SBS Hmong - SBS Hmong

Raws li lub koom haum Australian Bureau of Statistics tej xov xwm qhia xyoo 2023 ces yeej muaj 1 tug ntawm 5 tug poj niam twg thiab ib 1 tug txiv neej ntawm 16 tus twg ntsib cov teeb meem sexual violence, tab sis yeej tseem muaj tej poj niam uas ntsib cov teeb meem sexual assault tsis ntev los no txog 92 feem pua yeej tsis qhia tej xwm txheej no rau nom tswv paub li. Thiaj tau muaj ib tsab ntawv cej luam tshiab hu ua 'With You We Can' tau nqua hu kom qhia tej neeg uas ntsib tej teeb meem kub ntxhov no kom paub txog tej cai lij choj, paub nrhiav kev pab cuam paub nrhiav kws lij choj pab thiab kom lawv paub txheeb cov criminal justice system uas sib chab sib chaws heev kom txo tau tej xwm txheej uas muaj ntau heev no.

Tej hau xeev muaj ib lub rooj sab laj ceev nrooj tom qab muaj kev sib cov nyom ntawm tsoom fwv xeev thiab tsoom fwv teb chaws txog tej nyiaj pab zej tsoom cov tsev kho mob, uas yuav raug txo ntawm 42 feem pua los ua 37 feem pua (txog ntawm $30 billion los ua $20 billion) tom qab uas Grattan Institute hais tias zej tsoom tej tsev kho mob muaj peev xwm txuag tau nyiaj $1 billion rau tej nqe tsis tsim nyog siv. Ua ke no los lwm pab nom teb chaws kuj hais tias tsoom fwv cov kev tsis ua raws li nws cov kev cog lus xyoo 2023 dhau los yog tej yam qhia tias nws tsis muaj peev xwm tswj tej lagluam.

Muaj 3 tug neeg raug txhom cuam tshuam txog Hong Kong tej tsev kub hnyiab, tus coj lwm pab nom teb chaws tau liam Greens cov kev pab Labor tsim cai pov puag ib puag ncig tias tsis zoo, Australia yuav tau kub siab ntxiv mas thiaj ua tau cov hom phiaj climate target 2035, muaj ob tug neeg ntoj ncig Swiss raug ntses tom ntawm Mid-north NSW, Meskas txhom tau tus neeg tua ob tug neeg tswj kev ruaj ntseg ze tsev dawb, Barnaby Joyce yuav tsis ua nom nrog pab nom Nationals, Lilie James niam nqua hu kom Australia kub siab tham thiab kub siab xaus cov teeb meem kub ntxhov tsim rau tej poj niam, tej kws hais tias ntshe Reserve Bank yuav nce kab theem paj, Pauline Hanson raug txwv tsis pub ua hauj lwm hauv tsev tsoom fwv ib limtiam, tej neeg txum tim thiab tej neeg coj ntseeg ntau yam kab lis kev cai raug tub ceev xwm tshawb ntawm Victoria ntau tshaj tej neeg Australia dawb, Min Woo Lee yuav sib tw Australian PGA Championship limtiam no, Meskas thiab Cob tsib cov lagluam tsawb, Nplog cov kev tiv thaiv kom tsis txhob tsim kev kub ntxhov rau poj niam, muaj kev nqua hu kom peb tej lagluam ntoj ncig rau lub caij nom tswv Thaib qev nyiaj tsis tsub paj rau tej neeg thiab lagluam raug dej nyab.

Yeej muaj Australia tej cuab yig ntau heev ntawm tej nroog loj ntau lub yuav tau siv tej nyiaj lawv khwv tau los tshaj 1 feem 3 coj mus them ntiav tsev nyob. Tab sis haj yam ua rau tej neeg tsis muaj peev xwm ntiav tau tsev nyob zuj zus tuaj ntxiv.

