ਜੈਪੁਰ ਵਿੱਚ ਹੋਣ ਵਾਲੇ 25ਵੇਂ ਇੰਟਰਨੈਸ਼ਨਲ ਇੰਡੀਅਨ ਫ਼ਿਲਮ ਅਕਾਡਮੀ ਅਵਾਰਡਜ਼ (IIFA) ਦੇ ਡਿਜਿਟਲ ਪੁਰਸਕਾਰ ਸਮਾਗਮ ਵਿੱਚ ਫਿਲਮ ‘ਅਮਰ ਸਿੰਘ ਚਮਕੀਲਾ’ ਨੂੰ ‘ਬੈਸਟ ਫ਼ਿਲਮ’ ਦਾ ਖਿਤਾਬ ਦਿੱਤਾ ਗਿਆ। ਇਸ ਫਿਲਮ ਵਿੱਚ ਦਿਲਜੀਤ ਦੋਸਾਂਝ ਨੇ ਮੁੱਖ ਕਿਰਦਾਰ ਨਿਭਾਇਆ ਹੈ। ਫ਼ਿਲਮ ਦੇ ਨਿਰਦੇਸ਼ਕ ਇਮਤਿਆਜ਼ ਅਲੀ ਨੂੰ ਵੀ ‘ਬੈਸਟ ਡਾਇਰੈਕਟਰ’ ਪੁਰਸਕਾਰ ਨਾਲ ਨਿਵਾਜਿਆ ਗਿਆ ਹੈ। IIFA ਐਵਾਰਡਜ਼ ਦੇ ਹੋਰ ਜੇਤੂਆਂ ਬਾਰੇ ਜਾਨਣ ਲਈ ਸੁਣੋ ਇਹ ਪੌਡਕਾਸਟ।

ਰੰਗਾ ਦੇ ਤਿਉਹਾਰ ਹੋਲੀ ਦੇ ਮੌਕੇ ਤੇ ਜਿੱਥੇ ਇਕ ਦੂਜੇ 'ਤੇ ਰੰਗ ਪਾਏ ਜਾਂਦੇ ਹਨ ਉੱਥੇ ਨਾਲ ਹੀ ਖਾਣ ਪੀਣ ਵਿੱਚ ਮਿਠਾਈਆਂ, ਸਮੋਸੇ ਅਤੇ ਚਾਟ ਪਕੌੜਿਆਂ ਵਰਗੀਆਂ ਚੀਜ਼ਾਂ ਨੂੰ ਵੀ ਖੂਬ ਪਸੰਦ ਕੀਤਾ ਜਾਂਦਾ ਹੈ। ਪਰ ਇਸ ਦੌਰਾਨ ਅਸੀਂ ਆਪਣੇ ਅਤੇ ਆਪਣੇ ਪਿਆਰਿਆਂ ਦੇ ਸ਼ਰੀਰ ਦਾ ਬਾਹਰੋਂ ਅਤੇ ਅੰਦਰੋਂ ਕਿਵੇਂ ਧਿਆਨ ਰੱਖ ਸਕਦੇ ਹਾਂ, ਇਸ ਬਾਰੇ ਆਯੁਰਵੇਦ ਦੇ ਐਮ ਡੀ, ਡਾਕਟਰ ਪ੍ਰਦੀਪ ਕੁਮਾਰ ਦੀ ਰਾਏ ਜਾਣੋ ਇਸ ਪੌਡਕਾਸਟ ਦੇ ਰਾਹੀਂ।

