Corina van der Spoel gesels met Stephanus Muller, skrywer van NAGMUSIEK, ʼn biografiese roman oor die komponis Arnold van Wyk. Ilse Salzwedel gesels met Lien Roux-de Jager, skrywer van die LEUENS-trilogie waarin ʼn forensiese psigofisioloog die hoofkarakter is. Johan Myburg gesels oor T.S. Elliot.

Skrywers en boeke 1 Januarie 2015

Etienne Bloemhof van NB-Uitgewers gesels oor nuwe boeke uit hulle stal. Deon Meyer-aanhangers moet beslis luister! Jaco Jacobs gesels oor die moets en moenies van kinderboeke skryf, en Johan Myburg vertel meer oor die wenners van die Costaprys en die skrywer van Monsieur Ebrahim en die blomme van die Koran.

Skrywers en boeke 7 Januarie 2015

Ilse Salzwedel gesels met Martin Steyn oor DONKER SPOOR en die navorsing vir misdaadfiksie. Leonie van Rensburg van Graffiti-boeke vertel hoe Afrikaanse fiksie verlede jaar verkoop het. Ilza Roggeband, boekeredakteur van LIG, vertel van haar gunstelingboeke van 2014.

Skrywers en boeke 31 Desember 2014

Ilse Salzwedel en dr. Karen de Wet van UJ se Department Afrikaans, gesels oor Adriaan Coetzee se debuutdigbundel GORDEL, en Rosa Smit se bundel DIE ROOI VEER IN VASCO SE HOED. Ilse Salzwedel gesels met Marisa Haasbroek, skrywer van IEWERS VLIEG DAAR FAIRY DUST, 'n pragtige jeugboek wat in 'n wit plakkerskamp afspeel, en Daniella Day, skrywer van BLOU TRANE, 'n boeiende jeugverhaal oor kwessies soos dwelmverslawing. Johan Myburg is ook weer in die ateljee met 'n interessante insetsel.

Skrywers en boeke 24 Desember 2014

Ilse Salzwedel praat met prof. Willie Burger oor Kerneels Breytenbach se roman ESTER. Luister ook na sketse deur wyle Pieter Pieterse, C. Johan Bakkes en Annemarie van der Walt.

Skrywers en Boeke 17 Desember 2014