SBS Hmong - SBS Hmong

Tau muaj ib tsab ntawv cej luam tshiab ntawm lub chaw teeb txheeb John Curtin Research Centre nqua hu kom tsoom fwv teb chaws Australia tsim cov national strategy los tswj cov kev siv cov AI (Artificial Intelligence) technology ntawm tej chaw ua hauj lwm. Vim rau qhov lawv cav tias yog tsis ua tib zoo tswj ces tej technology no kuj yuav muaj peev xwm muaj tau teeb meem loj sib npaug zos tib yam tej txiaj ntsim uas yuav tau thiab.

Tej tsov rog ntawm Middle East tau ua rau muaj teeb meem rau tej nqe siv ua lub neej ntawm Australia thiab tej zejzog thoob lub teb chaws no. Thiaj muaj tej koom haum sawv cev rau tej neeg tsiv teb tsaws chaw thiab tej zejzog neeg thoj nam uas txhawj tej xwm txheej no hais tias tsoom fwv yeej tsis tau kub siab ua tib zoo tswj tej xwm txheej no rau lub caij uas muaj teeb meem rau tej lagluam thiab ua rau muaj kev nyuaj siab ntxhov plawv no.

Australian Taxation Office los yog ATO tau ceeb toom rau tej neeg thov se rov qab xyoo 2025-26 no tias yus yog tus yuav tsum tau ua tib zoo txheeb tej xov xwm sau rau tej form los yog qhia rau tej tax agents kom zoo thiaj tsis raug nplua, tsis tau rov qab kho dua los yog raug ncua lig. Ua ke no los muaj ob (2) yam xyoo no uas ATO yuav txheeb uas yog tej deduction expenses uas cuam tshuam txog tej nyiaj yus siv ua yus tej hauj lwm tej lagluam, thiab yam ob tuaj ces yog yuav txheeb txhua yam nyiaj yus khwv tau los, tsis hais tej paj, tej hauj lwm tau nyiaj ntsuab (cash), tej nyiaj tau los ntawm cov kev ntiav tsev ntiav ib yam dab tsi kom tau nyiaj, los yog tej nyiaj nqes peev lagluam, tej nyiaj tau loawm cov kev ua ib yam dab tsi (side hustles). Txawm li cas los ATO yeej muaj tej lus taw qhia tsi ntsees rau ib co hauj lwm twg los yog ib co lagluam twg tias tsuas muaj co thov txo tau tej se dab tsi rov qab xwb. Ua ke no los yog tias koj yog cov neeg khwv tau nyiaj tsawg dua $AUD 70,000 ib xyoos twg los yog tsawg dua thiab ho yog cov neeg muaj cai siv ATO cov kev pab Tax Help ces lawv yeej muaj neeg pab koj sau ntawv thov se yog tias kom tsis muaj peev xwm siv tau ib tug tax agent pab koj ua tax return. Txawm li cas los yog koj tsis teev koj tej kev siv nyiaj kom ntxaws, los yog txhob txwm dag ces tej zaum koj yuav thov tsis tau se rov qab los sis tej zaum koj yuav raug ATO nplua kom them tej lawv muab rau koj nrog paj txij ntawm 25 txog 75 feem pua, los yog tej zaum kuj yuav raug rau txim thiab.

Australia nrog Alice Springs tu siab rau tus me nyuam ntxhais 5 xyoo tau nruam sim, tej lus dhau nron nrim uas Meskas tus nom tswj dej num tiv thaiv teb chaws hais, lwm pab nom tebchaws hais kom tsoom fwv Albanese kub sib tshaj no ntxiv txog cov hauj lwm tswj kev ruaj ntseg haiv, pej kum haiv thawj lub rooj sab laj tso tseg tsis siv fossil fuels, Australia tej nyiaj poob nqe thiab lagluam, tej xwm txheej neeg phem tua neeg ntawm Port Arthur, Australia tus nom ambassador ntawm Turkey tej lus hais hnub Anzac Day, Gaza strip cov kev xaiv tsa, Meskas tej tub ceev xwm pov puag lawv tej hauj lwm tswj kev ruaj ntseg rau Meskas tus coj, Cob tsib tej npua muaj kab mob, cov kev nplua Cob tsib tej neeg cuam tshuam txog kev kho mob, Cob tsib thiab Netherlands cov kev koom tes lagluam yug ntses, Russia tej nyiaj tshaj USD 13 million pab kho Nplog lub tsev kho mob Mittaphab, tsoom fwv Anutin tej tswv yim npaj qev nyiaj 500 billion Baht, cov kev tso Thaib tus qub thawj pwm tsav Thaksin.

