ኣርእስታት፥

ኤርትራ ሕማም ኮሮና ባይረስ ንምክልኻል መገሻ ክውንዘፍ ጠሊባ : ኣብ ዜጋታት 5 ሃገራት ዘድሃበ መስርሕ ምውሻብ ትውድብ።

ኢትዮጵያን ኤርትራን ቀዳማይ ሚንስትር ሱዳን ንምቕንጻል ዘቕንዐ ፈተነ ቅትለት ኮኒነን።

ህወሓት ናብ ሰልፊ ብልጽግና ብዘይምጽባሩ ክልተ ሚንስተራት ካብ መዝነተን ዝተኣለያሉ ካቢነ ሚኒስትራት ኢትዮጵያ ብሓደስቲ ይትካእ።

ኣብ ኢትዮጵያ ኣብያተ እምነት ብሓዊ ምንዳድ ሕጁ’ውን ይቕጽል።

መንግስቲ ኢትዮጵያ ብፖለቲካዊ ኣረኣእያኦም ዝኣሰሮም ተጋሩ ክፈትሕ; ወፍሪ ሓርነት ይሓትት።

While many workplaces are having the plans ready to minimise the physical and financial effects of coronavirus outbreak on workers and the business, taxi drivers who are among those most at risk, say the current situation is threatening both their health and livelihood.

ኣብዚ ዓለም ብለበዳ ሕማም ኮሮናቫይረስ ትናወጸሉ ዘላ እዋን፡ እዚ ሕማም ብዝፈጥሮ ነገር ብዙሓት ሰባት ብዝተፈላለዩ መገዲታት ክጽለዉ ይኽእሉ እዮም። ከምዝፍለጥ ብዙሓት ካብ ኣባላት ማሕበረሰብና ኣብ ስራሓት ምዝዋር ታክሲ ተዋፊሮም ከምዘለው ዝፍለጥ ኮይኑ፡ እዚ ሕማም ኣብ ስርሖምን መነባብሮኦምን ድሮ ጽልዋ የምጽእ ከምዘሎ ተረዲኦም ይሻቐልሉ ኣለዉ።

ነቶም ዝዓበዩ ደቅና ገንዘብ ከነልቅሖም ይግባእዶ ኣይግባእን? ነቶም ብፍቕሪን ክንክንን ደቆም ዘዕበዩ ወለዲ ናይዚ መልሲ ፍሉጥ እዩ። ኪኢላታት ግና ቅድሚ ንጥሮታኻ ተዋህልሎ ገንዘብ ምጉዳሉ ጥንቃቐ ክውሰድ ይምዕዱ።

አርእስታት ዜና፡

ሰለስተ ናይ ካልኣይ ደረጃ ተመሃሮ ዝርክብዎም ሽዱሽተ ሓደሽቲ ሰባት ኣብ ኒው ሳውዝ ወልስ ብኮሮና ቫይረስ ተለኺፎም።

ኣንጻር ዓለማዊ ለበዳ ሕማም ኮሮናቫይረስ ዝገጥም ክታበት ንምርካብ ብውሕድ ሓደ ዓመት ከምዝወስድ ኣውስትራሊያዊ መንበር ዓለማዊ ምሕዝነት ኣፍሊጡ።

ኣብ ሕቡራት ኢማራት ዓረብ ክልተ ኢትዮጵያዊያን ኮሮና ቫይረስ ተለኺፎም።

ካብ ቱርኪ ናብ ግሪክ ዝኣተዉ ስደተኛታት ናብ ሃገራት ሕብረት ኣውሮጳ ክኣትዉ ምእንቲ ክኽእሉ ግሪክ ኣፍደጌታት ክትከፍት ናይ ቱርኪ ፕረሲደንት ጸዊዑ።

Weekly Sport (09/03/2020) 

* 19 year old Ethiopian Bayelgn Teshager wins Los Angeles marathon

* Eritrean national cycling team returns home to a warm welcom

* COVID-19 disrupts cycling tour calendars

* Ronaldinho and his brother in detained in Paraguay

ሰሙናዊ መደብ ስፖርት (09/03/2020)