ਪੰਜਾਬ ਦੇ ਗ੍ਰਹਿ ਵਿਭਾਗ ਨੇ ਪਾਬੰਦੀਸ਼ੁਦਾ ਸੰਗਠਨਾਂ ਦੀ ਇੱਕ ਸੂਚੀ ਜਾਰੀ ਕੀਤੀ ਹੈ, ਜਿਸ ਵਿੱਚ ਨਾਗਰਿਕਾਂ ਨੂੰ ਇਨ੍ਹਾਂ ਗੈਰ-ਰਜਿਸਟਰਡ ਅਤੇ ਪਾਬੰਦੀਸ਼ੁਦਾ ਚੈਰਿਟੀ ਸਮੂਹਾਂ ਨੂੰ ਦਾਨ ਨਾ ਕਰਨ ਦੀ ਅਪੀਲ ਕੀਤੀ ਗਈ ਹੈ। ਇਹ ਕਦਮ ਸਰਕਾਰ ਦੇ ਉਹਨਾਂ ਉਪਰਾਲਿਆਂ ਦਾ ਹਿੱਸਾ ਹੈ ਜੋ ਅੱਤਵਾਦੀ ਫੰਡਿੰਗ ਨੂੰ ਰੋਕਣ ਅਤੇ ਇਹ ਪੱਕਾ ਕਰਨ ਲਈ ਲਿਆ ਗਿਆ ਹੈ ਕਿ ਚੈਰਟੀ ਦਾਨ ਦਾ ਗੈਰ-ਕਾਨੂੰਨੀ ਗਤੀਵਿਧੀਆਂ ਨੂੰ ਸਮਰਥਨ ਨਾ ਹੋਵੇ। ਨਾਗਰਿਕਾਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਆਪਣੀ 'ਜ਼ਕਾਤ', 'ਦਾਨ' ਅਤੇ ਹੋਰ ਯੋਗਦਾਨ ਸਿਰਫ਼ 'ਪੰਜਾਬ ਚੈਰਟੀ ਕਮਿਸ਼ਨ' ਨਾਲ ਰਜਿਸਟਰਡ ਸੰਗਠਨਾਂ ਨੂੰ ਹੀ ਦੇਣ।

ਉਡਦੀ ਨਹੀਂ ਅਸਮਾਨਾਂ ਉੱਤੇ ਆਪਣੇ ਆਪ ਪਤੰਗ, ਜੀਹਦੇ ਹੱਥ ਵਿਚ ਡੋਰ ਹੈ ਤੇਰੀ, ਉਹਦੀਆਂ ਖੈਰਾਂ ਮੰਗ। ਮੈਂ ਹੱਸਾਂ ਤਾਂ ਯਾਰ ਬਥੇਰੇ, ਜੇ ਰੋਵਾਂ ਤੇ ਇਕੱਲਾ, ਦੁੱਖਾਂ ਦੇ ਟਾਪੂ ਦੇ ਅੰਦਰ ਕੋਈ ਨਾ ਜਾਵੇ ਸੰਗ.. ਵਾਸਿਫ ਅਲੀ ਵਾਸਿਫ ਦੀ ਇਸ ਕਵਿਤਾ ਅਤੇ ਉਹਨਾਂ ਦੀ ਕਿਤਾਬ 'ਭਰੇ ਪਡੋਲੇ' ਬਾਰੇ ਹੋਰ ਜਾਣਕਾਰੀ ਇਸ ਪੌਡਕਾਸਟ ਰਾਹੀਂ ਸੁਣੋ।

"ਜ਼ਿਆਦਾਤਰ ਪ੍ਰਵਾਸੀ ਭਾਈਚਾਰਿਆਂ ਵਿੱਚ, ਜਾਇਦਾਦ, ਬੈਂਕਿੰਗ ਜਾਂ ਵਿੱਤ ਦੇ ਮਾਮਲੇ ਰਵਾਇਤੀ ਤੌਰ 'ਤੇ ਮਰਦਾਂ ਦੁਆਰਾ ਸੰਭਾਲੇ ਜਾਂਦੇ ਹਨ, ਜੋ ਸਮੇਂ ਦੇ ਨਾਲ ਔਰਤਾਂ ਦੀ ਆਰਥਿਕ ਆਜ਼ਾਦੀ ਨੂੰ ਰੋਕਣ ਵਾਲੇ ਸਾਬਤ ਹੁੰਦੇ ਹਨ," ਮੌਰਗੇਜ ਬ੍ਰੋਕਰ ਅਤੇ ਵਿੱਤੀ ਸਿੱਖਿਅਕ ਨੀਤੀ ਭਾਰਗਵ ਕਹਿੰਦੀ ਹੈ। ਉਹ ਅੱਗੇ ਕਹਿੰਦੀ ਹੈ ਕਿ ਹੁਣ ਸਮਾਂ ਆ ਗਿਆ ਹੈ ਕਿ ਇਸ ਪ੍ਰਕਿਰਿਆ ਵਿੱਚ ਬਦਲਾਅ ਲਿਆਂਦਾ ਜਾਵੇ। ਸੁਣੋ ਪੂਰੀ ਗੱਲਬਾਤ....

