ਸਾਲ 2025 ਵਿੱਚ ਹੱਜ ਲਈ ਮੱਕਾ-ਮਦੀਨਾ ਜਾਣ ਵਾਲੇ ਪਾਕਿਸਤਾਨੀ ਨਾਗਰਿਕਾਂ ਲਈ ਪਾਕਿਸਤਾਨ ਸਰਕਾਰ ਨੇ ਅਹਿਮ ਫੈਸਲੇ ਲਏ ਹਨ। ਤਾਜ਼ਾ ਖ਼ਬਰ ਹੈ ਪਾਕਿਸਤਾਨ ਅਤੇ ਸਾਊਦੀ ਅਰਬ ਦੀਆਂ ਸਰਕਾਰਾਂ ਵਿਚਕਾਰ ਇੱਕ ਸਮਝੌਤਾ ਹੋਇਆ ਹੈ, ਜਿਸ ਤਹਿਤ ਸਾਊਦੀ ਅਰਬ ਸਰਕਾਰ ਨੇ ਪਾਕਿਸਤਾਨੀ ਹਾਜੀਆਂ ਲਈ ਮਿੰਨਾ ਦੇ ਮੈਦਾਨ ਦੇ ਨਜ਼ਦੀਕ ਰਹਿਣ ਲਈ ਸਸਤੇ ਮੁੱਲ ਉੱਤੇ ਜਗ੍ਹਾ ਦਾ ਪ੍ਰਬੰਧ ਕਰਨਾ ਹੈ। ਇਸ ਤੋਂ ਇਲਾਵਾ 40 ਦਿਨ ਦੀ ਥਾਂ 20-25 ਦਿਨਾਂ ਦਾ ਨਿੱਕਾ ਹੱਜ ਕਰਵਾਉਣ ਦਾ ਪ੍ਰੋਗਰਾਮ ਵੀ ਉਲੀਕਿਆ ਜਾ ਰਿਹਾ ਹੈ। ਇਸ ਪ੍ਰੋਗਰਾਮ ਤਹਿਤ ਪਾਕਿਸਤਾਨੀ ਹਾਜੀ ਮਦੀਨੇ ਵਿੱਚ ਚਾਰ ਤੋਂ ਅੱਠ ਦਿਨਾਂ ਲਈ ਆਪਣੀ ਮਨਪਸੰਦ ਜਗ੍ਹਾ ਉੱਤੇ ਰੁਕ ਸਕਣਗੇ। ਕਾਬਿਲੇਗੌਰ ਹੈ ਕਿ ਇਸ ਵਰ੍ਹੇ ਪਾਕਿਸਤਾਨ ਤੋਂ 1,79,201 ਲੋਕਾਂ ਨੂੰ ਹੱਜ ’ਤੇ ਜਾਣ ਦੀ ਇਜਾਜ਼ਤ ਦਿੱਤੀ ਗਈ ਹੈ ਅਤੇ ਹੱਜ ਲਈ ਸਾਊਦੀ ਅਰਬ ਜਾਣ ਵਾਲੇ ਇੱਕ ਵਿਅਕਤੀ ਦਾ ਖਰਚਾ ਸਾਢੇ 11 ਲੱਖ ਰੁਪਏ ਪਾਕਿਸਤਾਨੀ ਹੈ। ਹੋਰ ਵੇਰਵੇ ਲਈ ਸੁਣੋ ਇਹ ਰਿਪੋਰਟ...