* ወዲ 19 ዓመት መንእሰይ ባየልኝ ተሻገር ኣብ ፈለማ ተሳትፎኡ ተዓዋቲ ማራቶን ሎስ ኣንጀለስ ኮይኑ፡

* ዕውትቲ ጋንታ ቅድድም ብሽክለታ ኤርትራ ካብ ተሳትፎኣ ኣብ ዙር ሩዋንዳ ምስ ተመልሰት ድሙቕ ኣቀባብላ ተገይሩላ፡ 

* ለበዳ ኮሮና ቫይረስ ጋንታታት ቅድድም ብሽክለታ ኣብ ኳራንቲን ክኣትዋ ወይ ክዕሸጋን ውራያት ክስርዛን፡ ንኣካየድቲ ቅድድማት ከኣ ዙራት ክስርዙ ኣገዲድዎም፡

* ገዲም ህቡብ ብራዚላዊ ኮኾብ ኩ/እግሪ ሮናልዲኞ ናብ ፓራጓይ ብናይ ሓሶት ፓስፖርት ክትኣቱ ፈቲንካ ተባሂሉ ምስ ሓው ተታሒዙ ኣብ ቤት ማእሰርቲ ይርከብ፡

ኣብዚ ቕነ ኣብ ማሕበራዊ መራኸቢታት ከዛርቡ ዝቐነዩ ዛዕባታት ተዳህሲሶም ዘለዉ ዛዕባታት፥ 1. ናይ ዓሰብ ሕቶ ብሌ/ጀ/ል ጻድቃን ገ/ትንሳኤ፡ 2. ኲናት ዓድዋ፥ 3. ሕልፈት ሌ/ኮ ተስፋገብር ኤል (ሕፉንን) ዝሰዓበ ኣዛራቢ ጉዳያት፡ ኣብ መወዳእታ ድማ ኮሮና ቫይረስ።

ድምጺ ኤርትራ ብዝብል ስም ብመስመር 3CR ዝመሓላለፍ ብቛንቋ ዓረብ፥ አንግሊዝን ትግሪኛን ራዲዮ ኣብ መልበርን ወትሩ ሰኑይ ካብ ሰዓት 6:30 ክሳብ ሰዓት 8 ናይ ሚሸት ዝተፈላለዩ መደባት ንነበርቲ መልበርንን ከባቢኣን የቕርብ። እዚ ኣብ ወርሒ መስከረም 2001 ዝጀመረ ናይ ረዲዮ ፕሮግራም መበል 19 ዓመቱ ብወለንታዊያን ስርሑ ከሳልጥ ድሕሪ ምጽናሕ ንዝገበሮም ዓበይቲ መደባት ዘንጸባርቕ ብስእሊ ዝተደገፈ ሰነዳዊ መጽሓፍ ኣመሪቑ።

ኮሮና ቫይረስ ብፍጥነት ኣብ ዝላባዓላ ዘሎ ጥልያን፥ ርብዒ ካብ ህዝባ ክሳብ 3 ሚያዚያ ኣብ ትሕቲ ውሸባ ክጸንሕ ተወሲኑ።

ኣስታት 16 ሚልዮን ህዝቢ ጽኑዕ ስጉምቲ ክወስዱ’ውን ተሓቲቱ ኣሎ።

ኣርእስታት ጸብጻብ፥

ንሻቕሎት ኣብ መዓስከር ሕጻጽ ዝነብሩ ኤርትራውያን ስደተኛታት መንግስቲ ኢትዮጵያ ጸማም እዝኒ ሂቡዎ።

“ውህበት ኣክሱማዊት ኣደ” ብዝብል ቴማ መድረኽ ሕውነት ህዝብታት ትግራይን ኤርትራን ኣብ መቐለ ተሳሊጡ።

 ሎሚ ኣብ መደብ ሞዛይክ ባህሊ፥ ክፍሎም ገብረእግዚኣብሄር ኣብ መጽሓፍ ማሕቆና ካብ ዘስፈሮ ብዛዕባ ወዲ ባሓሪ ነጋሲ ዝተባህለ ኣፍኣዊ ታሪኽ እዩ ቀሪቡ ኣሎ።