तुमच्या मुलांना भीती वाटते का ? तुमची मुलं हट्टीपणा करतात का ? तुमच्या मुलांना राग येतो का? तुम्हाला तुमच्या मुलांशी नेमका कसा संवाद साधायचा असा प्रश्न पडतो का ? त्यांच्या शालेय जीवनाबद्दल काळजी वाटते का ? या सगळ्यांची उत्तरं जर हो अशी असतील तर हे सदर तुमच्याच साठी आहे !!! पालकत्वा विषयी चौफेर माहिती तुम्हा सगळ्यांसाठी एकाच ठिकाणी उपलब्ध असावी या प्रामाणिक हेतूने आज पुन्हा एक नवा प्रयोग करायचा असं ठरवलं . आपण बरेचदा या विषयावरची खूप पुस्तकं बघत असतो , कधी वाचली जातात तर कधी वाचायची ठरवून विसरली जातात.. कधीकधी त्यात नेमकं काय आहे आणि ते आपल्याला खरंच उपयोगी पडणारे का ? हे नीट माहिती नसतं . अनेकदा तर बरीच चांगली पुस्तकं माहितीही नसतात. इच्छा तर असते पण वेळ नसतो .... एक ना अनेक . याच साठी हा एक मदतीचा हात देण्याचा छोटासा प्रयत्न . एक नवीन सदर जे अधून मधून तुमच्या भेटीला येत राहणार आहे ," पुस्तक परिचय "!!! अर्थातच आपल्या विषयाशी निगडीत असलेल्या !! मग त्यात आपल्याला काय भावलं , content काय आहे ? त्यातल्या काही भागाचं वाचन , त्यामधून आपल्याला काय मिळालं ? त्या पुस्तकाशी निगडित एखादी आठवण , त्याचे लेखक, प्रकाशक यांचे तपशील अशा गोष्टींचा समावेश असेल.

या सदराची सुरुवात मी मला खूप आवडलेल्या आणि माझ्या आवडत्या लेखिकेच्या एका पुस्तकाने करणारे !!! कोणतं ? पुस्तकाचं नाव आहे, अशी का वागतात मुलं ? उन्मेष प्रकाशन यांनी प्रकाशित केलेलं , डॉ. श्रुती पानसे यांचं हे पुस्तक आहे . शंभर च पानांचं पण शंभर नंबरी पुस्तक आहे हे !!! याच पुस्तकाचे अंतरंग उलगडून दाखवले आहेत आजच्या आपल्या "पुस्तक परिचय" या नवीन सदराच्या आजच्या भागात , नक्की ऐका आणि आवर्जून हे पुस्तक वाचा !!! 

Learn more about your ad choices. Visit megaphone.fm/adchoices

पालकत्वाचा प्रवास हा एखादं जोडपं आईबाबा होणार हे कळल्यावरच सुरु होतो आणि हाच विचार मनात ठेऊन would be parent चा interview घ्यायचा असं मनात होतं . त्यासाठी जेव्हा सावनी ला विचारलं तेव्हा तिने क्षणात होकार दिला !! मला वाटतं हिच positive parenting ची सुरुवात आहे .आज एका कलाकार आणि "would be parent " ला तुम्हा सगळ्यांच्या भेटीला घेऊन आलेय . नुकत्याच पार पडलेल्या ६७ व्या राष्ट्रीय चित्रपट सोहळ्यात जिला सर्वोत्कृष्ट पार्श्व गायिका म्हणून सन्मानित करण्यात आलं आणि आपल्याला वेगवेगळ्या कार्यक्रमातून तिच्या सुरेल आणि सुंदर स्वराविष्कारांतून आनंद देणारी, अतिशय गोड आवाजाची आणि तितक्याच गोड स्वभावाची आपली सगळ्यांची आवडती गायिका " सावनी रवींद्र " !!! तिचा एक प्रतिथयश गायिका म्हणून सुरु असलेला यशस्वी प्रवास आपण पाहतोच आहोत पण आता ती वैयक्तिक आयुष्यात एका वेगळ्या प्रवासाचीही सुरुवात करतीये... आईपणाची !! आज एक वेगळी सावनी सापडणार आहे आपल्याला या मुलाखतीतून ... चला तर मग जाणून घेऊया तिच्या या प्रवासाविषयी तिच्याकडून आपल्या selfless parenting या मराठी पॉडकास्ट च्या आजच्या भागात !!!

Learn more about your ad choices. Visit megaphone.fm/adchoices

Selfless Parenting या आपल्या मराठी पॉडकास्ट मध्ये मी तुमची होस्ट शिल्पा, आज तुमच्यासाठी काहीतरी वेगळं घेऊन आलेय. काय? काहीतरी माझ्या मनातलं , माझ्या स्वतःच्या अनुभवातून आलेलं ... माझ्या च शब्दांत आणि माझ्याच आवाजात !!! नव्याने झालेल्या , होऊ घातलेल्या किंवा होण्याचा विचार करणाऱ्या माझ्या सगळ्या मैत्रिणींसाठी खास... आई होण्यापूर्वी आपल्याला दाखवलं जाणारं चित्र आणि नंतर प्रत्यक्ष अनुभवताना दिसणारं चित्र यातला फरक नीट कळावा आणि ते समर्थपणे पेलता यावं म्हणून हा प्रयत्न...माझे अनुभवाचे बोल !!