Lub rooj sab laj Women Deliver ntawm cheeb tsam Asia Pacific no tau nqua hu kom tsoom fwv thiab tej koom haum pab cuam kub siab pab nyiaj los tsim ntau cov program coj los pab txhim kho tej ntxhais nyuam qhuav nto nkauj (10-19 xyoos) kom lawv hloov kho tau lawv lub neej zoo tuaj ntxiv. Vim yog ua tau li hais no lawm ces tsis yog pab tau lawv tus kheej xwb, tseem pab lawv tsev neeg, pab lawv tej zejzog thiab pab tau lawv lub teb chaws thiab.

Tsoom fwv Albanese yuav ua raws li royal commission tej lus taw qhia rau nws cov kev txheeb txog antisemitism thiab kev koom npoj, Greenwich rooj plaub, neeg phem tua neeg Jews ntawm London, OpenAI rooj plaub, Syria thiab Australia cov tsev neeg IS, Wong cov kev nrhiav roj ntawm Asia rau Australia siv, US Supreme Court ua rau tsab cai Civil Rights tsis muaj zog, Trump tseem yuav siv nkoj tub rog thaiv suam hiav txwv Strait of Hormuz txog thaum Iran sib khom txog nws cov nuclear program, Japan tus thawj pwm tsav mus xyuas Cob tsib, kev noj qab haus huv ntawm Cob tsib, tsoom fwv Nplog npaj yuav los tawm tsam nrog cov scammers, Thaib lwm pab nom teb chaws cov kev tsis pom zoo nrog tsoom fwv Anutin cov hauj lwm Landbridge, poj niam cov kev sib tw Women's State of Origin.

Practise speaking the dialogue from episode Bonus Practice: #109 Talking about ageing parents. - Xyaum siv tej lua thiab sob lus ntawm toom sob kawm 109 uas tham txog tej laus.

Learn English useful for talking about ageing parents and family responsibilities. Practise everyday phrases for describing challenges, offering help, and discussing how to support parents. - Cov kev kawm ntawv Aaskiv yog tej yam tseem ceeb yuav pab kom yus muaj peev xwm tham txog yus niam yus txiv uas laus lawm thiab yus tsev neeg tej kev tu tsom kwm lawv. Xaum tej sob lus txhua hnub kom thiaj paub piav txog tej teeb meem nyuaj ntau yam, paub pab thiab sab laj txog tias yuav pab yus niam yus txiv li cas.

NSW tej gas siv, One Nation lub dav hlau, Australia tej kab theem nyiaj poob nqe, cov kev pab cuam neeg puas cev (NDIS), Australia cov kev koom tes tswj ib puag ncig, khoom plig refugee award, tus me nyuam ntxhais ploj ntawm Northern Territory, United Arab Emirates tawm tsis koom OPEC, huab tais Charles cov lus tseem ceeb txog AUKUS partnership, sim tsheb ya ntawm New York.

Tom qab tau 31 xyoos uas tau muaj cov xwm txheej neeg phem tua neeg ntawm Port Arthur (28/04/1996) lawm, nom tswv xeev Tasmania hais tias ua rau neeg txawv teb chaws tsis xav mus ntoj ncig lub xeev no, Vwj Thoaj ho tau ua dab tsi pab cawm xeev no cov lagluam ntoj ncig?