SBS Tigrinya - ኤስ.ቢ.ኤስ ትግርኛ

Listen to 'English on Repeat,' a podcast to help us improve our speaking skills: What do you do for a living? | I’m a student.| I want to start a business. |I work part-time. - ቋንቋ እንግሊዝ ናይ ምዝራብ ክእለትና ንከነመሓይሽ እናደጋገምና ክንለማመድ ዝሕግዘና ፈነወ 'English on Repeat' ስምዑ። ኣብ'ዚ ክፋል፡ ንመነባብሮና እንታይ ኢና ንሰርሕ ዝብል ከነዕልለሉ ኢና። እቶም ንደጋግሞም ሓረጋት ድማ እዚኦም'ዮም፣ What do you do for a living? | I’m a student.| I want to start a business. |I work part-time.

ን ሎሚ 27 ጥሪ 2024 ዘዳለናዮ ትሕዝቶ ቀሪብና ኣለና፡ ንሓደ ሰዓት ዝጸንሕ መደብና፥ ትማሊ 26 ጥሪ ዓመታዊ ዝኽበር መዓልቲ ኣውስትራሊያ ወይ ኣውስትራሊያ ደይ ተኸቢሩ ዊዒሉ፡ ኣብቲ መዓልቲ ኣብ ሕብረተሰቦም ፍሉይ ኣበርክቶ ዝገበሩ ኣፍልቶን ሽልማትን ሓንቲ ካብ ኦም ወ/ሮ ሳባ ኣብርሃም ካብ ኲንስላንድ ናይ 2025 "Medal of the Order of Australia" ተሸላሚት ኮይና ኣላ። ናብዚ ዘብጽሐ ጉዕዞን ናብዚ ንምብጻሕ ዘጋጥማ ብድሆታትን ካብዘካፈለትና ሎሚ ቆንጪልና ከነቕርበልኩም ኢና። ልኡኽና ዝሰደደልና ጸብጻብ፡ ጽንብል ስርዓተ ሲመት 6ይ ፓትርያርክ ኦርቶዶክስ ተዋሃዶ ቤተ-ክርስትያን ኤርትራ፡ ተፈጺሙ ። ፖለቲካ ትግራይ ናብ ፖለቲካዊ ባዶ ድምር ወሪዱ ትግራይ ናብ ዝኸፈአ ኩነተት ክትኣትው ምኽንያት ኮይኑ'ሎ: ክብል ፕረዚደንት ግዚያዊ ምም/ ትግራይ ጌታቸው ረዳ ተዛሪቡ ። ኣብ ሓደጋ ወዲቚ ዘሎ ሃገራዊ ሓድነት ኢትዮጵያ ብሰላማዊ ዘተ ጥራይ ክፍታሕ ብርጋዴር ጀነራል ከበደ ሬጋሳ ጸዊዑ። ኤርትራ፡ ቀይዳቶም ዝጸንሐት ተወሰኽቲ የመናውያን ገፈፍቲ ዓሳ ለቂቓ። ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና። ኣርእስታት ዜና፥ ናይ ኣመሪካ ፕረዚደንት ዶናልድ ትራምፕ ኣብ ጋዛ ዝነብሩ ፍልስጤማውያን ናብ ጎረባብቲ ሃገራት ክግዕዙ ኣለዎም ዝብል ሓሳብ ኣቕሪቡ ። ኣብ ሱዳን ኣብ ልዕሊ ሰራሕተኛታት ጥዕናን መሳለጥያታትን ዝወርድ መጥቃዕቲ ደው ክብል ሓላፊ ውዱብ ጥዕና ዓለም ጸዊዑ ። ያኒክ ሲንነር ነቲ ናይ ኣውስትራልያዊ ኦፐን ሻምፕዮኑኡ ብምዕቃብ፡ ኣብ ልዕሊ እለክሳንደር ዘቨርቭ ስዒሩ ናይ 2025 ሻምፕዮን ኣውስትራሊያ ኦፐን ኮይኑ ።

