ኣርእስታት ዜና

ትካል ዓለማዊ ጥዕና ነቲ ኣብ ቻይና ተኸሲቱ ዘሎ ለበዳ ሕማም ኮሮና-ቫይረስ ዓለማዊ ህጹጽ ለበዳ ሕማም ክብሎ ኣይከአለን።

ግሪክ ናይ ፈለማ ጓል ኣንስተይቲ ፕረሲደንት ክህልዋ እዩ።

ካብ ሎሚ ጀሚሩ ኣብ መላእ ኒው ሳውዝ ወልስ ብዝህሉ ሙቐትን ንፋስን ኣብ ብዙሕ ከባቢታት እታ ግዝኣት  ናይ ጣሻ  ባርዕ ከምዝምለስ ሰብ መዚ ገሊጾም።

ናይ ህወሓት ኣመራርሓን ኣባላትን ብምኳኖም  ካብ ፌደራልን ምምሕዳር ኣዲስ ኣበባን ካብ ሓላፍነት ብምብራሮም ህወሓት መግለጺ ኣውጺኡ።

ካልእ ኣርእስታት ጸብጻብ፡ 

ኣቶ ሃብተኣብ ተስፋጽዮን ኣማሓዳሪ ዞባ ደቡብ ኤርትራ ኮይኖም።

ክሳብ 150 ሚልዮን ዝግመቱ ኣባላት ዝሓዘ ዕስለ ኣንበጣ ኣብ ሰሜናዊ ኬንያ ተራእዩ ተባሂሉ። ብኣግኡ እንተዘይተመኪቱ ክሳብ ሰነ ብ500% ክውስኽ ዩ ክብል ትካል ሕርሻን ምግብን ዓለም ኣጠንቂቑ።

ምምሕዳር ዶናልድ ትራምፕ ኤርትራ ትርከብ 7 ሃገራት ዜጋታቱ ናብ ኣሜሪካ ከይኣትዉ ዝቕይድ መምርሒ የዳሉ። እንተዀነ እቲ እግድ ዘይከምቲ ቅድሚ ሕጂ እስላም ዝበዝሑወን ሃገራት ዝተገብረ እገዳ እዩ ዝብሉ ግምታት ኣለዉ።

ኣብዚ ቅሩብ እዋን ምስ ፖለቲከኛ ኣሉላ ሰሎሞን ድሕሪ ዝገበርናዮ ቃለ መሕትት፤ ኣብገለገለ ዝበሎም ኣበሃህላታት ዘይተቐበልዎ ኤርትራዊያን ሰማዕቲና ርእይቶታት ክሰዱልና ቀኒዮም ኣለዉ። ነዚ ምርኩስ ብምግባር፡ መስርሕ ሰላም ኢትዮጵያን ኤርትራን ኣብምንታይ ኩነታት ኣሎ፡ ተራ ህወሓት ኣብ መስርሕ ሰላምን ምሕንጻጽ ዶብን ናይ ዝተፈላለዩ ኤርትራዊያን ርእይቶ ምርኩስ ብምግባር ኣቶ ዳኒኤል መሓሪን እስራኤል ሓደራን ርእይቶኦም ሂቦሙና ኣለዉ።

ኣሚና ሓይደር ናይ ሓሙሽተ ወርሒ ጥንስቲ ኮይና ካብቲ ከም ናይ ሕጊ ጠበቓ ኮይና ትሰርሓሉ ናይ ወለዲ ዕረፍቲ ክትወስድ እናተቐራረበትያ ገዝኦም ብዘቤታዊ ግጭት ተናዊጹ።

ካብቲ ኣብቲ እዋን ዝወረዳ ስምብራት ንምፍዋስ ነቲ ኩነታት ብመልክዕ ስነጥበብ (ስእሊ) ንምዝንታው ኣብ ጥበብ ጥሒላ።

ሎሚ ነቶም ብዘቤታዊ ዓመጽ ዝሓለፉ ኣብ ሕጋዊ መስርሕ ለውጢ ክግበር ኣብ ምጥባቕ ትነጥፍ ኣላ።

ኣብዚ ነቕርቦ ተኸታታሊ “ናተይ ኣውስትራልያይ” ን ኣሚና ሓይደር ረኺብናያ ታሪኻ ድማ ከምዚ ዝስዕብ እዩ።

ኣርእስታት ዜና፡

ልዑል ሃሪ ብዛዕባ ካብ ምውራድ ንግስነታዊ ሓላፍነቱ ንፈለማ እዋን ተዛሪቡ።

ሃብቲ ናይቶም ሓደ ሚእታዊ  ዝኾኑ ሃብታማት ኣውስትራሊያዊያን ፡ ዕጽፊ ትሕዝቶ ናይብምሉኦም ኣብ ታሕቲ ዘለዉ 50 ሚእታዊ ኣውስትራሊያዊያን ምዃኑ ተፈሊጡ።

