ዉዱብ ነጻነት ትግራይ፡ ንልቢ መናእሰይ ተጋሩ ማሪኹ፡ ትግራይ ካብ ኢትዮጵያ ፈልዩ ናይ ገዛእ ርእሳ ሃገር ክትከውን ዝቃለስ ዉዱብ እዩ። ይከኣልዶ ይኸውን? ዕላል ምስ ካብ ኣመራርሓ እቲ ዉድብ ግርማይ በርሀ። 

ኣርእስታት ዜና፡

ኣብ ኢትዮጵያ ቁፅሪ ብኮርናቫይረስ ዝሞቱ 11 ዝሓመሙ ከኣ 1117 በጺሑ፡፡

ሚንስትሪ ጉዳይ ወጻኢ ኢትዮጵያ ኣብ ዶብ ኢትዮጵያ ን ሱዳንን ዝወረደ መጉዳእቲ ሓዘን ከም ዝተሰምዖ ገሊፁ፡፡

ክልላት ኦሮምያን ኣምሓራን አምነስቲ ኢንተርናሽናል ንዘውፅኦ ፀብፃብ ነፂጎሞ፡፡ ካልኦት 11 ሓደሽቲ ሰባት ኣብ ኦሮምያ ከም ዝተቐትሉ ይግለፅ ኣሎ፡፡

ኣብ ኣውስትራሊያ ንኮሮና ቫይረስ ዝምልከት ተወሲዶም ዝጸንሑ ስጉምቲታት እገዳ ኣብ ተወሳኺ ምፍኳስ ይግበር ኣሎ።

ኣብ መላእ ኣመሪካ ተወሊዑ ዘሎ ማዕበል ተቓዉሞ ቀጺሉ

ከዋኽብቲ ኣትለቲክስ ኤልየድ ኪፕቾገ፡ ቀነኒሳ በቀለ፡ ጆሽዋ ቸፕተገይን ጂዮፍሪ ካምዎሮርን ዝመጽእ ወርሒ ብቨርቿል/ምስሊ ኢነተርነት እናተራኣኣኻ ኣብ ዝካየድ ዓለምለኻዊ ውድድር ምቅብባል በትሪ ማራቶን ጋንታታት ክሳተፉ ምዃኖም ተፈሊጡ፡ ኣብ ዝሓለፉ ክልተ ኣዋርሕ ህይወት ደው ኢሉ ኩሉ ነገር ተዓጽዩ ኣብ ዝነበረሉ እዋን ኣትለቲክስ/ጉያ እግሪ ሓደ ካብ’ቶም ዝያዳ ተገዳስነት ዝፈጠሩን ተስፋ ዝህቡን ዓይነታት ስፖርት ኮይኑ ከምዝወጸ ተገሊጹ፡ ኢትዮጵያዊት ኣጥቃዒት ሎዛ ኣበራ ኣብ ሃገረ ማልታ ዝለዓለ ሽቶ ኣመዝጋቢት ኮይና እንተተሰለመት’ኳ ዝለዓለ ብቕዓታ ግን ኣብ መጻኢ ክረአ ምዃኑ ገሊጻ፡ ስፖርታዊ ዘቤታዊ ግጥማት ዓባይ ብሪጣንያ ካብ ሎሚ ሶኑይ ጀሚሮም ኣብ ዕጹው ማዕጾ ክካየዱ ከምዝኽእሉ መንግስቲ ዓባይ ብሪጣንያ ገሊጹ

ብዝተፈላለዩ ዓይነት ቪዛ ናብ ኣውስትራሊያ ንምእታው ኣብ መስርሕ እናሃለዉ፡ ብምምጻእ ኮሮና ቫይረስ ኣብ ሰንፈላል ምህላዎም ካብቲ ዝመጸና ሕቶታትን ምክትታልን ክንፈልጥ ኪኢልና ኣለና። ምስዚ ኩነታት ዝማዕበለ ለውጢታትን እቲ መስርሕ ምሃብ ቪዛ ብኸመይ ይቕጽል ከምዘሎን መብርሂ ክህበና ን ዶ/ር ብርሃን ኣሕመድ ካብዚ ካብ ኣውስትራሊያ ሓቲትናዮ ዝሃበና መልሲ ኣብዚ ክጸንሃኩምዩ።

ኣብ መላእ ዓለም ልዕሊ ሽዱሽተ ሚልዮን ሰባት ብኮሮና ቫይረስ ተለኺፎም ካብዚኦም ልዕሊ 368,000 [[386, 539]] ምማቶም ተገሊጹ ኣሎ።

ኣብ ወርሒ ታሕሳስ ናይ 2019 እዚ ቫይረስ ኣብ ቻይና ካብ ዝኽሰተሉ ኣትሒዙ ኣብ ልዕሊ 210 ሃገራትን ግዝ ኣታትን መልከፍቱ ቀጺል ኣሎ።