ਹੈਲਥ ਕਲੀਨਿਕਾਂ ਦੇ ਸਾਲਾਨਾ ਸਰਵੇਖਣ ਵਿੱਚ ਸਾਹਮਣੇ ਆਇਆ ਹੈ ਕਿ ਜੀਪੀ ਵਿਜ਼ਿਟ ਲਈ ਮਰੀਜ਼ ਦੀ ਜੇਬ ’ਚੋਂ ਹੋਣ ਵਾਲੇ ਖਰਚਿਆਂ ਵਿੱਚ ਵਾਧਾ ਹੋਇਆ ਹੈ ਕਿਉਂਕਿ ਮਰੀਜ਼ਾਂ ਨੂੰ ਮੈਡੀਕੇਅਰ ਦਾ ਇਸਤੇਮਾਲ ਕਰਨ ਦੀ ਇਜਾਜ਼ਤ ਦੇਣ ਵਾਲੇ ਕਲੀਨਿਕਾਂ ਦੀ ਗਿਣਤੀ ਪਹਿਲਾਂ ਦੇ ਮੁਕਾਬਲੇ ਘੱਟ ਗਈ ਹੈ। ਫੈਡਰਲ ਸਰਕਾਰ ਨੇ ਇਸ ਰਿਪੋਰਟ ’ਤੇ ਸਵਾਲ ਚੁੱਕਦਿਆਂ ਦਲੀਲ ਦਿੱਤੀ ਹੈ ਕਿ ਇਹ ਅੰਕੜੇ ਪੂਰੀ ਤਸਵੀਰ ਨਹੀਂ ਦਿਖਾ ਰਹੇ ਅਤੇ 'ਬਲਕ ਬਿਲਿੰਗ' ਦਾ ਲਾਭ ਲੈਣ ਵਾਲਿਆਂ ਦੀ ਗਿਣਤੀ ਵਿੱਚ ਵਾਧਾ ਦਰਜ ਕੀਤਾ ਗਿਆ ਹੈ। ਇਸ ਸਰਵੇ ਰਿਪੋਰਟ ’ਤੇ ਟਿੱਪਣੀ ਕਰਦਿਆਂ ਵਿਰੋਧੀ ਧਿਰ ਨੇ ਵੀ ਸਰਕਾਰ ਨੂੰ ਘੇਰਿਆ ਹੈ। ਹੋਰ ਵੇਰਵੇ ਲਈ ਸੁਣੋ ਇਹ ਰਿਪੋਰਟ

ਆਸਟ੍ਰੇਲੀਆ ‘ਚ ਗਰਮੀ ਦੀਆਂ ਛੁੱਟੀਆਂ ਵਿੱਚ ਜਦੋਂ ਕਾਰੋਬਾਰ ਅਤੇ ਕੰਮਕਾਜ ਹਰ ਪਾਸੇ ਲਗਭਗ ਠੰਡਾ ਹੁੰਦਾ ਹੈ, ਤਾਂ ਅਕਸਰ ਇਥੇ ਵਸੇ ਹੋਏ ਪ੍ਰਵਾਸੀ ਆਪਣੇ ਪਰਿਵਾਰ ਸਮੇਤ ਆਪਣੇ ਵਤਨ ਵੱਲ ਦਾ ਰੁਖ ਕਰ ਲੈਂਦੇ ਹਨ। ਕਿੰਨਾ ਅਹਿਮ ਹੁੰਦਾ ਹੈ ਆਸਟ੍ਰੇਲੀਆ ਦੇ ਵਿੱਚ ਵੱਡੇ ਹੋ ਰਹੇ ਬੱਚਿਆਂ ਨੂੰ ਉਸ ਧਰਤੀ ਨਾਲ ਜੋੜ ਕੇ ਰੱਖਣਾ, ਜਿਥੋਂ ਉਹਨਾਂ ਦੇ ਮਾਤਾ ਪਿਤਾ ਆਏ ਹਨ? ਇਹੀ ਜਾਨਣ ਦੀ ਕੋਸ਼ਿਸ਼ ਕੀਤੀ ਐਸ ਬੀ ਐਸ ਪੰਜਾਬੀ ਨੇ, ਇਨ੍ਹਾਂ ਛੁੱਟੀਆਂ ਵਿੱਚ ਪੰਜਾਬ ਜਾਣ ਵਾਲੇ ਕੁਝ ਪਰਿਵਾਰਾਂ ਨਾਲ ਗੱਲਬਾਤ ਕਰਕੇ। ਉਹਨਾਂ ਦੀ ਸੋਚ ਅਤੇ ਉਹਨਾਂ ਦੇ ਅਨੁਭਵ ਇਸ ਪੌਡਕਾਸਟ ਰਾਹੀਂ ਜਾਣੋ।