Tau muaj UNICEF ib tsab ntawv cej luam tshiab tau qhia tias muaj Australia tej me nyuam tsis tshua muaj kev cia siab rau lawv lub neej pem suab, thiab muaj tej me nyuam no txog 63 feem pua xav tias ntshe lawv haj yam tsis muaj peev xwm ua lawv lub neej npaum li lawv niam lawv txiv lub neej lawm. Yeej muaj tej hluas no 43 feem pua uas hnoob nyoog txij 12 xyoos xwb twb txhawj txog nyiaj txiaj siv thiab vaj tse nyob lawm. Penny Dakin uas yog tus coj ntawm lub koom haum Minderoo thiaj hais tias 'yuav tau pab tej me nyuam, pab tej cuab yig, thiab tsim cov program txhim kho los pab kom tej me nyuam thiaj pib tau lawv lub neej kom zoo tshaj plaws npaum li qhov lawv muaj peev xwm pib tau'. Thiab tsab ntawv cej luam no hais kom teeb tsa lub koom haum National Early Childhood Commission pab me nyuam thiab Ashwini Aravinthan uas yog UNICEF tus youth ambassador hais tias 'yuav tsum lees paub thiab cia tej hluas muaj feem tawm tswv yim thiab txiav txim siabtsim tej cai tsim kev pab cuam rau lawv kom ntau tshaj qub ntxiv.'

Kho Australia tsab cai tswj tej ib puag ncig, nag xob nag cua ntawm NSW, tej kev sib tw ntau yam coj mus sib tw Commowealth Games 2030, Sarkozy cov kev raug kaw, Taiwan tej nyiaj pab tub rog, cov kev faib cais ntxub ntxuag neeg txum tim, cov kev siv tau xov tooj thoob Australia, tej paub ntug cuam tshuam txog cov kev txwv tsis pub me nyuam hnoob nyoog qes dua 16 xyoo siv social media, poj niam thiab txiv neej cov kev khwv nyiaj, dej nyab thiab tas sim neej ntawm sab Asia, tsev kub hnyiab ntawm Hong Kong.

Practise speaking the dialogue from episode #100 More or less? Talking about quantities - Xyaum nrog lwm tus tham raws tej lus sib tham ntawm toom sob kawm #100 hais txog muaj ntau los tsawg? Tham txog tias muaj ntau npaum li cas.

Learn how to talk about amounts and quantities in everyday English. - Kawm kom paub siv cov lus Askiv tham tias muaj pes tsawg los yog muaj ntau muaj tsawg li cas.

Australia tej nyiaj poob nqe ntau tuaj ntxiv, NSW cov digital birth certificate, Bluey yeej cov khoom plig Emmy Awards, cov kev ceeb toom hav zoov kub hnyiab ntawm NSW, kho Australia tsab cai tswj tej ib puag ncig, Ukraine cov kev thaj yeeb, zej tsoom tej hauj lwm thiab tsoom fwv Australia tej nyiaj puag xyoo, Siv tsis tau Optus tej xov tooj, Australia tsab cai yuav txwv tsis pub tej tuam txhab insurance siv tej genetic testing cais thiab tsis cover tej neeg, txij xyoo 2026 mus Cob tsib yuav qhia AI rau primary school, tej txuj ci thiab tej hluas cov kev ua hauj lwm ntawm Nplog teb, dej nyab Thaib qab teb.

Txiv plig Pople Leo 14 npaj yuav mus xyuas Turkey thiab Lebanon, tej nyiaj tshaj $41 million dollars pab tiv thaiv teeb meem kub ntxhov rau tej poj niam, Nauru tus coj tej lus tham uas raug txhais, tej lus tawm tswv yim tsis pom zoo nrog Pauline Hanson cov kev hnav poj niam muslim tej khaub ncaws hauv tsev tsoom fwv, Zou Jeili tuaj xyuas tsev tsoom fwv Australia, Meskas 28 nqe lus tsim kev thaj yeeb rau Ukraine thiab Russia, Mekas cov kev nrog Suav tua coj Xi tham, Australia tej nqe tsev, lub koom txoos qhia txog tej scholarship ntawm Europe ntawm Vientiane, txheeb tau tias tej mee caws raws ciam teb Thaib-Cambodia cov nyom nrog tej lus Cambodia tau hais.