ባየር ሙይንሽን በሻምፒዮንስ ሊጉም ድል ተጎናጽፎ ዘንድሮ ሦስተኛ ዋንጫውን ለማንሳት ግስጋሴውን ተያይዟል። አጥቂው ሮቤርት ሌቫንዶቭስኪ ግብ አዳኝነቱን ቀጥሏል። ኤር ቤ ላይፕሲሽ ከአትሌቲኮ ማድሪድ ይፋለማል። የአውሮጳ ሊግ የሩብ ፍጻሜ ግጥሚያም ዛሬ እና ረቡዕ ይከናወናል፤ አንድ የጀርመን ቡድን ተጋጣሚ ነው።

የጀርመን ቡድኖች ወደ ሩብ ፍጻሜ እና ግማሽ ፍጻሜ ለማለፍ የሚጠብቃቸውን ውድድር ለማካሔድ ዝግጅቶቻቸውን አጠናቀዋል። የጣሊያን ሴሪኣ ትናንት ተጠናቋል፤ ጁቬንቱስ የዋንጫው ባለቤት ኾኗል። በፎርሙላ አንድ የመኪና ሽቅድምድም የተሽከርካሪው ጎማ የፈነዳበት ሌዊስ ሐሚልተን ማሸነፍ ችሏል።

በጀርመን ቡንደስሊጋ የዘንድሮ ውድድር ወራጅ ቃጣና ግርጌ የሚገኘው ቬርደር ብሬመን እና ከኹለተኛ ዲቪዚዮን ያደገው ሐደልሃይደን የደርሶ መልስ ግጥሚያ ብቻ ይቀራል። ሊቨርፑል ዋንጫውን አስቀድሞ በወሰደበት የፕሬሚየር ሊግ ግጥሚያዎች ራሱ ሊቨርፑል እና ዋነኛ ተቀናቃኙ ማንቸስተር ሲቲ የሚያደርጉት ግጥሚያ በበርካቶች ዘንድ በጉጉት ይጠበቃል።