SBS Hmong - SBS Hmong

Tsoom fwv tau tsim 15 lub chaw pab cuam dawb teeb meem mob hlwb los yog nyuaj siab ntxhov plawv pab rau xeev Victoria, 9 lub ntawm nroog Melbourne hos 6 lub rau tej zos tuaj ntug nroog los yog tej zos yaj sab.

Tseem muaj tej neeg txog 100,000 tus ntawm xeev New South Wales thiab txog 56,000 tus ntawm xeev Victoria tseem tos yuav rov qab mus phais mob thiab tej kws phais mob qhia tias ntshe tseem yuav siv sij hawm txog li 6 lub hli mas mam phais tas tej neeg no.

"Kab mob cancer tsis tos koj, yog li ntawd kom txhob tos thiab," kav tsij kub siab mus sim thiab txheeb xyuas kom thiaj pab tiv thaiv los yog kho thaum tseem ntxov thiaj pab cawm tau koj txoj sia ua ntej yuav lig dhau heev lawm raws li Professor Dorothy Keefe uas yog tus coj lub koom haum Cancer Australiatau qhia.

Muaj cov kev pauv hloov rau cov kev xeem los ua Australia tej pej xeem lawm, tau qhib cov zos tuaj ntug nroog los yog zos yaj sab ntawm xeev Victoria tsis muaj kev txwv tej neeg tawm ntawm tsev lawm tab sis tsis tau kam tej neeg ntawm nroog Melbourne tawm, muaj neeg hawv xav tua hau xeev Queensland thiab nws tus coj tswj kev oj qab haus huv, Australia cov kab theem neeg poob hauj lwm, neeg Nplog ntshai tsis kam siv tshuaj vaccine, Thaib npaj qhib teb chaws rau neeg ntoj ncig, UN thiab tshuaj coronavirus vaccine, Israel-Gaza cov kev tsis haum xeeb, Julian Assange rooj plaub,... 

Tau muaj lub koom haum Male Champions for Changes Coalition tau npaj ib co tswv yim los pab tag nrho tej chaw ua hauj lwm ntawm teb chaws Australia thiab ntiaj teb kom xaus thiab tso tseg tau cov teeb meem thab zes tej poj niam (sexual harrassment) ntawm tej chaw ua hauj lwm kom txhob muaj tej teeb meem no ntxiv.

Muaj kev pab cuam ntau yam rau tej neeg txom nyem nyiaj txiaj tam sim no pub dawb rau koj daws kev nyuaj siab los yog nyiaj txiaj. Tab sis tej neeg paub zoo txog nyiaj txiaj xav qhia kom tej neeg sawv daws txhob mus qev tej nyiaj payday loans, quick loans, buy-now-pay-later vim lawv tsub paj kim thiab lwm cov nqe kim rau yus them tab sis xav kom hu mus sab laj nrog lub koom haum National Debt Helpline thiab lub koom haum Good Shepherd. Thiab yog tias koj ntsib teeb meem nyuaj siab ntxhov plawv ces hu rau Beyond Blue thiab Lifeline.

Pov Lauj qhia tias kom peb ceev faj thaum muag khoom hauv online tsam neeg phem dag poob nyiaj thiab kom npaj lub caij kom ib nyuag ntev zog rau lub caij koj qev nyiaj los yuav vaj tse thiab yuav av tam sim no uas tseem muaj tus kab mob COVID-19 sib kis tam sim no.

Australia cov neeg kis kab mob coronavirus, tej zaum thaum ntxov lub limtiam tom ntej no nom tswv kuj yuav tso kev dav rau tej neeg ntawm cov zos yaj sab ntawm xeev Victoria,  cov chaw muaj kab mob coronavirus sib kis ntawm teb chaws Australia, thawj tus poj niam ntawm xeev Western Australia raug nom tswv siv cov electronic devices los xauv ib tug poj niam caj dab taw vim nws tsis cais nws tus kheej, nom tswv America mus xyuas teb chaws Cyprus, Afghanistan lub rooj sab laj tsim kev thaj yeeb, ntiaj teb tsoom thawj tswj lub lub rooj sab laj tham txog cov teeb meem hloov quag ntuj, nom tswv Nplog tsis lees tias Suav yog tus tswj Nplog lub tuam txab hluav taws xob Electircity Du Laos-EDL, Hmoob Thaib tau mus pe nom tswv Thaib thiab thov kom daws cov teeb meem av nyob thiab av ua noj ua haus, thiab kho Thaib tej txhooj cai tswj haiv,...

Twb yuav txog lub caij tej neeg uas qev tej txhab nyiaj cov nyiaj los siv yuav tau them tej nyiaj no rov qab rau tej txhab nyiaj lawm, tab sis ho muaj cov hauv kev li cas rau tej neeg them taus rau lub caij uas tseem yuav muaj neeg poob hauj lwm ntau tuaj ntxiv los yog tau cov sij hawm ua hauj lwm tsawg khwv tau nyiaj tsawg no.

Yog thaum neeg phem nyiag tau koj lub cim thawj coj mus siv lawm tsim nyog koj yuav tsum tau ua dab tsi thiab ho yuav muaj tau teeb meem dab tsi rau koj?