ਵਿਕਟੋਰੀਆ ਦੀ ਪ੍ਰੀਮੀਅਰ ਜਸਿੰਟਾ ਐਲਨ ਵੱਲੋਂ ਅਪਰਾਧਿਕ ਘਟਨਾਵਾਂ ਨੂੰ ਘਟਾਉਣ ਦੇ ਉਦੇਸ਼ ਨਾਲ ਜ਼ਮਾਨਤ ਸਬੰਧੀ ਨਵੇਂ ਕਾਨੂੰਨ ਲਾਗੂ ਕੀਤੇ ਜਾਣ ਦਾ ਪ੍ਰਸਤਾਵ ਪੇਸ਼ ਕੀਤਾ ਹੈ ਜੋ ਉਨ੍ਹਾਂ ਮੁਤਾਬਿਕ ਆਸਟ੍ਰੇਲੀਆ ਦੇ ‘ਸਭ ਤੋਂ ਕਠੋਰ ਜ਼ਮਾਨਤੀ ਕਾਨੂੰਨ' ਸਾਬਤ ਹੋਣਗੇ। ਇਨ੍ਹਾਂ ਕਾਨੂੰਨਾਂ ਵਿੱਚ ਜ਼ਮਾਨਤ ਵਾਸਤੇ ਇੱਕ ਕਠਿਨ ਪ੍ਰੀਖਿਆ ਹੋਵੇਗੀ ਜੋ ਕੇ ਪਹਿਲਾਂ ਦੀ ਪ੍ਰਕਿਰਿਆ ਨਾਲੋਂ ਕਿਤੇ ਔਖੀ ਹੋਵਗੀ। ਪੂਰਾ ਵੇਰਵਾ ਲੈਣ ਲਈ ਸੁਣੋ ਇਹ ਖ਼ਬਰਨਾਮਾ....

ਆਸਟ੍ਰੇਲੀਅਨ ਫਿਲਮਕਾਰ ਵੱਲੋਂ ਬਣਾਈ ਗਈ ਪੰਜਾਬੀ ਫਿਲਮ 'ਏ ਸਾਈਲੈਂਟ ਐਸਕੇਪ' ਅੱਜਕਲ ਓ ਟੀ ਟੀ ਪਲੇਟਫਾਰਮ 'ਤੇ ਉਪਲੱਬਧ ਹੈ। ਇਹ ਫਿਲਮ ਬਾਲੀਵੁੱਡ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ (ਚੌਥੇ ਸੀਜ਼ਨ) ਵਿੱਚ ਸਰਵੋਤਮ ਨਿਰਦੇਸ਼ਕ ਅਤੇ ਸਰਵੋਤਮ ਫਿਲਮ ਸਮੇਤ ਦੁਨੀਆ ਭਰ ਵਿੱਚ 22 ਪੁਰਸਕਾਰ ਜਿੱਤ ਕੇ ਹੁਣ ਗਲੋਬਲ ਸਟ੍ਰੀਮਿੰਗ ਪਲੇਟਫਾਰਮ 'ਤੇ ਰਿਲੀਜ਼ ਹੋ ਗਈ ਹੈ, ਜੋ ਕਿ ਆਸਟ੍ਰੇਲੀਆ, ਸੰਯੁਕਤ ਰਾਜ, ਯੂਨਾਇਟੇਡ ਕਿੰਗਡਮ ਅਤੇ ਯੂਰਪੀਅਨ ਯੂਨੀਅਨ ਸਮੇਤ 244 ਤੋਂ ਵੱਧ ਦੇਸ਼ਾਂ ਵਿੱਚ ਉਪਲੱਬਧ ਹੈ। ਸਾਊਥ ਆਸਟ੍ਰੇਲੀਆ ਦੇ ਵਸਨੀਕ ਅਤੇ ਫਿਲਮ ਦੇ ਨਿਰਦੇਸ਼ਕ ਯੋਗੀ ਦੇਵਗਨ ਦੀ ਇਹ ਛੋਟੀ ਫਿਲਮ ਸੱਚੀਆਂ ਘਟਨਾਵਾਂ ਉੱਤੇ ਅਧਾਰਿਤ ਹੈ। ਫਿਲਮ ਦੀ ਸ਼ੂਟਿੰਗ ਭਾਰਤ ਵਿਖੇ ਕੀਤੀ ਗਈ ਹੈ। ਇਸ ਫਿਲਮ ਦਾ ਓ ਟੀ ਟੀ ਪਲੇਟਫਾਰਮ ਤੇ ਪਹੁੰਚਣਾ ਸਥਾਨਕ ਆਸਟ੍ਰੇਲੀਅਨ ਫ਼ਿਲਮਕਾਰਾਂ ਨੂੰ ਹੁੰਗਾਰਾ ਪ੍ਰਦਾਨ ਕਰ ਰਿਹਾ ਹੈ। ਫਿਲਮ ਦੇ ਓ ਟੀ ਟੀ ਤੱਕ ਪੁੱਜਣ ਤੱਕ ਦਾ ਸਫਰ ਕਿਸ ਤਰ੍ਹਾਂ ਦਾ ਰਿਹਾ, ਆਓ ਸੁਣਦੇ ਹਾਂ ਇਸ ਪੌਡਕਾਸਟ ਰਾਹੀਂ .... ..

