Marita van der Vyver gesels oor haar jongste boek, GRENSGEVAL. Erns Grundling gesels oor sy reisboek SUSHI EN SHOSHOLOZA, wat die leser na Japan neem. En Johan Myburg vertel meer oor 'n nuwe boek uit die pen van Elena Ferrante.

Ilse Salzwedel gesels met Johan Jack Smith oor sy debuutroman ZOLA. Vind uit wie is wenners van die Sanlampryse vir Jeuglektuur 2019, en hoor hoe het Riana Scheepers die onlangse Week van De Afrikaanse Roman in Nederland ervaar wanneer sy met Milton Webber gesels. Johan Myburg gesels in sy internasionale bydrae oor die lewe en werk van Harold Bloom en Doris Lessing.

Die spotprenttekenaar, Fred Mouton, is volksbesit. Ilse Salzwedel gesels met Bun Booyens, die samesteller van die boek 50 JAAR MET FRED: FRED MOUTON SE BESTE SPOTPRENTE. Luister ook na Milton Webber se gesprek met Karin Brynard oor haar belewing van die Week van die Afrikaanse Roman in Nederland. In sy internasionale insetsel gesels Johan Myburg met uitgewer Annie Olivier, wat onlangs die Frankfurtse Boekeskou bygewoon het en ook deel was van 'n weeklange slypskool vir internasionale uitgewers.

Ilse Salzwedel gesels met Annelie Botes oor haar nuwe boek KAMMALAND, 'n dokumentering van Annelie en haar man se 90 dae op 'n kanaalboot in Engeland. Jy kan ook meer uitvind oor die Prince Albert-leesfees wat hierdie naweek plaasvind. Milton Webber gesels met Valda Jansen oor haar ervaring van die Week van die Afrikaanse Roman. Johan Myburg gesels oor interessanthede uit die internasionale boekewêreld.

Dalene Matthee sou vandeesmaand 81 jaar oud gewees het. Luister na 'n argiefopname wat gemaak is kort na die publikasie van Fiela se Kind waarin sy onder andere gesels oor die uitdagings van die skryfkuns. Milton Webber het by die Week van de Afrikaanse roman gesels met Eben Venter. Johan Myburg vertel meer van die twee medewenners van vanjaar se Bookerprys.

Die Week van die Afrikaanse Roman het onlangs in Nederland plaasgevind, en Milton Webber was daar. Hy het onder andere 'n vertaalslypskool bygewoon waar hy met Karin Brynard, die skrywer van TUISLAND, en drie Nederlandse vertalers gesels het oor die kuns van vertaling. Luister ook hoe het Valda Jansen die week in Nederland ervaar het. Die skrywer, Engemi Ferreira, is onlangs oorlede, en jy kan luister na 'n voorlesing van een van haar kortverhale. En as jy meer wil weet oor die skrywers wat met die Nobelpryse vir letterkunde vir die afgelope twee jaar bekroon is, moet jy beslis luister na Johan Myburg se insetsel.

Ilse Salzwedel gesels met SD Fourie, skrywer van die baie gewilde, Die Lanternswaaier, oor haar nuwe roman, NOORMAN. Rudie van Rensburg vertel hoe sy nuwe roman, VLOEK, verskil van sy vorige spanningsverhale. Johan Myburg gesels oor die twee Nobelpryse wat vandeesweek toegeken word. En jy kan luister na 'n onderhoud wat Milton Weber met digter Pieter Odendaal gevoer het tydens die pas afgelope Week van De Afrikaanse Roman in Nederland.

Ilse Salzwedel gesels met die gewilde rubriekskrywer Blou Willem (Willem Theron) oor sy derde bundel rubrieke, 50 BLERTSE BLOU. Johan Myburg gesels in sy internasionale bydrae onder meer oor poësie in die tyd van sosiale media.

Calvyn van Niekerk gesels met Ilse Salzwedel oor sy nuwe roman, DIE MAN VAN QUATRO. Jy kan ook hoor hoe verander die Du Toitskloof Mobiele Biblioteek die lewe van plaaswerkers en hulle kinders. Johan Myburg gesels oor die internasionale letterkunde, en jy kan luister na 'n kort onderhoud met die Britse skrywer Zadie Smith.

Luister na 'n argiefonderhoud met wyle prof. Ampie Muller. Die ATKV Woordveertjiewenners word aangekondig, en Ilse gesels met twee wenners. Ons hoor ook wie die wenners is van die KykNET/Rapport-boekpryse. En Johan Myburg gesels onder meer oor die kortlys van die Bookerprys.