ሰሙናዊ መደብ ስፖርት (27/01/2025) * ወርቅነሽ እዴሳ ኣብ ማራቶን ቶክዮ ተዓዊታ፣ * ኣብ ኣስታና ኣብ ውድድር ጉያ እግሪ 3000ሜ ኣትለቲክስ ዓለም ኢትዮጵያውያን መንእሰያት ብዓብላሊ ተዓዊተን፣ * ኣብ ዓውደ ኣዋርሕ ቅድድም ብሽግለታ ቀዳማይ ዝኾነ ኣብ ኣውስትራልያ ዝሓለፈ ሰሙን ዝተኻየደ ቱር ዳውን ኣንደር ኤርትራውይን ሄኖክ ምሉእብርሃንን ናትናኤል ተስፋጽዮንን ተሳቲፎም፣ * ኢትዮጵያዊ ኣከፋፋሊ ጋቶች ፓኖም ቀዳመይቲ ሽቶኡ ብምምዝጋብ ዒራቓዊት ጋንትኡ ማዕረ ክትወጽእ ሓጊዙ፣ * ኢትዮጵያ ዝመበቆላ ኣሜሪካዊት ናዮሚ ግርማ ኣብ ዓለም ቀዳመይቲ ብሚልዮን ዶላር ዝተሸጠት ኮይና፣ ክብረወሰን ብዝኾነ ክፍሊት ምስ ጋንታ ቸልሲ ክትጽንበር ንነዊሕ ዘጽንሓ ውዕል ፈሪማ፣ * መበል 23 ዙርያ ግጥማት ፕሪምየር ሊግ ዓዲ እንግሊዝ ኣብ ዝተኻየድሉ ኣሌክሳንደር ኢሳቕ ክልተ ሽቶታት ከመዝግብ`ንከሎ ኣብ መሪሕነት ዝርከባ ሊቨርፑልን ኣርሰናልን ተዓዊተን ፍልልየን ከምዘለዎ ቀጺሉ፣

ጽንብል ስርዓተ ሲመት 6ይ ፓትርያርክ ኦርቶዶክስ ተዋሃዶ ቤተ-ክርስትያን ኤርትራ፡ ተፈጺሙ ። ፖለቲካ ትግራይ ናብ ፖለቲካዊ ባዶ ድምር ወሪዱ ትግራይ ናብ ዝኸፈአ ኩነተት ክትኣትው ምኽንያት ኮይኑ'ሎ: ክብል ፕረዚደንት ግዚያዊ ምም/ ትግራይ ጌታቸው ረዳ ተዛሪቡ ። ኣብ ሓደጋ ወዲቚ ዘሎ ሃገራዊ ሓድነት ኢትዮጵያ ብሰላማዊ ዘተ ጥራይ ክፍታሕ ብርጋዴር ጀነራል ከበደ ሬጋሳ ጸዊዑ። ኤርትራ፡ ቀይዳቶም ዝጸንሐት ተወሰኽቲ የመናውያን ገፈፍቲ ዓሳ ለቂቓ። ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና ።

ብዙሓት ኣውስትራሊያዊያን "ማማ ሳባ" ኢሎም'ዮም ዝጽውዕዋ። ንሳ ኣብ ማሕበረሰባን ብሓፈሻ ኣብ ኣፍሪቃዊያን ኣውስትራሊያዊያን ብዝገበረቶ ኣበርክቶ ብዙሕ ተፈላጥነት ኣጥርያን ብዙሕ ሽልማት ረኺባ እያ። ገለ ካብኡ፡ ኣብ 2020 ኮቪድ-19 ተኸሲትሉ ኣብ ዝነበረሉ እዋን ብዘበርከተቶ ስራሕ ናይ 2022 "Local Hero" ተባሂላ። ኣብ ስነ ስርዓት ቀብሪ ንግስቲ ኤልዛቤጥ ካብቶም ዉሑዳት ዝተመርጹ ኣውስትራሊያዊያን ኮይና ን ቀዳማይ ሚኒስተር ኣንቶኒ ኣልበኔዝ ኣሰንያ ክትከይድ ተመሪጻ ኣብ ለንደን ኣብቲ ስነ ስርዓት ቀብሪ ተሳቲፋ። ሎሚ ድማ ናይ 2025 "Medal of the Order of Australia" ተሸላሚት ኮይና ኣላ። ናብዚ ዘብጽሐ ጉዕዞን ናብዚ ንምብጻሕ ዘጋጥማ ብድሆታትን ኣካፊላትና ኣላ።

