Shirin ya yi nazari kan takun sakar da ke tsakanin daliban jami'o'i da mahukunta a Jamhuriyar Nijar. Ku biyo mu domin jin halin da ake ciki.

Wata matashiya Saratu Muhammad Sani a jihar Kebbi Nnajeriya bayan kammala karatu a matakin jami'a maimakon jiran aikin ta kama sana'ar samar da abinci ga masu ciwon suga. Haka nan a Kaduna wani matashi ya kafa kungiya don koyar da ilimi ga yara don rage gararambar su a yankunan karkara.

A shirin Dandalin Matasa na wannan karo za a ji yadda matasa a jihar Bauchi Najeriya suka zo da sabon salo na guje wa 'yan siyasa da ke amfani da su a bangar siyasa da ma kin yarda su siyar da kuri'unsu.

Masu salon magana na cewa soyayya ruwan zuma. Soyayya kan iya sace zuciyar dan Adam ba tare da ya yi la’akari da kankanta ko girman mutumin da aka zurfafa a cikin kogin soyayyarsa ba. A cikin shirin za a ji yadda wata matashiya a kasar Ghana ta tsinci kanta cikin soyayya da malaminta

Zaman girma da arziki tsakanin matasa a kasashe da suka yi fama da rikice-rikice a baya irin Chadi ya zama wani kalubale sakamakon bambanci addini da na kabila. Sai dai wasu matasa sun fara yunkurin tabbatar da hadin kai tsakanin masu jinin a jika shekaru 40 bayan yakin basasa da Chadi ta yi.

Shirin ya duba yadda shaye-shye ya illata rayuwar ilahirin matasa, da kuma sabbin matakan gwamnati na rage matsalar shan kwaya a tsakanin matasan kasar.

Waken gargajiya wanda 'yan mata ke yi da dare a dandalin wanda kuma aka gado tun kakanni da iyaye na yanzu ci gaba da kasancewa a sahun gaban wasannin da 'yan mata ke yi musamman a yankunan karkara.

Matasan yankin Sahel da suka rungumi salon kidan Hip-Hip sun sake baje basirar da Allah ya yi musu a birnin Agadez na Jamhuriyar Nijar. Wannan shi ne karo na biyar da mawakan na kasashen Afirka ta yamma suka shirya wannan biki, amma a wannan karon sun mayar da hankali kan illar da ke tattare da ratsa hamadar sahara don zuwa cin rani a kasashen Turai ta barauniyar hanya.

Wasu matasa na kasashen rainon Faransa ciki har da na Togo da Jamhuriyar Nijar na kokarin inganta fina-finan da suke hadawa duk da matsalar rashin tallafi da suke fuskanta.