ਪੰਜਾਬ ਅੰਦਰ ਨਸ਼ਿਆਂ ਖਿਲਾਫ਼ ਭਾਵੇਂ ਪੰਜਾਬ ਸਰਕਾਰ ਨੇ ਜੰਗ ਛੇੜੀ ਹੋਈ ਹੈ, ਪਰ ਹੁਣ ਤਸਕਰ ਹੈਰੋਇਨ ਦੇ ਪੈਕਟਾਂ ਦੇ ਨਾਲ ਮੁਫ਼ਤ ਵਿੱਚ ਇਕ ਹੋਰ ਨਸ਼ਾ 'ਆਈਸ' ਵੀ ਸਪਲਾਈ ਕਰ ਰਹੇ ਹਨ। ਪਿਛਲੇ ਸਾਲ ਪੰਜਾਬ ਪੁਲੀਸ ਨੇ 22 ਕਿਲੋ ਆਈਸ ਬਰਾਮਦ ਕੀਤੀ। ਇਸ ਖ਼ਬਰ ਬਾਰੇ ਹੋਰ ਜਾਣਕਾਰੀ ਅਤੇ ਪੰਜਾਬ ਦੀਆਂ ਹੋਰ ਖ਼ਬਰਾਂ ਇਸ ਪੌਡਕਾਸਟ ਰਾਹੀਂ ਜਾਣੋ।

Manjeet Kaur, a chef in Kyneton, Victoria says she might have to leave the country despite high skill assessment scores affected by 'broken migration system', leaving her employer-a regional cafe owner, struggling to keep the business afloat. The cafe owner fears loss of trading hours to staff shortages and is urging the government to intervene and provide a pathway for skilled workers to remain in the country. - ਇਹ ਮਾਮਲਾ ਮਨਜੀਤ ਕੌਰ ਦਾ ਹੈ, ਜੋ ਅੱਠ ਸਾਲਾਂ ਤੋਂ ਆਸਟ੍ਰੇਲੀਆ ਵਿੱਚ ਰਹਿ ਰਹੇ ਹਨ ਅਤੇ ਖੇਤਰੀ ਵਿਕਟੋਰੀਆ ਵਿੱਚ 'ਲਿਟਲ ਸਵੈਲੋ' ਨਾਮ ਦੇ ਕੈਫੇ ਵਿੱਚ ਸ਼ੈੱਫ ਵਜੋਂ ਕੰਮ ਕਰ ਰਹੇ ਹਨ। ਉਨ੍ਹਾਂ ਦਾ ਅਸਥਾਈ ਵਰਕ ਵੀਜ਼ਾ ਹੁਣ ਖਤਮ ਹੋਣ ਵਾਲਾ ਹੈ ਅਤੇ ਦੋ ਹੁਨਰ ਵੀਜ਼ਿਆਂ ਲਈ ਅਰਜ਼ੀ ਦੇਣ ਦੇ ਬਾਵਜੂਦ ਵੀ ਉਨ੍ਹਾਂ ਨੂੰ ਸਰਕਾਰ ਕੋਲੋਂ ਕੋਈ ਵੀ ਜਵਾਬ ਨਹੀਂ ਮਿਲ ਸਕਿਆ ਹੈ। ਉਨ੍ਹਾਂ ਦੇ ਰੁਜ਼ਗਾਰਦਾਤਾ ਦਾ ਮੰਨਣਾ ਹੈ ਕਿ ਮਨਜੀਤ ਨੂੰ ਗੁਆਉਣ ਨਾਲ ਉਸ ਦੇ ਵਪਾਰ ਨੂੰ ਨੁਕਸਾਨ ਹੋ ਸਕਦਾ ਹੈ। ਹੁਣ ਮਨਜੀਤ ਦੇ ਆਸਟ੍ਰੇਲੀਅਨ ਰੁਜ਼ਗਾਰਦਾਤਾ ਨੇ ਉਨ੍ਹਾਂ ਲਈ ਸਰਕਾਰ ਅੱਗੇ ਮਦਦ ਦੀ ਗੁਹਾਰ ਲਗਾਈ ਹੈ। ਪੂਰੀ ਗੱਲਬਾਤ ਸਮਝਣ ਲਈ ਇਹ ਪੌਡਕਾਸਟ ਸੁਣੋ......