माझ्या या पॉडकास्ट वर माझं स्वतः च असं काहीतरी sharing असावं असं आधीपासूनच मनात होतं ..तेच मूर्त स्वरूपात आणायचा प्रयत्न याद्वारे करतीये .. from the heart of the host ... " आईपण पेलताना " बघा कसा वाटतोय ? कळवायला विसरू नका.. प्रतिक्रियांची वाट बघतीये !!! HAPPY PARENTING !!! 

- शिल्पा. 

Learn more about your ad choices. Visit megaphone.fm/adchoices

पेरेंटिंग च्या प्रवासात आपल्याला अनेक प्रश्न पडत असतात. आदर्श पालक होण्याच्या नादात आपण बरेचदा चुकीचा च मार्ग अवलंबतो असं कधी जाणवलंय का तुम्हाला ? मुळात "परफेक्ट पेरेंट " अशी संकल्पना खरंच असते का अस्तित्वात ? कळतं पण वळत नाही अशी अवस्था होते ना बरेचदा ? क्वालिटी टाइम म्हणजे नेमका काय ? पेरेंटिंग च्या कुठल्या ट्रेट्स मध्ये आपण येतो ? या आणि अशाच प्रश्नांची उत्तरं जाणून घेण्यासाठी, आज माझ्या पॉडकास्ट मध्ये एका खूप अनुभवी आणि तितक्याच down to earth व्यक्तिमत्वाला तुम्हाला भेटण्यासाठी घेऊन आलेय . ज्यांचे पालकत्वाविषयीचे धडे गिरवत माझा पालकत्वाचा प्रवास सुकर झाला अशा " डॉ. श्रुती पानसे " !!! मराठीतून एम ए आणि ब्रेन डेव्हलपमेंट या विषयावर पीएचडी केलेल्या श्रुतीताईंनी अनेक वृत्तपत्रांमध्ये या विषयांवर लेख लिहिले आहेत. जवळ जवळ १९ पुस्तकांचं लेखन हि त्यांनी केलंय आणि चिकूपिकू या मुलांमध्ये खूप लोकप्रिय झालेल्या मासिकाच्या त्या संपादक आहेत. या विषयांवर त्यांनी अनेक कार्यशाळाही घेतल्या आहेत. तर ऐकताय ना ,मग या बहुरंगी व्यक्तिमत्वाची मी घेतलेली मुलाखत !! हा अजाण ते सुजाण पालकत्वाचा प्रवास श्रुती ताईंसारख्या अनुभवी व्यक्तींमुळे खूप सुखावह होईल यात शंकाच नाही !!  पुन्हा भेटूया, लवकरच एका नवीन एपिसोड मध्ये , तोपर्यंत काळजी घ्या आणि मस्त राहा !!!

Learn more about your ad choices. Visit megaphone.fm/adchoices

Trailer एपिसोड ला भरभरून दिलेल्या प्रतिसादाबद्दल तुम्हा सगळ्यांचे खूप खूप आभार !!! तुमचं प्रेम , सदिच्छा अशाच पाठीशी असुद्या . आज तुमच्या समोर एक नवीन संकल्पना घेऊन येतेय ...

जेव्हा पॉडकास्टींग हे नवं क्षेत्र explore करायचं ठरवलं तेव्हा खूप विचारांती पालकत्व हा विषय निवडला. पहिल्या एपिसोड चा जेव्हा विचार सुरु झाला, तेव्हा अचानक एक कल्पना सुचली की पालकत्वाविषयी तज्ज्ञांची मतं आपण नेहमीच ऐकतो पण आपलं पालकत्व ज्यांनी लीलया पेललं त्या आपल्या आई बाबांनाच आपल्या या नवीन प्रवासाचा श्रीगणेशा करायला बोलावलं तर ... येस्स ठरवलंच मग !!! निमित्त ही तितकंच खास होतं .. त्यांच्या लग्नाचा ४० वा वाढदिवस !!! 

मग ऐकताय ना ,मी माझ्या आई बाबंचीच घेतलेली त्यांच्या parenting च्या प्रवासाची मुलाखत ... माझा पहिला GRATITUDE एपिसोड !!

Learn more about your ad choices. Visit megaphone.fm/adchoices

पालकत्व हे रोज नव्याने उलगडणारं , उमजणारं ,समजणारं; खूप वेगवेगळे अनुभव देणारं , तर कधी कधी त्रस्त करणारं , काळजी वाढवणारं , खूप दमवणारं आणि कसोटी पाहणारं सुद्धा असतं नाही का? सध्याचा काळ तर या बाबतीत अगदी तसाच आहे.म्हणूनच स्वानुभवातून आणि बरेच दिवसांपासून या विषयावर काम करण्याच्या तळमळीतून आपला हा podcast जन्माला आलाय !! इथे तुम्हाला पालकत्वाविषयी अनेक तज्ञ व्यक्तींचे; पालकत्वाच्या वेगवेगळ्या कंगोऱ्यांवरचे interviews, tips , parenting वरील उपयुक्त पुस्तकांची माहिती , वेगळ्या आणि अनोख्या पद्धतीने मुलांना वाढवलेल्या काही पालकांचे अनुभव , मुलांबरोबर आणि मुलांसाठी काम करणाऱ्या संस्था आणि व्यक्तींविषयी माहिती आणि आणखीनही बरंच काही असणारे !!!

in short , one stop solution for all your parenting concerns and needs !!! चला तर मग, सुरु करूया, 'प्रवास अजाण ते सुजाण पालकत्वाचा !!!' नक्की ऐका आणि follow करा माझ्या selfless parenting या मराठी पॉडकास्टला :)  

Learn more about your ad choices. Visit megaphone.fm/adchoices