Samfélagið

Ólafur Elínarson, Gallup: Fjallað um nýjar niðurstöður umhverfiskönnunar Gallup og farið yfir viðhorf og hegðun Íslendinga í tengslum við umhverfismál og loftslagsbreytingar. Helgi Grímsson sviðsstjóri skóla- og frístundaráðs Reykjavíkur: Óljóst er hvort eða hvar 179 börn með lögheimili í Reykjavík stunda grunnskólanám. Helgi ræðir hvað verið er að gera til að hafa upp á þeim og hvaða úrbóta sé þörf. Ólafur Örn Ólafsson veitingamaður: Einn veitingastaður á Íslandi er með svokallaða Michelin stjörnu. Rætt er um hágæða veitingageirann hér á landi og víðar og hvernig hægt er að missa stjörnu og ná henni aftur á einu ári.

Anna Þorsteinsdóttir form. Landvarðafélagsins: Landvörðum fjölgar í landinu,ekki síst heilsársstörfum. Störf landvarða eru fjölbreytt og starfsvettvangurinn sömuleiðis. Nú vinna landverðir fyrir fleiri en eina stofnun en slíkt myndi breytast ef þjóðgarðar færu allir undir eina stofnun. Aðalsteinn Ingólfsson listfræðingur: Halla Harðardóttir fer í heimsókn í Landsbankann í Austurstræti þar sem stendur yfir sýning á verkum eftir Jóhannes S. Kjarval og ræðir við Aðalstein um Kjarvalssafn Landsbankans og samband þessa ástsæla listamanns við bankann. Friðrik Páll: Boeing 737 Max þoturnar voru kyrrsettar fyrir ellefu mánuðum, eftir tvö flugslys sem urðu 346 mönnum að bana. Slysin voru rakin til galla á stýribúnaði. Nú segist Boeing vænta þess að þoturnar verði aftur teknar í notkun um mitt ár.

Arnar Eggert Thoroddsen: Má njóta níðinga? var yfirskrift málþings þar sem tekist var á við þá spurningu hvort það sé siðferðilega rétt að njóta verka eftir listamenn sem hafa breytt rangt í lífi sínu. Gunnar Ólafsson frumkvöðlasetrinu Djúpið í Bolungarvík: Fræ til framtíðar er verkefni sem unnið er með nemendum 3ja bekkjar í grunnskólum á Vestfjörðum þar sem þau kynnast matjurtaræktun með vatnsræktun. Málfarsmínúta fjallaði um orðið faraldur Edda Olgudóttir: Í vísindaspjalli dagsins fræðumst við um sestron, prótínið sem miðlar góðum áhrifum hreyfingar.

'Arni Finnsson Náttúruverndarsamtökum Íslands: Aælþjóðasiglingamálastofnunin fundar í næstu viku um bann við notkun svartolíu í siglingum á norðurslóðum. María Rún Bjarnadóttir, doktorsnema í lögfræði: Breyta þarf lögum til að tryggja kynferðislega friðhelgi einstaklinga og mæta nýrri tækni og samskiptamátum einstaklinga. Vera Illugadóttir: Rottuárásir á bíla í Bandaríkjunum

Kristjana Björk Barðdal: Reboot Hack er nýsköpunarkeppni háskólanema þar sem þátttakendur með fjölbreyttan bakgrunn keppa saman í hópum og vinna í sólarhring að lausn að áskorunum sem ákveðnar eru fyrir fram. Davíð O Arnar hjartalæknir: Davíð fræðir hvernig snjalltækni eins og t.d. í snjallúrum getur nýst í heilbrigðisþjónustunni. Stefán Gíslason: Í umhverfisspjalli er rætt um loftslagskvíða og hvernig best sé fyrir foreldra að ræða loftslagsmálin við ung börn.

Upplýst og gagnrýnin umræða um samfélagsmál. Umsjón: Leifur Hauksson og Þórhildur Ólafsdóttir.

Úlfhildur Eysteinsdótttir, Vignir Hafsteinsson og Hjörtur Jóhann Jónsson: Þrjár fjölskyldur hjálpast að þegar leikskólar loka í verkfalli. En þess utan eru fjölskyldurnar í töluverðum samskiptum sem hófust í gegnum börnin og foreldrarnir fóru að venja komur sínar í garðinn þegar vel viðraði eftir vinnu. Guðbjörg Heiða Guðmundsdóttir framkvæmdastjóri Marel og Guðlaug Kristinsdóttir stjórnarformaður, Límtré Virnet: Þær ræða hvernig þeirra fyrirtæki mæta þeim áskorunum og tækifærum sem framleiðsluiðnaðurinn stendur frammi fyrir, ekki síst í nýsköpun í umhverfis- og loftslagsmálum. Hólmfríður Þóroddsdóttir Samskiptamiðstöð heyrnalausra og heyrnarskertra: Dagur íslenska táknmálsins var í gær og Hólmfríður segir frá viðburðum dagsins, ræðir stöðu táknmálsins og útskýrir nafnatákn.

Guðrun M Guðmundsdóttir mannfræðingur hjá Rauða Krossinum: Guðrún er ein þriggja kvenna sem heldur utan um þær níu sýrlensku fjölskyldur sem fluttu á norður á hvammstanga og blönduós í fyrravor. Hún segir aðlögun ganga ótrúlega vel, bæði hjá nýju íbúunum og samfélaginu sem tók á móti þeim, en ýmis atriði þurfi þó almennt að skoða betur, þá sérstaklega mennta og atvinnumál flóttafólks. Gísli Nils Einarsson, VÍS: Á hverju ári verða þúsundir íslendinga fyrir slysum af ýmsu tagi. Hvers konar slys eru það og hvað er hægt að gera til að fækka þeim. Gísli segir frá forritinu ATVIK sem auðveldar verkefnið. Friðrik Páll: Tugir milljóna manna hafa verið í sjálfskipaðri eða fyrirskipaðri einangrun í Kína vegna 2019-kórónaveirunnar, og enn er fólk hvatt til þess að halda sig heima. Víða hefst skólahald ekki fyrr en í lok mánaðarins. Fólk utan Hubei-héraðs er farið að snúa aftur til vinnu en í minna mæli en búist var við. - Stjórnvöld eru harðlega gagnrýnd fyrir að hafa brugðist seint við farsóttinni og þar með gert illt verra.

Upplýst og gagnrýnin umræða um samfélagsmál. Umsjón: Leifur Hauksson og Þórhildur Ólafsdóttir.

Hjörtur Þorbjörnsson forstöðumaður Grasagarðsins í Laugardal: Hvað er hægt að gera við lífræna úrganginn á heimilinu þegar ekki er til staðar garður fyrir safnhaug? Halldór Þ Haraldsson form. Iðnaðarmannafélags Reykjavíkur: Iðnaðarmannafélagið er með elstu félögum á landinu og tilgangur þess er að efla menningu og menntun iðnaðarmanna. Konum fjölgar í iðnnámi og sífellt fleiri greinar bætast við. Edda Olgudóttir: Í vísindaspjalli dagsins fjallar Edda um stressið og gráu hárin.