Filmslistamenninir Rúni og Sakaris arbeiða báðir innan somu listagrein, men kortini arbeiða teir á hvør sínum øki. Teir tosa um, hvussa filmssenan í Føroyum hevur ment seg tey seinastu árini, og hvussu støðan er í umhvørvinum í dag. Vertirnir Beinir Bergsson og Dania O. Tausen tosa við teir um teir dreymirnar, sum teir báðir hava fyri filmsvinnuna í Føroyum. 

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Tónleikararnir og møðgurnar Ása Helena og Gudny arbeiða báðar við tónlist, men tær hava kortini funnið hvørt sítt listaliga úttrykk. Tær tosa um, hvussu nógv tónleikurin hevur fylt heima við hús, og um hvørja ávirkan tað hevur havt á teirra listaligu starvsleið. 

Vertirnir Beinir Bergsson og Dania O. Tausen tosa við tær um, hvussu tær komu til síni listaligu úttrykk.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Tónleikarin Jón Klæming og filmslistafólkið Rógvi “Per” arbeiða við hvør síni listagrein, men teir royna báðir at vera til staðar og tilvitaðir, tá teir eru mitt í eini listaligari verkætlan. Teir tosa um, hvussu teir skipa gerandisdagin og arbeiðsdagin sum listamenn og pápar. 

Vertirnir Beinir Bergsson og Dania O. Tausen tosa við teir um, hvussu mann er til í nú’inum, og hví Rógvi kallar seg sjálvan Per. 

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Sjónleikararnir Ebba Malena og Hans eru bæði yrkislærd, men úr hvør sínum skúla og landi. Tey tosa um týdningin av at hava eina útbúgving sum sjónleikari og eisini um tað góða samstarvið, sum hevur verið millum yrkis- og áhugaleikararar í Dreymaleikinum, sum Teatur Grugg setti upp í sjónleikarhúsinum í Havn. Vertirnir Beinir Bergsson og Dania O. Tausen tosa við Ebbu Malenu og Hans um, hvat er aktuelt at føra fram á pall.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Tónlistamenninir Heðin og Dánjal arbeiða báðir við ymiskum verkætlanum. Millum annað gera teir tónleik til pallverk. Teir tosa um tær ymisku funktiónirnar, sum eru, tá mann ger eina tónlitsaliga útgávu og at gera tónlistaligt verk til ein pall. Eisini viðgera teir báðir ta kensluna, sum nógv listafólk sita eftir við, tá ein listalig verkætlan er av. Vertirnir Beinir Bergsson og Dania O. Tausen tosa við teir um, hví teir tíma at vera listafólk, tá tað til tíðir kann vera torført.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Listafólkini Nadia og Dan Helgi arbeiða bæði við list í tveimum fláum; tey eru við til at skapa karmarnar hjá øðrum listafólkum, og tey hava egnar listaligar praksisir. Tey bæði tosa um munin at arbeiða við egnari list og at fyriskipa. Somuleiðis viðgera tey leiklutin, sum aktivisma hevur í teirra egnu listaligu praksis. Vertirnir Beinir Bergsson og Dania O. Tausen tosa við tey um, hvussu tey kunnu skapa teir arbeiðskarmarnar, sum tey sjálvi hava saknað á listasenuni.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Tónlistamaðurin Michael Antony og dansarin Diana arbeiða bæði list, sum kann vera ein partur av náttarlívinum. Tey bæði tosa um, hvussu umráðandi tað er at vera virkin í einum blómandi umhvørvi, og hvussu tey hava luttikið í undirgrundssenuni í Føroyum. Somuleiðis viðgera tey ta tvístøðuna, sum mong listafólk kenna: at noyðast at vera tann, sum skapar karmarnar hjá øðrum at útinna sína list, men somuleiðis ikki at nóg góðar stundir at hugsavna seg um egna praksis. Vertirnir Beinir Bergsson og Dania O. Tausen tosa við tey um týdningin, sum undirgrundssenan hevur havt á teirra starvsleið.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Brøðurnir og tónleikararnir Pauli og Bárður arbeiða við tónlist, men á hvør sín hátt. Teir hava báðir gingið á lærdum listaháskúla uttanlands og tosa um, hvørja ávirkan skúlin hevur havt á teirra listaligu praksis. Eisini viðgera teir tónleikasenuna í Føroyum og samanbera hana við tey støðini, har teir annars hava verið virknir. Vertirnir Beinir Bergsson og Dania O. Tausen tosa við teir um tað at vaksa upp saman og at síggja hvønn annan vaksa tónleikaliga.

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Fotografarnir Bjørg Elttør og Erla Ziskasen arbeiða báðar við fotolist, men kanska ikki endiliga á sama hátt. Tær hava gingið á hvør sínum listaskúla og tosa um, hvussu ein listaskúli kann mynda starvsleiðina hjá einum fotografi. Eisini tosa tær um javnvágina at skapa komersiella list og konseptuella. Vertirnir Beinir Bergsson og Dania O. Tausen tosa við Bjørg og Erlu um, hvussu mann kann bróta reglurnar, tá mann hevur lært tær. 

 

Lasse Thorning Jæger og Lív Maria Róadóttir Jæger hava gjørt tónleikin í sendingini.

Yrkjarin og leikritahøvundurin Askur Skaalum Gregersen og performarin Álvur av Kák arbeiða báðir við tekstum. Teir skriva á føroyskum og á donskum, men tekstirnir gerast ikki teir somu, tá teir skriva á ymsum málum. Teir báðir tosa um ritlistaumhvørvið í Danmark og í Føroyum, og hvussu teir kenna seg í teimum ymisku umhvørvunum. Vertirnir Beinir Bergsson og Dania O. Tausen tosa við Ask og Álv um, hvussu tað er, at skriva sum útiseti. 

 

Lasse Thorning Jæger og Lív Maria Róadóttir Jæger hava gjørt tónleikin í sendingini.