Sögur af landi

Í þessum þætti forvitnum við um starfsemi Flóru á Akureyri, sem að sögn Kristínar Þóru Kjartansdóttur er vettvangur til þess að ýta undir skapandann á svæðinu. Við heyrum líka í knattspyrnuþjálfaranum Siguróla Krisjánssyni, eða Mola eins og hann er jafnan kallaður, um fótboltaæfingar í minni bæjarfélögum í samstarfi við Knattspyrnusamband Íslands. Heimsækjum að lokum þjóðfræðinginn Sæbjörgu Freyju Gísladóttur á Flateyri sem sagði okkur frá fagurfræði hversdagsins sem og bókinni hennar „Er það hafið eða fjöllin?“

Efni í þáttinn unnu Gígja Hólmgeirsdóttir, Óðinn Svan Óðinsson og Elsa María Guðlaugs Drífudóttir.

Umsjónarmaður: Gígja Hólmgeirsdóttir

Við verðum á faraldsfæti í þessum þætti, eins og svo oft áður. Fyrst fræðumst við um fullveldiskaffi hjá þjóðháttafélaginu Handraðanum í Eyjafjarðarsveit, skreppum svo í heimsókn til Raufarhafnar og kíkjum í kaffi í ráðhúsið þar í bæ. Höldum því næst í afmælisveislu í Möðrudal á Fjöllum, þar sem eru meira að segja nýfæddir kiðlingar.

Efni í þáttinn unnu Gígja Hólmgeirsdóttir, Ágúst Ólafsson og Þórgunnur Oddsdóttir.

Umsjónarmaður: Gígja Hólmgeirsdóttir

Í þesssum þætti mun baráttukonan Svanfríður Larsen segja sína sögu, en Svanfríður hefur í gegnum árin beitt sér fyrir auknum réttindum fatlaðs fólks og lauk nýlega við að skrifa bókina „Á réttri leið“ ásamt Bjarna Kristjánssyni, en í bókinni er farið yfir uppbyggingu og þróun í málefnum fatlaðs fólks á Norðurlandi eystra á árunum 1959-1996. Í þættinum heyrum við einnig af litum nátturunnar og lítum inn á málþing sem nýlega var haldið á Hornafirði þar sem fjallað var í sömu andrá um jökla og skáldskap Steinunnar Sigurðardóttur.

Efni í þáttinn unnu Úlla Árdal, Rúnar Snær Reynisson og Þórgunnur Oddsdóttir.

Umsjónarmaður: Gígja Hólmgeirsdóttir.

Flakkað verður um Skagaströnd og nokkrir íbúar teknir tali. Rætt verður við yngsta skólastjóra á landinu, fyrrum sveitastjóra sem tálgar jólasveina í bílskúrnum, kennara og námsráðgjafa sem stýrir ljósmyndasafni bæjarins auk framkvæmdastjóra rannsóknarfyrirtækis sem rannsakar lífríki sjávar.

Umsjónarmaður: Gígja Hólmgeirsdóttir.

Við förum í heimsókn í Sigurhæðir, hús sem hefur verið mikið til umfjöllunar að undanförnu. Þar fræðumst við um líf Matthíasar Jochumsonar sem þar bjó ásamt fjölskyldu sinni. Heyrum einnig af rjúpnaskyttu sem undirbýr sig fyrir komandi veiðiferð. Að lokum fræðumst við um minkastofninn á Íslandi og heyrum frá rannsókn Náttúrustofu Vesturlands á þessu smávaxna dýri af marðarætt.

Efni í þáttinn unnu Ágúst Ólafsson, Elsa María Guðlaugs Drífudóttir og Gígja Hólmgeirsdóttir.

Umsjónarmaður: Gígja Hólmgeirsdóttir

Í þættinum í dag förum við í heimsókn í verslunarmiðstöðina Sunnuhlíð á Akureyri og spjöllum við nokkra verslunareigendur og viðskiptavini. Við setjumst líka niður með höfundum bókarinnar Kindasögur og forvitnumst um hvað er svona merkilegt við sauðfé. Hittum einnig sögukennara á Akureyri sem hefur farið ótal ferðir upp í Hlíðarfjall og fundið þar ýmsar minjar úr stríðinu.

Efni í þáttinn unnu Bjarni Rúnarsson, Gígja Hólmgeirsdóttir og Óðinn Svan Óðinsson.

Umsjónarmaður: Gígja Hólmgeirsdóttir.

Í þessum þætti Sagna af landi verða rifjaðar upp minningar af snjó og vetri. Einnig verður litið inn á æfingu hjá tveimur tónlistarkonum fyrir norðan sem undirbúa sig fyrir tónleika, þar sem innblásturinn er ljóðabókin Svartar fjaðrir eftir Davíð Stefánsson frá Fagraskógi. Í þættinum verður auk þess farið í skógarferð með skógarbónda fyrir austan sem tínir köngla og safnar fræjum.

Efni í þáttinn unnu Gígja Hólmgeirsdóttir, Rúnar Snær Reynisson og Þórgunnur Oddsdóttir.

Umsjónarmaður: Gígja Hólmgeirsdóttir.

Þær eru af ýmsum toga sögurnar sem munu heyrast í þessum þætti. Við heimsækjum konu á Akureyri sem glímir við erfið veikindi, hringjum og fræðumst um hljómsveit sem stofnuð var á Hvammstanga fyrir rúmum 30 árum, forvitnumst um uppáhaldsbækur úr æsku og bregðum okkur til Hólmavíkur og fræðumst um siðinn að senda börn í sveit.

Innslög í þáttinn unnu Elsa María Guðlaugs Drífudóttir, Gígja Hólmgeirsdóttir og Úlla Árdal.

Umsjónarmaður: Gígja Hólmgeirsdóttir.

Í þættinum rifjum við upp sögu verksmiðjanna á Gleráreyrum á Akureyri, veltum fyrir okkur hvernig við munum og hvernig við varðveitum minningar frá veröld sem var.

Umsjónarmaður: Gígja Hólmgeirsdóttir

Búskapur er okkur hugleikinn í þessum þætti. Við förum í Dalina og spjöllum við Höllu Sigríði Steinólfsdóttur bónda í Ytri-Fagradal, ræðum við dýralækninn Sigurð Sigurðarson um kortlagningu á miltisbrandsgröfum og kíktum í fjós með Jónu Björgu Hlöðversdóttur, formanni samtaka ungra bænda. Efni í þáttinn unnu Gígja Hólmgeirsdóttir, Elsa María Guðlaugs Drífudóttir og Bjarni Rúnarsson.

Umsjónarmaður: Gígja Hólmgeirsdóttir