ਦੱਖਣੀ ਪੈਸਿਫਿਕ ਮਹਾਂਸਾਗਰ ਵਿਚਲੇ ਟਾਪੂ ਦੇਸ਼ ਵਾਨੂਆਟੂ ਦੇ ਪ੍ਰਧਾਨ ਮੰਤਰੀ ਜੋਥਮ ਨਾਪਤ ਵੱਲੋਂ ਸੋਮਵਾਰ ਨੂੰ ਜਾਰੀ ਕੀਤੇ ਹੁਕਮਾਂ ਅਨੁਸਾਰ ਲਲਿਤ ਮੋਦੀ ਨੂੰ ਜਾਰੀ ਕੀਤਾ ਗਿਆ ਵਾਨੂਆਟੂ ਪਾਸਪੋਰਟ ਰੱਦ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਸਾਬਕਾ ਆਈ.ਪੀ.ਐਲ. ਚੇਅਰਮੈਨ ਆਪਣੇ ਐਕਸਟ੍ਰਡਿਸ਼ਨ ਤੋਂ ਬਚਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪ੍ਰਧਾਨ ਮੰਤਰੀ ਨਾਪਤ ਨੇ ਆਪਣੇ ਦਫ਼ਤਰ ਵੱਲੋਂ ਜਾਰੀ ਇੱਕ ਮੀਡੀਆ ਰਿਲੀਜ਼ ਵਿੱਚ ਕਿਹਾ, "ਮੈਂ ਨਾਗਰਿਕਤਾ ਕਮਿਸ਼ਨ ਨੂੰ ਅੰਤਰਰਾਸ਼ਟਰੀ ਮੀਡੀਆ ਵਲੋਂ ਹਾਲ ਵਿੱਚ ਹੀ ਕੀਤੇ ਖੁਲਾਸੇ ਤੋਂ ਬਾਅਦ ਲਲਿਤ ਮੋਦੀ ਨੂੰ ਜਾਰੀ ਕੀਤਾ ਗਿਆ ਵਾਨੂਆਟੂ ਪਾਸਪੋਰਟ ਰੱਦ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।" ਉਨ੍ਹਾਂ ਇਹ ਵੀ ਕਿਹਾ ਕਿ ਵਾਨੂਆਟੂ ਪਾਸਪੋਰਟ ਰੱਖਣਾ ਇੱਕ ਪ੍ਰੀਵੀਲੈੱਜ਼ ਹੈ, ਕੋਈ ਜਨਮ ਸਿੱਧ ਹੱਕ ਨਹੀਂ। ਇਸ ਵੱਡੀ ਖ਼ਬਰ ਦੇ ਇਲਾਵਾ 11 ਮਾਰਚ 2025 ਦੀਆਂ ਹੋਰ ਕਿਹੜੀਆਂ ਨੇ ਅੱਜ ਦੀਆਂ ਅਪਡੇਟਸ, ਜਾਣੋ ਇਸ ਪੌਡਕਾਸਟ ਰਾਹੀਂ..