ዘይተረጋገጹ ወረታትን ናይ ሓሶት መድሃኒታት ኮሮናቫይረስን ኣብ መላእ ዓለም ተዘርጊሖም ኣለው፡ ኣብ ልዕሊ ጥዕናን ድሕነትን ህዝብን ውልቀሰባትን ልዑል ሓደጋ ኣብ ምንጽልላው ይርከቡ። ምስፍሕፋሕ ጌጋ ዝኾኑ ሓበሬታታት ንምቕናስ፡ ነቶም ዝዓበዩ ሕክምናዊ ጽውጽዋያት/ብሂላት ኣብ’ዚ ነፈድሖም ኣለና።

ኮሚሽን ሰብኣዊ መሰላት ዉሕሃብ: ኣብ ኣዲስ ኣበባን ክልል ኦሮሚያን ተኸሲቱ ዘሎ ተቓዉሞ፡ ናይ ብሄር መልክዕ ምሓዙ ከምዘተሓሳስቦ ኣፍሊጡ። መንእሰያት ኣብ ብሄር ዘተኮረ ናይ ሓይሊ ግጭት ከወግዱ፡ ናይ ጸጥታ ሓይልታት ድማ ናይ ሓይሊ ስጉምቲ ካብ ምውሳድ ክቑጠቡ ኣተሓሳሲቡ። ናይ ኢንተርኔት ምዕጻው ናይ ሓበሬታ ነጻነት ምግዳብ ስለዝኾነ፡ ዉጥረታት ክጋደዱ ስለዝገብር መንግስቲ ብቕልጡፍ ክኸፍቶ ኣተሓሳሲቡ።

ኣርእስታት ዜና...

** ኣብ ገለ ክፋል ቪክቶሪያ ምዕጻው ተጀሚሩ፡

** ኣብ Northern Territory ምስቲ ኣብ መልበርን ዳግም ዝበዝሕ ዘሎ መልከፍቲ ኮሮና ቫይረስ ዝተሓሓዝ ድሕሪ 3 ኣዋርሕ ናይ ፈለማ ሓደ ብ COVID-19 ዝተለኽፈ ተረኺቡ።

ኣብ ኣዲስ ኣበባን ከባቢኣን ብዝተፈጥረ ግጭትን ቅትለትን ልዕሊ 80 ሰባት ተቐቲሎም ተባሂሉ።

ብሰንኪ ዘሎ ናይ ጉዕዞ እገዳን ስጉምቲታት ኮቪድ-19 ማሕበራዊ ምርሕሓቓት መስርሕ ምውሃብ ናይ መጻምዲ ቪዛ ኣብ ዉሽጢን ወጻኢ ካብ ኣውስትራሊያን ኣዚዩ ተዳናጉዩ ኣሎ። ብመሰረት ትካል ሚግረሽን ኣውስትራሊያ ኣብ ዝሓለፈ ፋይናንሲያዊ ዓመት ካብቲ ክወሃብ ዝግብኦ ትሕቲ ፍርቂ ብዝሒ እዩ ቪዛ ተዋሂቡ።

ሰልፊ ዕዮ ኒውዚላንድ ብዓብላሊ ኣብ ዝተዓወተሉ ምርጫ ኤርትራዊ-ኒውዚላንዳዊ ኢብራሂም ዑመር ሓድሽ ኣባል ባይቶ እቲ ሰልፊ ኮይኑ።

ኣቐዲሞም ኣባላትን ደገፍትን ሰልፊ ኣብ ከተማ ዌሊንግተን ውጽኢት ምርጫ ክከታተሉን ክምልከቱን ኣብ ወሰን ሩባ ኣብ ዋረዋካ ተኣኪቦም።

ገዳይምን ዓበይትን ኣባላት ሰልፊ ከም በዓል ናይ ቀደም ቀዳማይ ሚኒስተር ጂዮፍሪ ፓልመርን ዊኒ ላባንን ከም'ኡ'ውን ሓደስቲ ወለዶን ተረኺቦም።

እቲ ዝዓበየ ጣቕዒት ናይ'ቲ ምሸት ንኢብራሂም ዑመር ተሓዚኡ። ኢብራሂም ቀዳም ምሸት ሓደ ካብ ብዙሓት ሓደስቲ ኣባላት ባይቶ ኒውዚላንድ ኮይኑ። 

