Secunda Mensa

De floribus nomine "Dahlia", origine Mexico, et sapore ignoto colloquimur cum amica nostra Tina.  Non nimis de cibis, sed satis de baccis toxicis a familia datis et variis fabulis alteris quoque sermocinamur.  

Autumno ineunte, Catherina et Timotheus de malis, succo ex malis, pomaceo, et scribilitis ex malis confectis colloquuntur.  Imitantes Horatio qui quondam dixit, ab ovis usque ad mala - historiam malorum ab origine in Kazachstania usque ad Johannulus Semen-Malorum Americanus ille tractamus.  Speramus vos omnes his diebus malis et variis pomis Autumnalibus atque scribilitis ex malis confectis frui.   

Lucius Tullius nobiscum colloquitur de cibis qui nos cum liberi essemus delectabant (et non delectabant!).  De serie spectaculorum quoque in Tutubo nomine "Life in Latin" et "Popina Iuliae" sermocinamur.  Post meridiationem, Iulia, filia Lucii, tres annos nata, congerro lepidissima, nos coniugat. 

De imaginibus epularum pictis iterum Catherina Timotheusque colloquuntur.  Prima imago a Caravaggio picta: Canistellum Pomorum, altera ab Arcimboldo nomine Aestas est.  Conspicite imagines electronicas hic.  

Catherina et Timotheus duas imagines quae ad cibum pertinent describunt: Prima ex musaeolo quodam Baltimorae; altera in campo Universitatis Coloratensis sita est.  Imagines apud instagramma videri possunt: secundamensa.podcast.

Episodium tertium decimum - quam infaustum!  Paene nefas est vobis commendari.  Cavete: hoc in colloquio, audituri estis vocem cuiusdam improbi sed lepidissimi viri, istius carissimi et clarissimi Plus-Domus.  Quia amicus noster Andreas sermonem de epulis et cibis in litteris postulavit, eum ad colloquium nostrum non solum invitavimus sed etiam compellavimus, iussimus, imperavimus.  Fabulam verissimam de primo conventu nostro narravimus et quodammodo de basiis nympharum maritimarum collocuti sumus.  Tum, de cibis et epulis in libris nonnullis sermocinati sumus. 

Hodie, Catherina et Timotheus in culina versantur et caffeam parant.  Nuntiolum et carmen quoddam satis iucundum et ridiculosum quoque audietis.  

Amica nostra, Emma Vanderpool, de caseis variis et modis casei sumendi nobiscum loquitur.  Cavete: hoc in colloquio quoque de mammalibus quae mulgeri possunt et lac producunt tractatum est.   

Est Acroama Placentarum!  Absque dubio, non est  Magnum Spectaculum Torrendum Brittanicum, sed multum de placentis, torrendis, et de patruis inelegantibus discimus ET amicissima nostra, Ariadne nobiscum colloquitur! 

Sara, amica nostra et hortulana optima et peritissima quae in civitate nomine Mons Viridis habitat, nos coniungat et de hortis, holeribus, et horis aestivis garrimus.  De lycopersicis praesertim colloquimur.