem eftir er, Bókinni við Hverfisgötu. Samfélagið kíktií heimsókn og ræddi við bóksalann um stöðu bókabúða hér í bæ og útí heimi, covid, amazon, uppskrift að góðu kvöldi og fleira og fleira.

Einar Hansen Tómasson, verkefnastjóri hjá Íslandsstofu: Áhrif skapandi greina á ferðamannaiðnað - mun Júróvisjón mynd Wills Ferrels hafa góð áhrif til að koma Íslandi aftur á kortið sem ferðamannastað? Hjörtur Þorbjörnsson, forstöðumaður Grasagarðsins: Moltugerðin heimavið - hvaða leiðir eru í boði? Friðrik Páll Jónsson með erlendan pistil um baráttuna um bóluefnið. Hvaða þjóðir eiga forgang að bóluefni við kórónaveirunni þegar og ef það verður tilbúið? Er það sameign heimsins alls?

Sundlaugagestir og starfsfólk: Samfélagið var í Vesturbæjarlaug á miðnætti þegar sundlaugar voru opnaðar aftur og tók starfsfólk og gesti tali. Arngrímur Sverrisson rekstrarstjóri Terra: Terra hefur framleitt Moltu í fjölda ára og ní í fyrsta sinn varð moltan uppseld. Rætt um moltuáhuga og framleiðslu. Edda Olgudóttir: Í vísindaspjalli dagsins er sagt frá rannsókn á áhrifum kannabis á utangenaerfðir.

Alma Hafsteins formaður Samtaka áhugafólks um spilafíkn: Samkvæmt nýrri könnun samtakanna eru um 85% landsmanna mótfallin því að spilakassar og salir verði opnaðir að nýju efir lokun vegna kórónufaraldursins. Rætt við Ölmu um könnunina og vanda spilafíklanna. Páll Líndal umhverfissálfræðingur: Fjallað er um samband mannsins við umhverfið sem við búum í og hvernig skipulagsfræðingar og hönnuðir geta nýtt sér tækni sálfræðarinnar til að bæta manngert umhverfi. Vera Illugadóttir: Nakta moldvörpurottan er umfjöllunarefni dagsins.

Martin Ingi Sigurðsson yfirlæknir á gjörgæslu: Covid reynsla og áskoranir og Sidekick gagnabankinn. Vera Knútsdóttir ræddi um áhrif útlendingalaga á stöðu hennar og eiginmanns hennar, en hann er íraskur kúrdi sem vinnu á vegum Sameinuðu þjóðanna í Afríku, og kemur heim til hennar og stelpnanna þeirra inn á milli verkefna. En vegna útlendingalaga lendir hann milli skips og bryggju er varða réttindi og ferðafrelsi. Hafdís Hanna Ægisdóttir flutti umhverfispistil og beindi sjónum sínum að mikilvægi skordýra fyrir lífríki og umhverfi jarðarinnar.

Friðrik Pálsson hóteleigandi og Felix Bergsson Evrópuáhugamaður: Ferðast innanlands - Ferðalög fólksins sem er alltaf erlendis, hvað gerir það nú? Rætt um möguleika á afþreyingu gistingu og mat á Íslandi, hvernig hægt er að gera vel við sig og lifa ljúfa lífinu innanlands. Þórólfur Jónsson deildarstjóri náttúru og garða: Borgarblómahreyfingin og stefna Reykjavíkur gagnvart villtum blómum. Hulda B Kjernested Baldursdóttir Nýsköpunarmiðstöð og Kristjana Barðdal: Hakkaþon er haldið í maí undir yfirskriftinni Hack the crisis Iceland og miðar að því að vinna að áskorunum sem steðja að íslensku samfélagi vegna Covid veirunnar hvað varðar heilsu, velferð, menntamál og efnahag.