ኣርእስታት ዜና፡

ቀዳማይ ሚኒስተር ኣውስትራሊያ ከም መራሒ ብህዝቢ ተቐባልነቱ ኣብዝለዓለ ደረጃ ከምዝርከብ ተገሊጹ።

ሕብረት ኣውሮጳ ዶባቱ ኣብ ሓደ ሓምለ ኣብዝኸፍተሉ ኣውስትራሊያ ካብተን ዜጋታታ ናብ ሃገራት ሕብረት ኣውሮጳ ክኣትዉ ዝፍቀደሎም ኮይና ኣብዝርዝር ሃገራት ተሰሪዓ።

ሓድሽ ናይ ማላዊ ፕረሲደንት ኮይኑ ዝተመርጸ ላዛሩስ ቻክዌራ ቃል ማሕላ ፈጺሙ።

ኣብ ቪክቶሪያ ሎሚ 75 ሓደሽቲ ብኮሮና ቫይረስ ከምተለኽፉ ተረጋጊጹ።

ኣብ ኤርትራ ብኸፊል ትምህርቲ ከምዝጅምር፡ ላዕለዋይ ሓይሊ ዕማም ምክልኻል ሕማም ኮሮና ቫይረስ ኣፍሊጡ።

ንሓሙሻይ ግዜ ድቂ ኣብ ዝሓዘትሉ: ጠንቁ ብዘይተፈልጠ: ክልቲአን ኣጥባታ ልዕሊ ንቡር እናገዘፈ ክሳብ 7 ኪሎ ተመዝነ። ኣብ ኤርትራ፡ ሱዳንን ግብጺን እንተተሓከመት’ኳ ኣይተፈወሰትን፡ ሎሚ ኣብ ሱዳን ኮይና ለይቲን መዓልቲን እናተሳቐየትን ዉሉዳ እናኣለይትን ክትፍወስ እሞ ህይወታ ክትቅጽል ትምነ።

ኣብዚ ቕነ ኣብ ማሕበራዊ መራኸቢታት ኣዛረብቲ ዛዕባታት ኮይኖም ዝቐነዩ ብዛዕባ ተጋዳልይ መስፍ ሓጎስን ብዛዕባ ኤሪሳትን ተተኲርሎም ኣሎ።

ሰሙናዊ መደብ ስፖርት (29/06/2020) 

• ወናኒ ክብረወሰን ፍርቂ ማራቶን ኬንያዊ ጂዮፍሪ ካምዎሮር ልምምድ እናካየደ እንከሎ ሞቶር ብሽግለታ ሃሪማቶ ኣብ እግሩ ተጎዲኡ፡
• ሓደ ካብ’ቶም ዝኸበሩን ተበሃግቲን ውድድራት፡ ማራቶን ከተማ ኒውዮርክ፡ ብምኽንያት ለበዳ ኮሮናቫይረስ ከምዝተሰረዘ ኣዳለውቲ ገሊጾም፡
• ሊቨርፑል ባህርያት ናይ’ቶም ጋንትኦም ሻምፒዮና ድሕሪ ምዃና ኣብ ማእከል ናይ’ታ ከተማ ከብዕሉን ሓጎሶም ክገልጹን ዝተኣከቡ ደገፍቲ ድሕሪ ምንቃፍ ስግኣት ምውሳኽ ብኮቪድ-19 ዝልከፉ ሰባት ስለዘሎ ኣብ ገዝኦም ክጸንሑ ተማሕጺና፡
• ኣብ ኢትዮጵያ መውጽኢ ስኢኖም ዘለው 21 ጋናውያን ተጻወቲ ንምውጻእ መንግስቲ ጋና ምስ ኤምባሲ ጋና ኣብ ኢትዮጵያን ሚኒስትሪ መንእሰያትን ስፖርትን ኢትዮጵያ ይዘራረብ ከምዘሎ ኣፍሊጡ፡
• ኣብ ዙር ፈረንሳ ቀዳማይ ዝተሳተፈን መድረኻዊ ዓወት ዘመዝገበን ኣፍሪቃዊ ተቐዳዳማይ ብሽግለታ መን’ዩ፡ ታሪኽ ኣፍሪቃውያን ተቐዳደምቲ ኣብ ዙር ፈረንሳ (1ይ ክፋል)

ዓለም ብብዝሒ ምልካፍ ኮሮና ቫይረስ ናብቲ ክስማዕ ዘሰቅቕ ብብዝሒ ትዓቢ

ዛጊት ብኮሮናቫይረስ ዓሰርተ ሚልዮን ዝተለኽፉ ፍርቂ ሚልዮን ብሞት ተፈልዮም ኣለዉ።