SBS Hmong - SBS Hmong

Donald Trump uas yog Meskas tus coj tau rub lub sij hawm ob limtiam ntxiv rau teb chaws Iran kom tig los sib khom cheem rog, tsis li ntawd ces Meskas yuav tua nws tej hauv paus txhim kho kom puas tsuaj, tab sis UN tus kis hais tias yog tseem ua li ntawd ces yog ib cov kev yuam zejzog pej kum haiv cai.

Captial Gain Tax thiab cov kev tsis tau vaj huam sib luag yuav tsev, Australia tus tub rog faj seeb raug txhom, Hungary cov kev xaiv tsa, tej koom haum thauj khoom thiab tej neeg xa khoom thiab tej xwm txheej roj tsis txaus siv, Cuba cov kev rwj npoj, lub sij hawm kawg rau Iran cov kev cheem rog, 4 tug Astronauts npaj rov qab los rau ntiaj teb, Ben Roberts-Smith cov txim war crimes, Nplog tej huab cua tsis huv, Thaib tej free visa thiab tej se tsub rau tej neeg ntoj ncig.

Lub caij uas Australia muaj tej pej xeem hnoob nyoog laus zujzus ntxiv ua rau muaj cov kev xav siv cov kev tu tsom kwm tej laus ntau tuaj ntxiv, thiaj muaj ib co kev teeb txheeb tshiab qhia txog qhov tseem ceeb ntawm cov kev sib cuag tau nrog lwm tus thiab muaj hom phiaj ua lub neej thiaj yog tej yuav pab kom ua tau lub neej tau txais kev noj qab nyob zoo thaum yus laus.

Australia is one of the most biodiverse places on Earth, home to wildlife and plant species found nowhere else on the planet. In this episode of Australia Explained you’ll learn about what makes Australia’s biodiversity so special, the threats it faces and how we can all help protect it. - Australia yog ib thaj chaw ntawm ntau thaj hauv ntiaj teb uas muaj tej tsiaj nruab nrag thiab tej nroj tsuag xyoob ntoo txawv thiab zoo nkauj heev uas nrhiav tsis tau lwm qhov hauv ntiaj teb no. Toom xov xwm Australia Explained (Tshab txhais txog Australia) no yuav coj koj mus kawm kom paub txog tias yog muaj dab tsi zoo thiab muaj tej dab tsi uas yuav ua rau muaj teeb meem rau Australia tej txuab zeej txuab sim no, thiab peb sawv daws ho yuav muaj peev xwm ua tau dab tsi los pov puag?

Australia tej lus tawm tswv yim txog Trump, Iran tej lus tawm tswv yim txog Trump, Ukraine tua Russia txoj kav xa gas ntawm Hungary, tus neeg Australia raug txim vim pab Russia tsav drones, tej tshuaj flu vaccine Australia tej me nyuam yuav tau siv dawb, Australia yuav tau roj txaus siv, Australia cov kev teeb txheeb nruab ntug thiab lub hnub qub cuav Atemis II, Cob tsib txoj kev tsheb Rung Sac Road, Nplog txoj kev ntawm Vientiane rau Luangprabang, nom tswv Nplog nrhiav tau nyiaj tshaj $USD 240 million cuam tshuam txog cov corruption, Thaib tus hau rog txhawb nqa kom tej neeg rov qab mus ntoj ncig ntawm xeev Si Sa Ket.

Mloog Jimmy Vue uas yog tus npaj lub koom txoos Hmong Australia Easter Soccer Cup 2026 tias vim li cas thiaj ua tsis tsheej lub koom txoos xyoo no thiab puas ua lub koom txoos no xyoo 2027, leej twg yuav yog tus tswv cuab tswj.

Lub koom txoos paj nruab Hmong Bangkok Concert yuav ua rau tim 1 lub 5 hlis ntuj 2026, thiab Zoo Tsheej Yaj hais tias 'Lub hom phiaj ntawm Hmoob Bangkok lub koom txoos paj nruag yog nrhiav nyiaj los pab tej neeg raug kev txom nyem li raug tej xwm txheej ntuj tsim kev puas tsuaj li tsev kub hnyiab, raug khaub zeeg cua, dej nyab thiab txom nyem nyiaj txiaj rau sab kev kawm.'

eSafety Commission hais tias nws tab tom mus tshuaj ntsuam xyuas 5 co social media platforms li Facebook, Instagram, Snapchat, TikTok thiab YouTube seb puas yog tsis ua raws li Australia tsab cai txwv tsis pub tej me nyuam yaus hnoob nyoog qes dua 16 xyoo, thiab yog txheeb tau tias tsis ua raws tiag ces tej zaum kuj yuav raug nplua nyiaj txog li ntawm $50 million.

Rho Meskas tus kws lij choj teb chaws tawm, Iran tsis pom zoo nrog Trump tej lus tawm tswv yim, tej koom haum pab neeg tsiv teb tsaws chaw thiab thoj nam hais tias tsoom fwv Australia tsis kub siab txog lawv, nyiaj pab Uluru Kata Tjuta National Park, Australia tus coj qhia txog cov kev kho tej cai tswj cov kev haub tau yaum twv txiaj yuam pov, cov kev tiv thaiv kom neeg phem tsis txhob dag tau tej neeg yuav so tsis ua hauj lwm tej nyiaj super, nqe chocolate kim lub caij Easter, lwm pab nom teb chaws hais tias tsoom fwv Albanese tsis kub siab tswj tej xwm txheej roj tsis txaus siv thiab pab tej lagluam, Suav tib Australia cov khoom YouthIt, pej kum haiv lub rooj sab laj seb yuav qhib Strait of Hormuz li cas, teb nqaij npuas muaj kab mob ntawm Cob tsi ib lub kindergarten, Cob tsib cov kev txwv tsis pub muag cov ib hom tshuaj noj kho pob qej txha, Nplog lub chaw kho kab mob cancer mis, Thaib cov kev npaj tsis ua raws li cov kev pom zoo MoU 44 txog ciam dej thiab ciam teb nrog Cambodia.

Yaying Yeng Moua uas yog ib tug tswj lub koom txoos Rise of Hmong Stars, nrog rau ob tub ntxhais Paj Zaub Thoj thiab Pa Kub Yaj uas yog ob tug ntxhais koom cov kev sib tw hu nkauj thiab seev cev tawm tswv yim txog tias vim li cas thiaj tsim lub koom txoos no, yuav ua dab tsi ntxiv yav pem suab, thiab ob tug ntxhais no xav li cas rau nkawv cov kev tau koom cov kev sib tw no. Lawv ho kawm tau dab tsi thiab muaj lus fi rau Hmoob tej zej zog txog cov kev sib tw no.