SBS Lao - SBS ພາ​ສາ​ລາວ

ນັກທ່ອງທ່ຽວຊາວອອສເຕຣເລັຍ ສອງຄົນ ຈາກ Melbourne ມີອາການບໍ່ສະບາຍຢ່າງໜັກ ຫລັງຈາກໄດ້ດື່ມ ສິ່ງທີ່ເຊື່ອວ່າ ເປັນເຫຼົ້າປະສົມ (Cocktail) ທີ່ເປັນພິດໃນປະເທດລາວ. ທັງສອງຕ້ອງໃຊ້ເຄື່ອງຊ່ວຍຊີວິດ ຢູ່ຄົນລະໂຮງຫມໍທີ່ປະເທດໄທ. ຂ່າວຫຼ້າສຸດ, ໜຶ່ງໃນສອງຄົນນັ້ນ ໄດ້ເສັຍຊີວິດແລ້ວໃນວັນພະຫັດ 20 ພິຈິກ ໃນໂຮງໝໍ ທີ່ປະເທດໄທ.

ເຖິງແມານວ່າການຊຳລະ ເງິນແບບ Digital ບໍ່ວ່າຈະເປັນການຈ່າຍເງິນດ້ວຍໂທຣະສັບມືຖື ຫລືບັດ Credit ຈະເປັນເລື້ອງປົກກະຕິ. ແຕ່ສຳລັບຊາວອອສເຕຣເລັຍໃນພູມີພາກ ແລະຜູ້ສູງອາຍຸດ ການຊຳລະດ້ວຍເງິນສົດຍັງຄົງປະຕິບັດຢູ່ຢ່າງກວ້າງຂວາງ. ຣັຖບານກຳລັງຫາວິທີທີ່ຈະເຮັດໃຫ້ເງິນສົດໝູນວຽນໃນລະບົບການຄ້າຂາຍ ໂດຍການອອກຂໍ້ບັງຄັບໃຫ້ຮ້ານຄ້າສິນຄ້າຈຳເປັນ ໃຫ້ຮັບເງິນສົດ.

RSV ຍັງເປັນສາເຫດສໍາຄັນ ຂອງການເຂົ້າໂຮງຫມໍ ສໍາລັບເດັກນ້ອຍ ໃນອອສເຕຣເລັຍ. ມັນເປັນໄວຣັສທົ່ວໄປ ທີ່ຕາມປົກກະຕິແລ້ວ ມີອາການບໍ່ຮຸນແຮງ,ອາການຈະຄ້າຍຄືກັນກັບ ໄຂ້ຫວັດ ແລະ COVID-19, ແລະເດັກນ້ອຍສ່ວນຫລາຍ ຈະຕິດເຊື້ອ RSV ກ່ອນເຂົາຈະມີອາຍຸຮອດສອງປີ.ຕອນນີ້ ຣັຖບານ ວາງແຜນທີ່ຈະລົງທຶນ ຫຼາຍກວ່າ 174 ລ້ານໂດລາ ໃນໄລຍະສີ່ປີເພື່ອຊ່ວຍຕໍ່ສູ້ ກັບໄວຣັສ. ວັກຊີນຟຣີ ຈະມີໃຫ້ແກ່ເດັກນ້ອຍ ແລະຜູ້ຍິງທີ່ຖືພາ ໃນໄລຍະສາມເດືອນສຸດທ້າຍ ຂອງການຖືພາ ຈາກປີຫນ້າ.

Every Australian citizen who is on the electoral roll can be called up for jury service. But what is involved if you get called to be a juror? And what is the role of a jury? - ພົນລະເມືອງຂອງອອສເຕຣເລັຍທຸກຄົນທີ່ຢູ່ໃນລາຍຊື່ຂອງການເລືອກຕັ້ງສາມາດຖືກເອີ້ນໃຫ້ໄປຮັບໜ້າທີ່ໃນຄນະລູກຂຸນ (Jury). ແຕ່ຈະກ່ຽວຂ້ອງກັບຫຍັງແນ່ຖ້າຫາກທ່ານຖືກເອີ້ນໃຫ້ເປັນລູກຂຸນ (Juror) ?ແລະບົດບາດຂອງຄນະລູກຂຸນ (Jury) ແມ່ນຫຍັງ?

ມີຄົນຂໍລີ້ພັຍຫຼາຍຄົນທີ່ຖືກ ບໍຣິສັດທີ່ປຶກສາ ເລື່ອງການຍ້າຍຖິ່ນຖານຫຼອກຕົ້ມ. ມັນບໍ່ພຽງແຕ່ການເສັຍເງິນເທົ່ານັ້ນ ແຕ່ມັນມີຜົນກະທົບຕໍ່ ຄວາມສຳພັນພາຍໃນຄອບຄົວນຳອີກ. ຜູ້ຊ່ຽວຊານກ່າວວ່າ ເນື່ອງຈາກຄວາມຊັບຊ້ອນ ຂອງລະບົບການຍ້າຍຖິ່ນຖານຂອງອອສເຕຣເລັຍຈຶ່ງເຮັດໃຫ້ມີຜູ້ສວຍໂອກາດ ແລະເຕືອນຜູ້ທີ່ຊອກຫາບໍຣິການຍ້າຍຖິ່ນຖານ ໃຫ້ລະວັງຕໍ່ສັນຍານເຕືອນ.

