SBS Hmong - SBS Hmong

Negative gearing yog dab tsi thiab ho yuav tau txais txiaj ntsim dab tsi rau tej neeg nqes peev lagluam vaj tse?

Yog thaum koj lub raum tsis ua hauj lwm lawm muaj tej xub ke twg pab kho koj. Nom Vaj Thoj uas yog ib tug tau txais lwm tus lub raum los phais hloov rau nws qhia txog nws zaj dab neeg no tias zoo li cas.

Program xov xwm tshaj tawm hnub zwj Hnub: Xov xwm hnub zwj Hnub (Sunday news 2023.07.30), xub ke kho thaum koj lub raum tsis ua hauj lwm zoo toom ib, tej txiaj ntsim yuav tau rau koj los ntawm cov kev ntaus kev phooj ywg nrog lwm tsav neeg.

Yog koj pheej nrog koj tib co neeg coj ntseeg tib yam kab lis kev cai nyob thiab ntau phooj ywg xwb ho yuav zoo li cas, thiab ho yuav tau txiaj ntsim dab tsi rau koj yog tias kom ho ntau phooj ywg nrog rau lwm tsav neeg uas coj tej kab lis kev cai txawv koj?

Vim li cas zejzog pej kum haiv thiaj hais tias Cambodia cov kev xaiv tsa xyoo 2023 no tsuas yog moj zeej xwb tsis muaj qab ntxhiab dab tsi?

Vim li cas thiaj lub koom haum ntiav tsev thiaj tsis pom zoo rau tsoom fwv xeev Victoria cov kev xav thov kho nqe ntiav tsev?

Lub limtiam ''Donate Life Week'' ntawm lub 7 hli ntuj xyoo 2023 no, tej kws paub zoo txog raum thiab tej xub ke kho raum tau nqua hu kom neeg Australia teev zwm npe ua cov neeg pub khoom nrog cev rau lwm tus siv. Tam sim no ces tseem muaj neeg australia coob tshaj 1,800 tus tseem tos seb puas tau raum los phais hloov rau lawv, thiab tseem muaj tej neeg ib tug twg ntawm 14,000 tus twg yog cov neeg yuav tau mus lim ntshav. Koj ne puas npaj tias xav pub koj tej khoom nrog cev pab cawm lwm tus txoj sia?

Xov xwm luv tshaj tawm hnub zwj Kuab (Friday newsflash 2023.07.28): Labor tsab cai tsim vaj tse, tej consumers yws tsis txaus siab rau tej txhab nyiaj rau lub koom haum Australian Financial Complaints Authority, Australia tus nom txawv teb chaws koom lub rooj sab laj Ausmins, muaj ib cov kev teeb txheeb tshiab qhia tias tej neeg tsiv teb tsaws chaw thiab neeg thoj nam tsis nkag siab thiab tsis paub txog cov kev muaj suab rau neeg txum tim hauv tsev tsoom fwv, tej txim tsub ntxiv rau Meskas tus qub thawj tsav meem, Thanathorn nrog Thaksin tham txog Thaib tus tsoom fwv tshiab, Luxemberg cov kev pab cuam kev kho mob pub rau Nplog, Australia pab Matildas yuav tsum sib tw kom yeej Canada hnub Monday tim 31 July 2023 no mas thiaj tau sib tw 16 pab knock out stage txuas ntxiv.

Program xov xwm tshaj rau hnub zwj Teeb: xov xwm hnub zwj Teeb (Thursday news) 2023.07.27, thawj pwm tsav Anthony Albanese mus xyuas New Zealand tham tau lus tseem ceeb dab tsi, thov kho xeev Victoria tej nqe ntiav tsev, Tamie Lauj tej tswv yim pab mortgage stress thiab rental crisis, cov kev teev zwm npe ua neeg pub khoom nrog cev (organs) pab lwm tus.

''Yog tias koj tsis muaj peev xwm them tau nqe yuav tsev, ces seb koj puas muag koj lub tsev es mus yuav ib lub pheej yig zog nyob, los yog muab koj lub tsev ntiav rau lwm tus nyob, los sis yog ntiav qee chav rau lwm tus nyob'', yog koj muaj ntau yam nuj nqe yuav tau them, thiab yog koj ua hauj lwm ntev, khaws tau pob nyiaj deposit txaus, muaj equity txaus (koj lub tsev muaj nqes tuaj), thiab siv ntau lub tsev los xiab ces yuav pab kom koj qev tau nyiaj yuav tsev,'' raws li Tamie Lor uas yog ib tug neeg ua hauj lwm muag tsev rau lub tuam txhab muag thiab ntiav tsev Ray White hais.