ਆਸਟ੍ਰੇਲੀਆ ਦੀ ਪ੍ਰੋ ਕਬੱਡੀ ਟੀਮ 'ਔਜ਼ੀ ਰੇਡਰਸ' ਦੇ ਕਪਤਾਨ ਅਤੇ ਸਾਬਕਾ ਏ ਐਫ ਐਲ ਖਿਡਾਰੀ ਜੌਸ਼ ਕੈਨੇਡੀ ਦਾ ਮੰਨਣਾ ਹੈ ਕਿ ਆਸਟ੍ਰੇਲੀਆ ਵਿੱਚ ਕਬੱਡੀ ਦੇ ਹੋਰ ਮੁਕਾਬਲੇ ਕਰਵਾਏ ਜਾਣ ਨਾਲ ਅਤੇ ਬੱਚਿਆਂ ਵਿੱਚ ਇਸ ਇਸ ਖੇਡ ਦੀ ਜਾਗ ਲਾਏ ਜਾਣ ਨਾਲ ਇਹ ਖੇਡ ਆਸਟ੍ਰੇਲੀਆ ਵਿੱਚ ਹੋਰ ਉੱਨਤੀ ਕਰ ਸਕਦੀ ਹੈ। 28 ਦਸੰਬਰ ਨੂੰ ਮੈਲਬਰਨ ਦੇ ਜੌਨ ਕੇਨ ਐਰੀਨਾ ਵਿੱਚ ਆਪਣੇ ਪਹਿਲੇ ਅਧਿਕਾਰਤ ਮੈਚ ਵਿਚ ਉੱਤਰੀ ਔਜ਼ੀ ਰੇਡਰਸ ਦਾ ਸਾਹਮਣਾ ਭਾਰਤ ਦੇ ਸਾਬਕਾ ਕਬੱਡੀ ਖਿਡਾਰੀਆਂ ਦੀ ਟੀਮ ਪ੍ਰੋ ਕਬੱਡੀ ਆਲ ਸਟਾਰਜ਼ ਦੇ ਨਾਲ ਹੋਇਆ। ਟੀਮ ਔਜ਼ੀ ਰੇਡਰਸ ਵਿੱਚ ਆਸਟ੍ਰੇਲੀਆ ਦੀ ਬੇਹੱਦ ਪਸੰਦੀਦਾ ਖੇਡ ਏ ਐਫ ਐਲ ਦੇ ਸਾਬਕਾ ਖਿਡਾਰੀ ਸਨ ਜੋ ਪਿਛਲੇ ਕਰੀਬ ਦੋ ਮਹੀਨੇ ਤੋਂ ਇਸਦੀ ਤਿਆਰੀ ਕਰ ਰਹੇ ਸਨ। ਜੌਸ਼ ਕੈਨੇਡੀ ਦੇ ਕਬੱਡੀ ਦੀ ਖੇਡ ਪ੍ਰਤੀ ਪੈਦਾ ਹੋਏ ਲਗਾਅ ਅਤੇ ਅਨੁਭਵ ਇਸ ਪੌਡਕਾਸਟ ਰਾਹੀਂ ਜਾਣੋ।

Members of Singh’s Social and Motorcycle Club have long been advocating for a helmet exemption. Dr. Kanwaljit Singh, a Sikh who wears a turban and has a passion for riding bikes, believes that being exempt from helmet requirements is a matter of religious freedom. Amar Singh, president of Turbans for Australia, argues that the exemption should extend beyond just motorcyclists, as Turban-wearing Sikh workers also face challenges in this regard. - ਪਿੱਛਲੇ ਕਈ ਸਾਲਾਂ ਤੋਂ 'ਸਿੰਘਜ਼ ਸੋਸ਼ਲ ਮੋਟਰਸਾਈਕਲ ਕਲੱਬ', ਸੋਵਰੀਨ ਸਿੱਖ ਰਾਈਡਰਜ਼ ਅਤੇ ਕਈ ਸਿੱਖ ਸੰਸਥਾਵਾਂ ਵੱਲੋਂ ਦਸਤਾਰਧਾਰੀ ਸਿੱਖਾਂ ਲਈ ਹੈਲਮੇਟ ਦੀ ਥਾਂ ਦਸਤਾਰ ਸਜਾ ਕੇ ਬਾਈਕ ਚਲਾਉਣ ਦੀ ਮਨਜ਼ੂਰੀ ਮੰਗੀ ਜਾ ਰਹੀ ਹੈ। 'ਟਰਬਨਜ਼ ਫੋਰ ਆਸਟ੍ਰੇਲੀਆ' ਦੇ ਮੁਖੀ ਅਮਰ ਸਿੰਘ ਮੁਤਾਬਕ ਇਹ ਮਸਲਾ ਸਿਰਫ ਦਸਤਾਰਧਾਰੀ ਸਿੱਖਾਂ ਦੇ ਬਾਈਕ ਚਲਾਉਣ ਤੱਕ ਹੀ ਸੀਮਤ ਨਹੀਂ ਹੈ, ਬਲਕਿ ਉਹਨਾਂ ਸਾਰੇ ਸਿੱਖ ਕਰਮਚਾਰੀਆਂ ਨਾਲ ਵੀ ਜੁੜਿਆ ਹੈ ਜੋ ਦਸਤਾਰ ਪਹਿਨਣ ਕਾਰਨ ‘ਹਾਰਡ ਹੈਟ’ ਜਾਂ ‘ਸੇਫਟੀ 'ਹੈਲਮੇਟ’ ਨਹੀਂ ਪਾ ਸਕਦੇ।