ኣብ ሊብያ ዝግበር ናይ ወጻኢ ምትእትታው ከብቅዕን ማዕቀብ ኣጽዋር ክጸንዕን መራሕቲ ዓለም ተሰማሚዖም።

ኣብ New South Wales' ብሰሪ ባርዕ ጣሻ ዝሞቱ ቁጽሪ ሰባት 21 ምብጻሑ ተፈሊጡ።

Weekly Sport (20/01/2020) 

* Ethiopian athletes dominate in Mumbai and Houston

* Afro basketball pre-qualifiers completed with Kenyan victory

* Ethiopia beat Burundi 2-0 in FIFA women U17 qualifiers first leg

* Would banning protests at the Olympics encourage more protests?

ሰሙናዊ መደብ ስፖርት (20/01/20) 

* ማራቶናት ሙምባይን ህዩስተንን ኢትዮጵያውያን ኣትሌታት ዓብሊሎሞም ተዓዊቶም፡

* ቅድመ መጻረዪ ግጥማት ኩዕሶ ሰኪዐት ኣፍሪቃ ፊባ ኣፍሮ ባስኬት 2021 ብዓወት ኬንያ ተዛዚሙ፡ ኤርትራ ጽቡቕ ክእለታት እንተርኣየትኳ ብዘይዓወት ተሳትፎኣ ዛዚማ፡

* ኢትዮጵያ ኣብ ቀዳማይ እግሪ መጻረዪ ግጥም ፊፋ ት20 መንእሰያት ደቀንስትዮ ንቡሩንዲ ኣብ ዓደን 2-0 ስዒረንአን፡

* ኣብ ኦሎምፒክስ ተቓውሞታት ምኽልካል ዝያዳ ክካየዱ ከየተባብዕ ስግኣታት ሓዲሩ

ኣከባብራ በዓል ጥምቀት ኣብ ኢትዮጵያን ን ኤርትራ ዝሃወሰ ካርታ ኣብ ጎንደርን ኣምባሳደር ሰመረ ርእሶም፡ ከምኡውን ናይ ትግርኛ ደርፊ "ዓገብ" ዝብሉ ኣብ ማሕበራዊ መዲያ ናይዚ ሰሙን ኣዛረብቲ ዛዕባ ካብዝኾኑ ኢሉ መርሃዊ ወልደሚካኤል ካብ ኒውዚላንድ መሪጹ ዳህሲስዎም ኣሎ።

26 ጥሪ ሃገራዊ መዓልቲ ኣውስትራሊያ እዩ።

መዓልቲ ኣውስትራሊያ ግን ንምንታይ እዩ ዝኽበር? ንምንታይከ እዚ መዓልቲ ከይክበር ብዙሓት ሰባት ዝቃወምዎ?

ካብቶም ኢትዮጵያ ኣብ ዩኔስኮ ዘመዝገበቶም 13 ሓድግታት ሓደ ካብ ዘይድህሰሱ ሓድግታት ከኣ ሳልሳይ ኮይኑ ዝተመዝገበ በዓል ጥምቀት ኣብ ኢትዮጵያን ኤርትራን ይጽምበል ኣሎ።

ዓለም ብሰሪ ምዕጻው ኢንተርነት 8 ቢልዮን ክትከስር እንከላ ኢትዮጵያ 57 ሚልዮን ዶላር ኤርትራ 400, 000 ዶላር ከሲረን።

ማሕበር ሓካይም ኤርትራ መበል 25 ጉባኤ ኣብ ኣስመራ ኣካይዱ።

ነበርቲ ሕንጣሎን ከባቢኣን መንግስቲ ትግራይ ሕቶ ወረዳ ስለዘይመለሰሉም ንኣርባዕተ መዓልታት ምስ መቐለ ዘራኽብ ጽርግያ ዓጽዮም ተቓውሞ ኣስሚዖም።

ድምጻዊ ኣብራር ዑስማን ብዛዕባ ናይዚ ቅሩብ እዋናት ስርሑ ብፍላይ ድማ ኣብዝተፈላለዩ ሃገራት ብዛዕባ ዝፍጽሞም ዘሎ ዑደትን ዘጋጠሞን ነገራት ምስ ሬድዮ SBS Tigrinya ኣዕሊሉ ኣሎ።