..... እዚ ዝቕጽል ጸብጻብ ኣብዚ እዋን ኣብ መላእ ዘሎ ኩነታት ለበዳ ክገልጽ እዩ።

ኣብ ልዕሊ ደቡብ ሱዳን ዝተነብረ ማዕቀብ ቤት ምኽሪ ጸጥታ ኣናዊሕዎ።

ለበዳ ኮሮና ቫይረስ ኣብ ኣፍሪቃ በብመዓልቱ እናወሰኸን ብቕልጡፍ እናተላበዐ ይኸይድ ኣሎ።

ብምኽንያት ኮሮና ቫይረስ ብዙሓት ቢዝነሳት ተሃስዮም ኣለዉ። መንግስቲ ኣውስትራሊያ ብዝገብረሎም ዘሎ ተሓጊዞም ገለ ካብዞም ዋኒናት ነዚ እዋን ክወጹ ይጽዕሩ ኣለዉ። ኣቶ ሰመረ ተዓረ ብዛዕባ ትካሎም “The Coffee Club” ካበይ ተበጊሶም ነዚ እዋን ብኸመይ ይሓልፍዎ ኣለዉን ናይ መጻኢ ኩነታቶምን ኣዕሊሉና ኣሎ።

ኣርእስታት ዜና፡

ካብ የመን ብዝተተኮሰ ሚሳይል 8 ወተሃደራት ኣብ ዱባይ ተቐቲሎም።

ኣብ ኣመሪካ ብኮሮና ቫይረስ ዝሞቱ ልዕሊ 100,000 በጺሑ።

ኣብ መንጎ ደቀባትን ደቀባት ዘይኮኑ ኣውስትራሊያዊያን ዕርቂ ክግበር ተታበቕቲ ደቀባት ጸዊዖም።

እዋን ኮቪድ-19 ንምስጋር ክከኣል፡ ብመንግስቲ ንስራሓት ዝወሃብ ዘሎ ናይ ደሞዝ ሓገዝ (ጆብኪፐር) ክንዮ ተወጢኑ ዘሎ ዕለት ክቕጽል ከድሊ ከምዝኽእል ኣመሓዳሪ ባንክ ኣውስትራሊያ ገሊጹ።

ኣብ ኣመሪካ ከተማ ሚኒያፖሊስ፡ ሓደ ጸሊም ሰብ ብፖሊስ ተረጊጹ “ከተንፍስ ኣይከኣልኩን” እናበለ ዘርእይ ብሓለፍቲ መገዲ ዝተሳእለ ቪድዮ ድሕሪ ምዝርግሑ እቲ ግዳይ ኣብ ማሕቡስ ህይወቱ ሓሊፉ፡ ኣብቲ ጉዳይ ዝተሳተፉ ኣርባዕተ ኣባላት ፖሊስ ካብ ስራሕ ተባሪሮም።

ነዚ ስዒቡ ኣብ ኣመሪካ ሰላማዊ ሰልፊታት ይግበር ኣሎ።

.... ተወሳኺ ጸብጻብ ይስዕብ

ኣርእስታት ጸብጻብ፥

ሓዱሽ ምሕደራዊ ውደባ አጓንዩና ዝበሉ ነበርቲ ዞባ ሰሜናዊ ምዕራብ ትግራይ መገዲ ብምፅጻው፣ ወረዳ ይወደበልና ዝርከቡዎም ሕቶታት ዝሓዙ ነበርቲ ደቡባዊ ምብራቕ ትግራይ ሰላማዊ ሰልፊ ብምክያድ ቁጠዐን ቅሬታኦምን አስሚዖም።

4 ማዕኸናት ሓበሬታ ፌደራላዊ መንግስቲ ኢትዮጵያ ኣብ ትግራይ ናዕቢ ተወሊዑ፣ መንግስቲ ፌደራል ክኣቱ መጸዋዕታ ቀሪቡ ኢለን ዝጸብጸብኦ ዜና ናይ ሓሶት ሓበሬታ እዩ ክብል መንግስቲ ክልል ትግራይ ነጺጉዎ።

ካብ ወርሒ ጥሪ ክሳብ 24 መጋቢት 2020 ዓ.ም ልዕሊ 9000 ኤርትራውያን ናብ ኢትዮጵያ ከም ዝኣተዉ ውዱብ ሕቡራት ሃገራት ገሊጹ።

ኣብ ኢትዮጵያ ብጠንቂ ኮሮናቫይስ ህይወቱ ናይ ዝሓለፈ ሰብ ስድራቤታት ከጽናዕንዑ ኮፍ ዘባሃሉ 30 ሰባት ግዳያት እቲ ቫይረስ ኮኖም ተባሂሉ።

ኣሃዝ ኣብ ኢትዮጵያ ኮሮናቫይረስ ዝለኸፎም ሰባት 731 በጺሑ ኣስታት 40 ካብ ትግራይ እዮም ክብል ሚንስትሪ ጥዕና እታ ሃገር ሓቢሩ።