SBS Hmong - SBS Hmong

Cov teeb meem cuam tshuam txog Australia cov poj niam raug tshawb ntawm teb chaws Qatar, tsoom fwv teb chaws Australia tsab cai los kho cov program qhia ntawv Askiv rau tej neeg tsiv teb tsaws chaws, cov kev txwv tsis pub neeg tawm hmo ntuj ntawm Philadelphia, Nplog tus coj qhia tias tseem muaj peev xwm them taus nuj nqi thiab muaj tswv yim pab kom Nplog cov lagluam zoo.

Yog dab tsi ua rau tej neeg sawv daws pheej nyiam mus twv txiaj yuam pov ntau tuaj ntxiv rau lub caij tseem muaj kab mob coronavirus kis thoob ntuj no hais tsis ntsees rau tej hluas?

Leej twg yog tus yuav tso cai thiab tos neeg Australia uas tseem khuam daig txawv teb chaws rov qab los tsev rau lub caij tseem muaj kab mob COVID-19 sib kis thoob ntuj? Thiab tej neeg Australia no puas yuav los tau tiag li tsoom fwv teb chaws Australia tau qhia?

Tseem tsis tau tshem cov kev txwv kab mob COVID-19 ntawm xeev Victoria, Australian Bureau of Statistics yuav npaj rov qab los txheeb pej xeem rau xyoo 2021, America cov kev xaiv tsa xyoo 2020, Azerbaijan lub ntees, neeg phem caws foob pob tua neeg ntawm Afghanistan, kev sib tw AFL thiab NRL zaum kawg, nyiaj txiaj sib pauv hloov thiab huab cua.

Tsoom fwv America coj tuam txhab Google mus hais plaub, cov nyiaj pab cuam pej xeem America rau lub caij muaj kab mob COVID-19 zaum 2, tus kws lij choj Amy Barret cov kev tawm suab, Suav tus coj mus koom lub koom txoos nco txog Suav cov qub tub rog pab North Korea ua tsov rog Korean, Japan tus coj mus xyuas Vietnam, dej nyab ntawm cov teb chaws Southeast Asia, Thaib cov kev tawm tsam kom thawj pwm tsav tawm nom thiab txhob pub huab tais Thaib muaj fwj chim loj nrog rau 4 lub teb chaws (US, Indian, Australia thiab Japan) cov kev xyaum tub rog nruab deg ntawm Bay of Bengal,..

Vim li cas Australia thiaj pom zoo mus koom cov kev mus xyaum tub rog nruab deg thawj zaug nrog 3 lub teb chaws li America, India thiab Japan, leej twg yuav tau txais txiaj ntsim thiab ho yuav muaj tau teeb meem dab tsi?

Mloog seb ho muaj cov txheej txheem dab tsi cuam tshuam thiab yuav tau tos ntev npaum li cas mam li tos tau tej khoom nrog cev rau yus siv thiab cov neeg li cas thiaj li xub tau siv ua ntej thiab tsim nyog peb teev zwm npe pub tej khoom nrog cev rau lwm tus siv los yog puas tsim nyog peb yuav tau tso ntshav kom tau coj los siv pab kho tej neeg mob. Mloog tau Dr Koob Pheej Vaj cov lus tawm tswv yim tau. 

Rov qab muaj neeg kis kab mob ntawm xeev NSW thiab Victoria dua, Lub koom haum Liberty Victoria txhawj txog tub ceev xwm cov kev siv drones soj seb tej neeg puas ua raws cov cai txwv COVID-19, FBI liam tias Iran thiab Russia raus tes rau America cov kev xaiv tsa xyoo 2020, Meskas tus president Trump hais tias cov kev muab microphone tua rau lub caij sib teev theev yog cov kev ua tsis ncaj, txiv plig Pope Francis pom zoo rau cov neeg LGBTQI sib yuav ua txij nkawm tau, ib tug kws txiav txim plaub ntug qhia tias 2 tug hluas uas muab ib tug lees kais qhia keeb kwm tus yuav raug txim, Thaib cov kev tawm tsam, thiab Nplog tau txais nyiaj ntawm KOICA USD 11 million pab tswj peev txheej dej thiab dej nyab,...