www.patreon.com/skodanabraedur

Síðastliðið ár höfum við Bergþór Másson, Benedikt Andrason, Aron Kristinn Jónasson, Logi Pedro Stefánsson og Völundur Hafstað unnið hörðum höndum að stofnun vörumerkisins Takk takk.

Þessi þáttur segir söguna af því. Guð blessi ykkur kæra bræðralag.

Vilhjálmur Árnason prófessor emeritus í heimspeki er djúpur í fræðunum eins og titill hans gefur til kynna.

Á fjörutíu ára ferli sínum hefur hann mikið fjallað um siðfræði: Hvað er rétt og rangt, gott og illt? Hvaðan fáum við þessar hugmyndir? Hvernig hafa þær þróast í gegnum tímann?

Í þessum þætti ræðum við þetta allt saman sérstaklega í samhengi við Forn-Grikkland, Nietzsche, Íslendingasögurnar og annað sem Skoðanabræðralagið kann að meta.

PS.

Glöggir hlustendur þekkja Vilhjálm fyrir að hafa skrifað Við rætur mannlegs siðferðis: Siðagagnrýni og heilræði Friedrich Nietzsche (1991), greinina sem var notuð í hinn víðfræga Nietzsche þátt í fyrra.

Óli Stef handboltahetja segir frá vitsmuna- og andlegu ferðalagi sínu í gegnum lífið. Hvernig á maður að lifa og hvað á maður að gera við sig? Það er farið í þetta. Önnur stikkorð: skólakerfið, Þorvaldur Þorsteinsson, Nietzsche, Jung, Jordan Peterson, ayahuasca, stríðsmaðurinn.

Bret Easton Ellis er bandarískur rithöfundur og podcastari fæddur árið 1964. Hann er þekktastur fyrir að hafa skrifað American Psycho.

White (2019) eftir hann er bók mánaðarins núna í Nóvember.

Bókin er menningargagnrýni skrifuð í esseyju/memoir formi og má túlka sem nokkurskonar ákall um að fegurðin eigi að þrífast og sjálfsritskoðun þurfi að stöðva.

Bók mánaðarins í Desember er Ilíonskviða eftir Hómer. Spennið beltin!

Hallgrímur Helgason var að klára 1600 blaðsíðna þríleik sem í stuttu máli fjallar um það hvernig nútíminn kom til Íslands. Hérna vorum við í 1000 ár án drauma og hugmynda - síðan breyttist allt.

Í þessum þætti ræðum við listina, bókmenntirnar, söguna og náttúruna. Guð blessi ykkur kæra bræðralag.

www.patreon.com/skodanabraedur

Sara María er helsti sérfræðingur Íslands í hugvíkkandi efnum og lauk nýlega námi í Transpersonal Psychotherapy við Ubiquity University. Hún rekur Eden Yoga og skipuleggur ráðstefnuna Psychedelics as Medicine sem verður haldin í Hörpu 27. febrúar 2025.

Við förum um víðan völl. Sara segir frá náminu sínu, hvernig maður leiðbeinir fólki í áttina að sínum sannleika, hvað hugvíkkandi efni geta gert fyrir mann - og margt fleira.

Fylgisti með Söru á Instagram: @forynja

Ráðstefnan: https://tix.is/is/harpa/event/17873/psychedelics-as-medicine/

Sérstakur þáttur um það hvernig maður hugsar frjálst, lærir af meisturum sínum og heldur áfram í sínu persónulega þróunarferli. Í þessu samhengi eru tveir menn teknir fyrir: heimspekingurinn Friedrich Nietzsche og tónskáldið Richard Wagner. Það er sagt frá þessum mönnum (bæði fyrir the tourist & the purist) og samband þeirra greint í þaula út frá þessum pælingum um að drepa meistarann sinn og frelsa sig.

Þættinum er skipt upp í sex hluta:

1) Inngangur

2) Samband N og W

3) Upplifun í La Scala óperunni í Mílanó (live hljóðupptökur)

4) Sambandsslit N og W

5) Vettvangsferð til Turin (live hljóðupptökur)

6) Lokaorð og samantekt

Guð blessi ykkur kæra bræðralag. Það var sérlega gaman að búa þennan þátt til. Við erum uppi, og við ætlum að halda því áfram :).

Friðrik Rafnsson er þýðandi tveggja minna uppáhalds rithöfunda Milan Kundera og Michel Houellebecq. Í þessum þætti förum við yfir ítarlega yfir þessa tvo menn og Friðrik segir okkur frá hugmyndum þeirra, bókum og persónuleikum. Hann hitti Kundera oft og hefur þýtt hverja einustu bók hans. Houellebecq hitti hann líka þegar hann kom til Íslands árið 2012. Fyrri hluti þáttarins fjallar um Kundera og síðan skiptum við yfir í Houellebecq um miðbik. Þetta var dásamlegt að taka upp. Takk fyrir mig og Guð blessi ykkur kæra bræðralag.

www.patreon.com/skodanabraedur

Fáðu bókina beint frá bónda inn á https://halldorarmand.is/ - 15% afsláttur með kóðanum BRÆÐRALAG

Halldór Armand rithöfundur hefur aldrei verið ferskari. Hann var að gefa út nýja bók, Merkilegt Rusl. Lífsgleðin skín af honum eftir að hafa gengið í gegnum djúpa erfiðleika. Dásamleg saga. Það er farið yfir þetta allt saman og fleira: klassíska heiminn, andleg málefni, ritstörf, sjálfstæði og frelsi nútímamannsins og hlutverk rithöfundarins í samfélagi.

Snorri tyllir sér á bak MIðflokksfáknum og ríður út í sólsetrið. Guð er góður og við lifum á dásamlegum tímum. Þannig er það.

Í þessum þætti tölum við um framboðið, stjórnmálaástandið og hvernig við viljum hafa Ísland alþjóðlega miðstöð frelsis, fegurðar og friðar. Það eru bjartir tímar framundan hjá Skoðanabræðralaginu. Mikið verður gott fyrir okkur að hafa mann inni á þingi.

Þátturinn mun þróast samhliða því, þær nýju vendingar eru kynntar lauslega í kringum lok þáttar. Í stuttu máli: Bergþór mun taka allskonar viðtöl og Snorri hoppar inn þegar það er viðeigandi. Við erum lengst uppi og rétt að byrja. Njótið þáttarins kæra bræðralag.