ຣັຖບານກຳລັງກຽມ ສົ່ງຮ່າງກົດມາຍກ່ຽວກັບການເຂົ້າເຖິງ ສື່ສານມວນຊົນ ຂອງຜູ້ທີ່ມີອາຍຸນ້ອຍກວ່າ 16 ປີ. ຝ່າຍຄ້ານກໍເຫັນດີນຳ ເພາະມັນຈະເປັນການປົກປ້ອງເດັກນ້ອຍອອສເຕຣເລັຍ. ແຕ່ຜູ້ຊ່ຽວຊານກ່າວວ່າ ຖ້າຫາກຕ້ອງການຫຼີຫລ່ຽງຂໍ້ຫ້າມແທ້, ຜູ້ຄົນມີຫຼາຍວິທີທີ່ຈະເຮັດ ຊຶ່ງນາຍົກຣັຖມົນຕີ ຍອມຮັບວ່າ ບໍ່ມີລະບົບທີ່ສົມບູນແບບ. ແຕ່ກ່າວວ່າ ກົດຫມາຍເຫລົ່ານັ້ນ ກໍານົດຂອບເຂດ ສໍາລັບສັງຄົມ ແລະມັນຊ່ອຍໃຫ້ແນ່ໃຈວ່າ ຈະໄດ້ຮັບຜົນຮັບທີ່ຖືກຕ້ອງ.

Did you know that one in five children is at risk of dying from a disease that is now preventable through vaccination? Australia’s vaccination program helps to prevent severe outcomes from many childhood infections. To access family support payments—and in some states, childcare services—your child must be fully immunised according to the national schedule. - ທ່ານຮູ້ບໍ່ວ່າ ເດັກນ້ອຍຫນຶ່ງໃນຫ້າຄົນ ສ່ຽງຕໍ່ການຕາຍ ຈາກໂຣກທີ່ປັດຈຸບັນ ສາມາດປ້ອງກັນໄດ້ ໂດຍການສັກວັກຊີນ? ໂຄງການວັກຊີນຂອງອອສເຕຣເລັຍ ຊ່ວຍປ້ອງກັນຜົນສະທ້ອນທີ່ຮ້າຍແຮງ ຈາກການຕິດເຊື້ອໂຣກ ໃນວັຍເດັກ. ເພື່ອຈະໄດ້ຮັບເງິນບໍາລຸງລ້ຽງຄອບຄົວ-ແລະໃນບາງຣັດ, ການບໍຣິການດູແລເດັກນ້ອຍ-ລູກຂອງທ່ານ ຕ້ອງໄດ້ຮັບການສັກວັກຊີນພູມຕ້ານທານ ຢ່າງຄົບຖ້ວນ ຕາມຕາຕະລາງຂອງປະເທດ.

ຫຼັງຈາກການຕັດສິນຂອງສານສູງ ໃຫ້ປ່ອຍໂຕອະດີດຜູ້ຕ້ອງຂັງ ກວດຄົນເຂົ້າເມືອງ (Immigration detainees) ຊຶ່ງຫຼາຍຄົນກໍມີຄະດີອາດຊະຍາກັມຕິດໂຕ. ຝ່າຍຄ້ານໄດ້ສະແດງຄວາມເປັນຫ່ວງຕໍ່ຄວາມປອດພັຍຂອງຊຸມຊົນ... ແຕ່ທະນາຍຄວາມຂອງຜູ້ຕ້ອງຂັງ ກ່າວວ່າ ຣັຖບານຕ້ອງດຳເນີນການຍົກເລີກຂໍ້ກຳໜົດຕ່າງທີ່ມີຕໍ່ພວກເຂົາ ທັນທີ.

ໃນການປະເມີນຂອງອົງການຂ່າວລັບ ເພື່ອຄວາມໝັ້ນຄົງ ຂອງອອສເຕຣເລັຍ (the Australian Security Intelligence Organisation-ASIO), ຫນຶ່ງສ່ວນສາມ ຂອງເຫດການ ກ່ຽວພັນກັບຄວາມຮຸນແຮງ ທີ່ມີແຮງກະຕຸ້ນທາງສາສນາ. ເຫດການສ່ວນຫລາຍ ຖືກກ່າວຫາວ່າ ຖືກກະຕຸ້ນໂດຍອຸດົມການຊາດນິຍົມ (Nationalist) ແລະອຸດົມການດ້ານເຊື້ອຊາດ (Racist Ideologies) ຫລືອຸດົມການທີ່ປະສົມທັງສອງຢ່າງ. ສິ່ງສໍາຄັນ, ເພາະເລື່ອງນີ້ມັກຈະເຂົ້າໃຈຜິດ, ບໍ່ມີການໂຈມຕີ ຫລືແຜນການໃດ ທີ່ໄດ້ຮັບການດົນໃຈໂດຍກົງ ຈາກການຂັດແຍ້ງ ໃນຕາເວັນອອກກາງ.

ສູນກາງ ຄວາມກ້າວຫນ້າຂອງສຕຣີ (The Centre of Advancing Women) ໃນ Victoria ໃຫ້ການສນັບສນູນ ຢ່າງຮອບດ້ານ ສໍາລັບຜູ້ຍິງຈາກພື້ນຖານຜູ້ອົບພະຍົບ ທີ່ກໍາລັງປະສົບກັບຄວາມຮຸນແຮງ ໃນຄອບຄົວ. ນອກຈາກການຊ່ອຍເຫຼືອແລ້ວ, ທາງສູນຍັງມີ ຫຼັກສູດຕ່າງໆ ທີ່ຈະຊ່ອຍໃຫ້ ຜູ້ຂໍຄວາມຊ່ອຍເຫຼືອ ໄດ້ມີໂອກາດໃນການເຮັດວຽກເພື່ອ ພວກເຂົາຈະສາມາດ ຮັບຜິດຊອບຕໍ່ຊີວິດຂອງເຂົາເອງ.