ንሎሚ ሓሙስ 23 ጥሪ 2025 ንሓደ ሰዓት ዝጸንሕ መደብና፥ ሒዝና ቀሪብና ኣለና። ዶናልድ ትራምፕ መበል 47 ፕረሲደንት ኮይኑ ንኻልኣይ እዋን ቃለ ማሕላ ፈጺሙ ኣሎ። ኣብ ዝተፈላለዩ ጉዳያት ዝዓለሙ ብዙሓት ፖሊሲታት ድሮ በቲ ዘለዎ ስልጣን ተጠቒሙ ፈሪሙሎም ኣሎ። ኣብ ኣመሪካን ካብ ኣመሪካን ወጻኢን ንመነባብሮን ጸጥታን ህዝቢ ዝጸልዉ ሕግታት ክትግበሩ ክጅምሩ እዮም። ነቶም ብፍላይ ኣብ ዞባናን ዓለምን ዝምልከቱ ጉዳያት ኣልዒልና ምስ ነበርቲን ዜጋታትን ኣመሪካ ዝኾኑ ኣቶ ሳሙኤል ቢዘንንን ክብረኣብ ይመስገንን ዝገበርናዮ ዝርርብ ኣሎ። ሎሚ ቀዳማይ ክፋሉ ክቐርብ እዩ። ልኡኽና ዝሰደደልና ጸብጻብ እዞም ዝስዕቡ ኣርእስታት ኣለዉዎ፡ ጠቕላላ ዕዳ ኢትዮጵያ ኣብ ውሽጢ ዝሓለፉ ሓሙሽተ ዓመታት ብኽልተ ትሪልዮን ብር ከምዝወሰኸ ተገሊጹ። ሒጃብ ሃይማኖታዊ መሰልና'ምበር ሓለፋ ኣይኮነን" ዝብል መሪሕ ጭርሖ ዝሓዙ ሰዓብቲ ሃይማኖት እስልምና ኣብ ከተማ መቐለ ሰለማዊ ሰልፊ ኣካይዶም ። ኣብ ገማግም ባሕሪ የመን ብዘጋጠመ ሓደጋ ምጥሓል ጃልባ ብውሕዱ 20 ኢትዮጵያውያን ከምዝሞቱ ዓለምለኻዊ ወድብ ስደት ሓቢሩ። ኣዘርባዥያን፣ ኣብ ኤርትራ ዝተታሕዛ ሰለስተ መራኽባ ክፍነዋ፣ ብመንገዲ ሞስኮን ኣንካራን ዘተ ይቕጽል ምህላዉ ኣፍሊጣ። ሰሙናዊ መደብ ምንባር ኣብ ኣውስትራሊያ ክቐርብ እዩ። ኣርእስታት ዜና፥ ፕረዚደንት ዶናልድ ትራምፕ ኣብ ልዕሊ ሩስያ ማዕቀብ ክገብር ተኽእሎ ከም ዘሎ ገሊጹ ። እስራኤል ኣብቲ ተጎቢጡ ዘሎ ምዕራብ ባንክ ዓብዪ ወተሃደራዊ ስርሒት ተካይድ ኣላ: ኣውስትራሊያዊ ተጻዋታይ ቴኒስ ኣሌክስ ደ ሚኖር ንፈለማ ኣብ ናይ ኣውስትራልያ ኦፐን ርብዒ ፍጻሜ ጸወታኡ ኣንጻር ያኒክ ሲነር ገጢሙ ተሳዒሩ ።