ਆਸਟ੍ਰੇਲੀਅਨ ਪੰਜਾਬੀ ਅਕੈਡਮੀ ਵਜੋਂ ਰਜਿਸਟਰ ਕੀਤੀ ਗਈ ਸੰਸਥਾ ਅਨੁਸਾਰ ਤੇਜ਼ੀ ਨਾਲ ਬਦਲ ਰਹੇ ਤਕਨੀਕੀ ਅਤੇ ਵਕਤੀ ਸਮੀਕਰਣਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਮਾਂ ਬੋਲੀ ਪੰਜਾਬੀ ਨੂੰ ਘਰ-ਘਰ ਪਹੁੰਚਾਉਣ ਦੇ ਇੱਕ ਹੋਰ ਉਪਰਾਲੇ ਵਜੋਂ ਹੁਣ ਇੱਕ ਨਿਵੇਕਲਾ ਕਾਰਜ ਅਰੰਭਿਆ ਜਾ ਰਿਹਾ ਹੈ। ਇਸ ਨਾਲ ਘਰ ਵਿੱਚ ਬੈਠ ਕੇ ਹੀ ਅਸਾਨੀ ਨਾਲ ਪੰਜਾਬੀ ਭਾਸ਼ਾ ਸਿੱਖੀ ਜਾ ਸਕੇਗੀ। ਪੰਜਾਬੀ ਦੀਆਂ ਇਹਨਾਂ ਆਨਲਾਈਨ ਜਮਾਤਾਂ ਦਾ ਦਿਨ, ਸਮਾਂ, ਅਧਿਆਪਕ, ਪਾਠਕਰਮ ਅਤੇ ਰਜਿਸਟ੍ਰੇਸ਼ਨ ਆਦਿ ਬਾਰੇ ਵਿਸਥਾਰਿਤ ਜਾਣਕਾਰੀ ਹਾਸਲ ਕਰਨ ਲਈ ਸੁਣੋ ਇਸ ਸੰਸਥਾ ਦੇ ਨੁਮਾਂਇੰਦੇ ਅਲਬੇਲ ਕੰਗ ਹੁਰਾਂ ਨਾਲ ਕੀਤੀ ਇਹ ਵਿਸ਼ੇਸ਼ ਗੱਲਬਾਤ...

ਆਸਟ੍ਰੇਲੀਆ ਦੇ ਵੁਲਗੂਲਗਾ ਵਿੱਚ ਬਣੇ ਪਹਿਲੇ ਗੁਰਦੁਆਰਾ ਸਾਹਿਬ ਵਿਖੇ ਨਵੇਂ ਸਾਲ 2025 ਦੇ ਮੌਕੇ ਮਾਂ-ਬੋਲੀ ਨੂੰ ਸਮਰਪਿਤ ਇੱਕ ਗੁਰਮੁਖੀ ਫੱਟੀ ਅਤੇ ਵਿਰਸੇ ਨਾਲ ਸਾਂਝ ਪਾਉਂਦੀਆਂ ਗਾਗਰਾਂ ਦੇ ਆਰਟ-ਵਰਕ ਲਗਾਏ ਗਏ ਹਨ। ਅਮਰੀਕਾ ਦੇ ਕਲਾਕਾਰ ਹਰਮਿੰਦਰ ਬੋਪਾਰਾਏ ਅਤੇ ਮੈਲਬਰਨ ਤੋਂ ਇੰਜੀਨੀਅਰ ਗਗਨ ਹੰਸ ਦੀ ਬਾਕਮਾਲ ਮਿਹਨਤ ਸਦਕਾ ਤਿੰਨ ਮਹੀਨਿਆਂ ਵਿੱਚ ਇਹ ਕਲਾਕ੍ਰਿਤੀਆਂ ਤਿਆਰ ਕੀਤੀਆਂ ਗਈਆਂ ਹਨ। ਪਬਲਿਕ ਅਫਸਰ ਅਮਨਦੀਪ ਸਿੰਘ ਸਿੱਧੂ ਨੇ ਇਨ੍ਹਾਂ ਵਸਤਾਂ ਦੀ ਸਥਾਪਤੀ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ।

