Skrywers en boeke 13 Augustus 2014

Ilse Salzwedel gesels met dr. Karen de Wet van die Universiteit van Johannesburg oor Heilna du Plooy se jongste digbundel, DIE STILTE OPGESKORT. Corina van der Spoel gesels met die uitgewer Alison Lowry. Johan Myburg vertel meer oor die jongste gebeure in die internasionale letterkunde.

Skrywers en boeke 6 Augustus 2014

Madri Victor gesels met Ilse Salzwedel oor GLIPSTROOM, Anemari Jansen se debuutroman. Corina van der Spoel gesels met Alsion Lowry, bekende uitgewer, oor die rol van redakteurs, en hulle bespreek Damon Galgut se ARCTIC SUMMER. Johan Myburg vertel meer van die langlys van die Man Booker-prys wat onlangs bekendgemaak is.

Skrywers en boeke 30 Julie 2014

Suzette Kotze-Myburgh gesels met die digter Danie Marais oor sy digbundel AS VERLANGE DIE SWEEP SWAAI. Kobus Burger, uitvoerende regisseur: drama by RSG, vertel hoekom daar besluit is om die roman KATRYN: VROU VAN DIE RICHTERSVELD deur wyle Jan Huisamen, in 'n mini-dramareeks te verwerk, en nie net bloot voor te lees nie.

Skrywers en boeke 23 Julie 2014

Johan Myburg bring hulde aan NADINE GORDIMER, Nobelpryswenner en skrywer, wat verlede week in die ouderdom van 90 jaar oorlede is. Daar is ook ʼn kort uittreksel uit Gordimer se laaste radiogesprek. Ilse Salzwedel gesels met FANIE VILJOEN oor sy nuwe skokroman vir jongmense, PLEISTERS VIR DIE SIEL. Dit handel oor ʼn skoolskietery. SISKE JULIUS, wenner van die SA Akademie vir Wetenskap en Kuns se POORT-skryfkompetisie, lees haar wenstuk en vertel hoekom sy so lief is vir Afrikaans.

Skrywers en boeke 16 Julie 2014

Ilse Salzwedel gesels met LAUREN BEUKES oor haar nuwe roman BROKEN MONSTERS. Marthinus Beukes bespreek die werk van die digter JOHANN DE LANGE. Johan Myburg het weer ʼn interessante bydrae oor die internasionale letterkunde.