ብሽክለታ ምዝዋር ኣብ ኣውስትራሊያ ልሙድ ዝኾነ ዓይነት መጓዓዚያ እዩ ፤ ንስፖርታዊ ፤ ንምዝንጋዕን ንመጓዓዝያን ሰባት ብሽክሌታ ምዝዋር የዘውትሩ። ከከም ኣብ ትነብረሉ ከባቢ ናይ ብሽክሌታ መንገዲ ፣ መስመራት ብሽክሌታን ትሕተ ቅርጺ ክህልዉ ይኽእሉ እዮም። ከምኡ "ውን ኣብ ከባቢኻ ዝርከቡ ናይ ብሽክሌታ ጉጅለታት ምዝዋር ወይ ስፖርታዊ ውድድር ዘወሃህዱ ትካላት ዝኣመሰሉ ናይ ብሽክሌታ ይህልዉ ይኾኑ ። ንቆልዑን ዓበይትን ፡ ብሽክለታ ምዝዋር ክመሃሩ ባህታ ዝፈጥር እዮ ፡ ከመይ ጌርካ ብዘይ ጸገም ከም እትዝውር ምፍላጥ ከኣ ኣገዳሲ እዩ ።

ጠቕላላ ዕዳ ኢትዮጵያ ኣብ ውሽጢ ዝሓለፉ ሓሙሽተ ዓመታት ብኽልተ ትሪልዮን ብር ከምዝወሰኸ ተገሊጹ። ተወሳኺ፡ 248 ሚልዮን ዶላር ልቓሕ ውን ካብ ዓለማዊ ማዕከን ገንዘብ ክትረክብ እያ። ሒጃብ ሃይማኖታዊ መሰልና'ምበር ሓለፋ ኣይኮነን" ዝብል መሪሕ ጭርሖ ዝሓዙ ሰዓብቲ ሃይማኖት እስልምና ኣብ ከተማ መቐለ ሰለማዊ ሰልፊ ኣካይዶም። ኣብ ገማግም ባሕሪ የመን ብዘጋጠመ ሓደጋ ምጥሓል ጃልባ ብውሕዱ 20 ኢትዮጵያውያን ከምዝሞቱ ዓለምለኻዊ ወድብ ስደት ሓቢሩ።

ንሎሚ 22 ጥሪ 2025 ዝተዳለዉ ዜናታት ኤስ ቢ ኤስ ትግርኛ፡ ኣርእስታት ዜና ** ሚንስተር ወጻኢ ጉዳያት ፐኒ ዎንግ ምስ ሓድሽ ምምሕዳር ትራምፕ ተራኺባ ዘትያ... ** ኣመሪካ ፕሬዝዳንት ዶናልድ ትራምፕ ካብ ዉድብ ጥዕና ዓለም ንክትወጽእ ናይ ምውጻእ መስርሕ ከምዝጅምር ምግላጹ ዉድብ ጥዕና ሓዘኑ ገሊጹ። * ተመሃሮ ኣኽሱም ሕጃብ ከይገብራ ምኽልካለን ዝቃወም ሰፊሕ ሰላማዊ ሰልፊ ኣብ ከተማ መቐለ ተገይሩ።

Some celebrate Australia Day with patriotic pride, others mourn and protest. What’s the right way to mark January 26, and can you have pride in your country while also standing against injustice? - ገለ ሰባት ንመዓልቲ ኣውስትራልያ ብሓርበኛዊ ወይ ሃገራዊ ሓበን የብዕልዎ፣ ካልኦት ድማ ይሓዝኑን ተቓውሞታትን ኣድማታትን የካይዱን። እቲ ቅኑዕ ኣገባብ ንምኽባር ወይ ንምዝካር ጥሪ 26 ደኣ እንታይ'ዩ፣ ኣንጻር በደል ደው እናበልኩም ብሃገርኩም ክትሕበኑ ትኽእሉ ዲኹም፧ ነዚ ሕቶ ዝፍትሽ ትሕዝቶ ቀሪቡ`ሎ። ሰናይ ምክትታል!