Tónleikararnir Jóan Jakku og Sámal spæla við ymsum bólkum, og ofta spæla bara teir báðir saman. Teir báðir tosa um, hvussu tónleikapallurin var í Vágum og í Føroyum annars, tá teir góvu sínar fyrstu plátur út. Somuleiðis tosa teir um, at summi løg hjá teimum hava staðið tíðarinnar roynd og eru enn kend løg millum ung í dag. Vertirnir Beinir Bergsson og Dania O. Tausen tosa við teir um, hví so man vera, og hvussu teimum dámar tónleikapallin í dag. 

 

 Lasse Thorning Jæger og Lív Maria Róadóttir Jæger hava gjørt tónleikin í sendingini.

Rithøvundarnir Arnbjørn og Sámal arbeiða báðir við stuttsøguni sum tekstaslagi, men á hvør sín hátt. Arnbjørn arbeiða nógv við einum persóni, Alberti, sum vendir aftur í fleiri søgum. Sámal skrivar ymsar søgur, sum fevna breitt og ofta hava eitt óvæntað snar í endanum. Vertirnir Beinir Bergsson og Dania O. Tausen tosa við teir um, hvussu teir arbeiða við stuttsøguni fyri at úttrykkja seg.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Tónleikararnir Vinjar og Filip framføra báðir, men spæla hvør síni ljóðføri. Teir tosa um, hvussu teir vanliga fara undir eina verkætlan, og hvør munurin er, tá mann verður biðin um at vera við í eini tónlistaligari verkætlan, og tá mann sjálv ella sjálvur stendur fyri verkætlanini. 

Vertirnir Beinir Bergsson og Dania O. Tausen tosa við teir um, nær teir tora at vísa øðrum eitt verk í gerð.  

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Arkitekturin Heidi og tónlistakvinnan Jana arbeiða innan hvør sína listagrein, men tó hava hava tær tað í felag, at tær arbeiða í og við rúmum. Tær báðar tosa um, hvussu eitt rúm kann ávirka eina framførslu, alt eftir hvussu rúmið er teknað, úr hvørjum tilfari tað er gjørt úr, og hvussu rúmið er skipað. Vertirnir Beinir Bergsson og Dania O. Tausen tosa við tær um, hvussu mann sum listafólk arbeiðir við rúmum, og hvussu rúm kunnu ávirka eina listaliga framførslu.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Tónleikararnir Lyon og Benjamin arbeiða báðir við tónlist og hava báðir nøkur felags drøg í yrkisleiðini. Teir hava báðir havt eina longri pausu millum tær tvær seinastu heildarútgávurnar. Teir báðir tosa um tónleikapallin, sum hann var, tá teir í fyrstani góvu út, og hvussu pallurin hevur ment seg síðan tá. Vertirnir Beinir Bergsson og Dania O. Tausen tosa við teir um, hvussu teir kunnu skilja seg frá teimum tulkingunum, sum onnur hava av teirra verkum.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Rithøvundarnir Vár og Hanus arbeiða bæði við ritlist, men innan hvør sína sjangru. Tey bæði tosa um, hví tey eru drigin at teimum ávísu tekstasløgunum, sum tey fáast við til dagliga: barnabøkur og stuttsøgur. Somuleiðis viðgera tey tann týdningin, sum skrivingin hevur í teirra lívi og spyrja, um mann nakrantíð verður for gamal til at skriva. Vertirnir Beinir Bergsson og Dania O. Tausen tosa við tey um, hvussu skrivingin hjálpir teimum at skerpa sinnið.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Tónleikararnir Arnold og Anna arbeiða bæði við tónlist, og saman standa tey fyri bólkin MonkeyRat. Tey bæði tosa um, hvussu tey hittust á fyrsta sinni, og hvussu tey eru komin til at gera tann tónleikin, sum tey gera í dag. Eisini tosa tey um tann leiklutin sum listalig útbúgving hevur havt í teirra tónleikayrki, og hvussu útbúgvingar hava ávirkað, hvussu tey gera tónleik. Vertirnir Beinir Bergsson og Dania O. Tausen tosa við tey um, hvussu tónleikur hjálpir teimum at yvirliva

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Rithøvundarnir Rebekka og Rói arbeiða bæði við ritlist, men síggja tað at skriva sum meira enn tað at geva út. Tey bæði tosa um tann leiklutin, sum tað at skriva hevur í teirra listaligu praksis. Eisini tosa tey um tað at broytast og at hyggja aftur eftir tekstum, sum mann hevur skrivað sum yngri. Vertirnir Beinir Bergsson og Dania O. Tausen tosa við tey um, hvussu tey skriva, og um vit kunnu væntað at síggja nakra útgávu frá teimum í framtíðin.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Tónleikararnir Tamara Mneney og Beinir Troest arbeiða bæði sum tónleikarar uttanlands, men eru kortini ikki í sama tónlistaliga umhvørvi. Tey bæði tosa um, hvussu tey plagdu at gera tónleik saman í einum heimastudio í Føroyum, og hvussu tey eru komin har til, at tey nú kunnu arbeiða sum tónleikarar uttanlands. Vertirnir Beinir Bergsson og Dania O. Tausen tosa við tey um, hvussu tey arbeiða við tónleikinum í gerandisdegnum.

Lasse Thorning Jæger og Lív Maria Róadóttir Jæger hava gjørt tónleikin í sendingini.

Í sambandi við bókmentafestivalin The Faroe Islands Literature Festival hittust rithøvundarnir og yrkjararnir Haukur Ingvarsson og Anna Fohlin Mattson, sum arbeiða bæði innan ritlist, men á hvør sínum máli. Tey bæði tosa um týdningin av týðingum og um tær avbjóðingarnar, sum ofta stinga seg upp, tá mann flytur ein tekst úr einum máli í annað. Vertirnir Beinir Bergsson og Dania O. Tausen tosa við tey um, hvussu tey arbeiða við týðingum.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.