ਆਸਟ੍ਰੇਲੀਆ ਦੇ 'The Big Four' ਬੈਂਕਾਂ ਵਿੱਚੋਂ ਇੱਕ ਨੇ ਚਿਤਾਵਨੀ ਦਿੱਤੀ ਹੈ ਕਿ ਆਸਟ੍ਰੇਲੀਆ ਵਾਸੀਆਂ ਨੂੰ ਇਸ ਸਾਲ ਤਕਰੀਬਨ ਪੰਜ ਧੋਖਿਆਂ ਤੋਂ ਸਾਵਧਾਨ ਰਹਿਣਾ ਹੋਵੇਗਾ।

ਅਮਰੀਕਾ ਵਿੱਚ ਲੱਗੀ ਭਿਆਨਕ ਅੱਗ ਦਾ ਸੇਕ ਹੁਣ ਆਸਟ੍ਰੇਲੀਆ ਤੱਕ ਵੀ ਪਹੁੰਚ ਗਿਆ ਹੈ। ਆਸਟ੍ਰੇਲੀਆਈ ਲੋਕਾਂ ਨੂੰ ਘਰੇਲੂ ਇੰਸ਼ੋਰੈਂਸ ਦੀਆਂ ਉੱਚ ਲਾਗਤਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ ਕਿਉਂਕਿ ਅਮਰੀਕਾ ਵਿੱਚ ਲੱਗੀ ਭਿਆਨਕ ਅੱਗ ਵਿਸ਼ਵ ਜਲਵਾਯੂ ਆਫਤਾਂ ਵਿੱਚ ਸ਼ਾਮਲ ਹੋ ਗਈ ਹੈ ਅਤੇ ਇਸ ਕਾਰਨ ਇੰਸ਼ੋਰੈਂਸ ਦੇ ਪ੍ਰੀਮੀਅਮ ਵੱਧ ਰਹੇ ਹਨ। ਆਸਟ੍ਰੇਲੀਆ ਇੰਸਟੀਚਿਊਟ ਦੁਆਰਾ ਕੀਤੇ ਗਏ ਵਿਸ਼ਲੇਸ਼ਣ ਤੋਂ ਪਤਾ ਲੱਗਦਾ ਹੈ ਕਿ ਕੁਦਰਤੀ ਆਫ਼ਤਾਂ ਨੇ ਪਹਿਲਾਂ ਹੀ ਆਸਟ੍ਰੇਲੀਅਨ ਇੰਸ਼ੋਰੈਂਸ ਖਰਚਿਆਂ ਨੂੰ ਮਹਿੰਗਾਈ ਤੋਂ ਪਰੇ ਧੱਕ ਦਿੱਤਾ ਹੈ।

ਫੈਡਰਲ ਚੋਣਾਂ ਲਈ ਸਾਰੀਆਂ ਰਾਜਨੀਤਿਕ ਪਾਰਟੀਆਂ ਜ਼ੋਰਾਂ-ਸ਼ੋਰਾਂ ਨਾਲ ਪ੍ਰਚਾਰ ਕਰ ਰਹੀਆਂ ਹਨ। ਪ੍ਰਧਾਨ ਮੰਤਰੀ ਐਂਥਨੀ ਅਲਬਨੀਜ਼ੀ ਵੱਲੋਂ ਵੀ ਕਈ ਐਲਾਨ ਕੀਤੇ ਜਾ ਰਹੇ ਹਨ ਪਰ ਦੂਜੇ ਪਾਸੇ ਵੋਟਰਾਂ ਦਾ ਕਹਿਣਾ ਹੈ ਕਿ ਮਹਿੰਗਾਈ ਨੂੰ ਦੇਖਦਿਆਂ ਉਹ ਬਹੁਤ ਧਿਆਨ ਨਾਲ ਅਗਲੀ ਪਾਰਟੀ ਦੀ ਚੋਣ ਕਰਨਗੇ।