Við kynntum okkur samfélagslistir í dag, en viðburðarröðin Öllum til heilla er einmitt samtal um samfélagslistir. Þar verður sjónum beint að mikilvægi listar sem leyfir óvæntum röddum að heyrast og gefur innsýn í líf þeirra sem búa við hvers kyns skerðingar og jaðarsetningu. Við töluðum við Björgu Árnadóttur rithöfund og meðlim í Reykjavíkurakademíunni og fengum hana til að segja meira frá samfélagslist og viðburðaröðinni.

Við fræddumst svo um nýtt app, eða snjallforrit, sem er hugsað fyrir þolendur ofbeldis og hlaut verðlaun í frumkvöðlakeppninni Gullegginu fyrir skemmstu. Lilja app er bjargráður þolenda ofbeldis, það er til dæmis í beinu sambandi við 112 Neyðarlínuna og getur á margvíslegan hátt verndað þolendur og hjálpað þeirra réttarstöðu. Við fengum Ingu Henriksen félagsfræðinema og Árdísi Einarsdóttur lögfræðing, sem standa að þessu snjallforriti, Lilja app, í þáttinn til að segja okkur betur frá því.

Nú á dögum væru Bjarnarbófarnir líklega ekki að ræna banka eins og bankaræningja var háttur áður, fyrr sagði Þorbjörn Jónsson sparisjóðstjóri Sparisjóðs Strandamanna þegar hann kom við hjá Kristínu okkar Einarsdóttur á leið heim af skíðanámskeiði. Við heyrðum þeirra spjall í dag.

UMSJÓN GUÐRÚN GUNNARSDÓTTIR OG GUNNAR HANSSON