SBS Hmong - SBS Hmong

Nyob rau lub ntuj kee tiam 21 no uas muaj tej technology pauv hloov sai heev no cov kev tsis paub siv tej digital skills mas yuav yog tej yam nyuaj heev rau ib tug neeg txoj kev ua lub neej, thiab yeej muaj tej sob kawm coj los qhia rau sawv daws kom thiaj paub siv tej technology tshiab pab rau yus lub neej.

Tony Lis uas yog tus thawj tswj Hmong Society Victoria cov lus tham txog tias nws ho muaj feem pab tsev neeg Hmoob Cob tsib nyuaj qhuav tuaj txog Australia tsis ntev los no (Sept 2023), thiab nws xav hais dab tsi rau tej kwv tij Hmoob nyob ntawm teb chaws Australia.

Tej tswv yim twg thiaj yuav pab kom koj tej pob txha ruaj khov thiab tsis txhob dam? Ntxiv no yog tej lus tawm qhia ntawm tej kws kho mob uas paub zoo txog tej hauj lwm no.

Txawm tias kab mob plawv yog ib tug uas ua rau tej neeg tas sim neej coob tshaj plaws hauv ntiaj teb, los tej kws paub zoo txog kev noj qab nyob zoo thiab kho mob hais tias peb yeej tseem muaj peev xwm tiv thaiv kom tej neeg tsis txhob mob plawv li noj tej zaub mov zoo muaj txiaj ntsim pab rau lub cev. Lawv kuj hais tias xav kom nom tswv tsub nqe kim tau tej zaub mob tsis muaj txiaj ntsim rau tib neeg lub cev thiab txhawb nqa kom tej neeg tig los coj tej cwj pwm pab kom tau txais kev noj qab nyob zoo.

Lub caij uas Australia tsis muaj vaj tse txaus los yog tej vaj tse pheej yig uas tej neeg muaj peev xwm yuav tau nyob los yog ntiav tau nyob no kuj tau muaj tej lagluam xav tias tej zaum yuav muaj peev xwm siv cov granny flats coj los ua cov daws tej teeb meem no. Tab sis kuj tau muaj qee cov lagluam muag vaj tse hais tias ntshe tsam thaum muag ces ntshe ho tsis tau nqe zoo vim lub tsev granny flat no tsam chaw ntau heev rau ntawm ib lub tsev twg tej qab vag tsib taug.

Cov kev muaj ntau yam nuj nqe yuav tau them ua rau ib co neeg mob uas muaj ntau yam mob ntev raug yuam kom yuav tsum thov kev pab cuam nyiaj txiaj coj los pab lawv kho lawv tej mob. Thiaj ua rau lub koom haum sawv cev rau tej kws kho mob hais tias muaj ib txhia mob tau tso tseg sis siv kev kho mob thiab tsis yuav tshuaj noj kom tau nyiaj them ntau yam nuj nqe. Thiaj ua rau lub koom haum sawv cev rau tej kws kho mob xav kom tsoom fwv yuav tsum tau ua tib zoo xyuas kom coj tau tej nyiaj kho mob mus pab rau tej neeg mob, tej neeg txom nyem uas pab tsis tau lawv tus kheej kom lawv thiaj muaj peev xwm siv tau cov kev kho mob, ua hauj lwm, kawm ntawv thiab ua tau lub neej.

Tau muaj tej kws kho mob thiab tej niam txiv uas tau nchuav me nyuam lawm los tham txog tej xwm txheej no tom qab txheeb tau tias tej xwm txheej no tau ua rau tej niam txiv nyuaj siab ntxhov plawv heev. Kom lawv thiaj muaj peev xwm nrhiav tau kev pab cuam coj los pab rau tej niam txiv uas xav tau txais kev pab cuam.

Nod yog sob kawm SBS Learn English toom 48 uas kawm txog tej lus yuav siv coj los qhia rau lwm tus paub tias mob li cas rau koj lub cev.

Learn how to describe your body pain. Plus, hear some tips from a physiotherapist if you feel pain. - Toom sob kawm no yuav kawm txog tej lus siv coj los qhia tias mob yus lub cev li cas. Tsis tas li ntawd los kuj muaj ib co lus taw qhia ntawm tus neeg zuaj/xais lwm tus qhia rau yus thiab yog tias pheej mob ib ce.

Xov xwm luv tshaj tawm hnub zwj Feej (Wednesday newsflash 18.10.2023): Australia rau txim lagluam ntxiv rau Russia thiab Belarus, tej koom haum pab cuam thiab tej pab nom me nqua hu kom tsoom fwv tso tseg rooj plaub cuam tshuam txog ABC ob tug neeg tshaj xov xwm, nom tswv nqua hu kom neeg Australia kav tsij siv tej fij dav hlau npaj ntawm Israel rov qab los tsev, Meskas tus coj Biden mus xyuas Middle East, Israel tsis lees tias nws tua Gaza lub tsev kho mob, Australia tej laus yuav muaj cai khwv tau nyiaj txog li ntawm $11,000 yam tsis muaj teeb meem rau lawv tej nyiaj pension, Victoria tej neeg ua hauj lwm ntim mis suab cov kev tawm tsam, Jim Jordan tsis tau txais suab txaus thawj zaug los ua tus coj tsev kis xeev qes, Thaib tus thawj pwm tsav txhawb nqa kom pej kum haiv mus nqes peev lagluam ntawm nws lub teb chaws, ib tug poj niam Nplog raug lej Thaib tau nyiaj $12 million Baht.