SBS Hakha Chin - SBS Hakha Chin

Mi tampi cu Mobile Phone hmannak kongah an lungre a thei ngaingai, a ruang cu radiowaves in rian a tuan mi a si tikah zawtnak a chuahter sual hnga maw an ti. Hi kong he pehtlaiin thiamsang hna nih kherhlainak an tuah i a phichuak mipi sinah thawng an thanhmi cu thawngpang tha ngai a si.

Minung kan ngandamnak caah a biapi bakmi kan kaa le a chung i a um mi kan haa le a dangdang hna hi tha tein zohkhenh ding tuanvo kan ngei, cucaah Australia mipi nih haa lei ngandamnak i zohkhenhnak kong kan theih dingmi thil pawl ka chimmi rak ngai ve.

Kan biaruahnak chungah nule pa nawl ngaih a thatnak kong Lian Lian nih a chim, a peh rih mi cu "Thlachuah Hmuh Kan Duh Cun Nule Pa Bia Kan Ngaih A Hau", a ti. Kan biaruahnak tling deuh in rak ngai ve.

Chin le English, mirang le lai holh komh in hla a phuah mi le a sa mi Lian Lian he biaruahnak kan ngei kho. Chan thar mino nih an uar phun, Chin le English an komh hla an phuah i a tawinak in Chinglish tiah min an bunh. Kan biaruahnak a dihdongh tiang rak ngai ve.

Hlasak thiam Aalung Bawi le SBS Hakha Chin ton le biaruahnak kan ngei kho. Kan biaruahnak chungah amah pumpak nih a phuahmi, zuun ngaihnak hla nih chungkhar a then cangmi a fonhter than hna nak kong a chim. Kan biaruahnak a dih dongh tiang rak ngai ve.

Avoi 3nak Australian Chin Idol cu nichuahlei Melbourne ah sunglawi taktak in an tuah. Atutan hlasak zuamnak ah Nungak Zai Tha Iang nih pakhatnak a hmuh. Cun, United States in Aalung Bawi le Lian2x nih a rak kan telpi. Thawngpang tam deuh in rak ngai hna usih.

Kan umnak ram, Australia ram ngeitu Aboriginal le Torres strait Islander miphun hna i an nunphung, biaknak phunglam theih le hngalh ve hi ram ngeitu miphun kan upat hna nak langhternak ding caah a biapi ngaingai mi a si.

Zapi nih kan hman ngaingai mi pawl TVs, Computers, Mobile Phone le a dangdang seh thilri pawl hi an rawh hnu ah cun i chiah sawhsawh awk ah hna an hnok. Cucaah, hman awk a tha ti lo mi phone, TV le thil dangdang pawl a hlonh ningcang ka chim mi a dih dongh tiang rak ngai ve.

Australia ram ngeitu miphun hi muittawn thai a thiam ngaingai mi miphun an si. An nunphung le tuanbia kha muittawn thainak hmangin chan khat hnu chankhat an fale an chimh cawn piak hna.

Paa hrawn hi vawlei cung hmun kipah tuah cio mi, a lar ngaingai mi thil pakhat a si. Amah belte cu, Australia ah a rak pemka mi cheukhat nih tupi chung paa hrawnnak nih a chuahpi khawh mi thil ttihnung, an caah ral a si kho mi thil kha a ruah awk an thei tawn lo.