Sögur af landi

Við forvitnumst um starfsemi Tónlistarskóla Rangæinga og ræðum þar við Söndru Rún Jónsdóttur, skólastjóra tónlistarskólans. Því næst höldum við norður en þar er verið að ryðja skóg fyrir nýjan göngu- og hjólreiðastíg af Svalbarðsströnd til Akureyrar. Að lokum er ferðinni heitið í gamla félagsheimilið Breiðablik í Eyja- og Miklaholtshreppi en þar hefur verkefnastjóri svæðisgarðsins Snæfellsness starfsaðstöðu.

Viðmælendur í þættinum eru Sandra Rún Jónsdóttir, Ingólfur Jóhannsson og Ragnhildur Sigurðardóttir.

Efni í þáttinn unnu Gígja Hólmgeirsdóttir, Ágúst Ólafsson og Elsa María Guðlaugs Drífudóttir.

Umsjón: Gígja Hólmgeirsdóttir

Í þættinum heyrum við af nýrri vita- og sjóslysasýningu sem verið er að setja upp við Reykjanesvita. Einnig er fjallað um uppbyggingu á Flateyri.

Viðmælendur í þættinum eru Eiríkur P. Jörundsson, Magnús Einar Magnússon, Bjarnheiður Ívarsdóttir og Guðjón Guðmundsson.

Efni í þáttinn unnu Gígja Hólmgeirsdóttir og Halla Ólafsdóttir.

Umsjón: Gígja Hólmgeirsdóttir

Í þættinum er rætt við tónlistarmanninn Anton Lína Hreiðarsson. Anton Líni stundar nú háskólanám í Berlín. Hann hefur getið sér gott orð sem tónlistarmaður undanfarin ár en þrátt fyrir ungan aldur hefur Anton orið fyrir fleiri áföllum en margir verða fyrir á allri sinni ævi. Við heyrum líka endurminningar Unnar Láru Jónasdóttur sem fæddist árið 1935 og ólst upp í Elliðaey á Breiðafirði til 12 ára aldurs. Viðtalið var tekið árið 2011 af Pétri Halldórssyni og var fyrst flutt í þættinum Við sjávarsíðuna á Rás 1. Að lokum er fjallað um heimagrafreiti á Íslandi. Þar segir Hjalti Hugason, prófessor í kirkjusögu við Háskóla Íslands, frá rannsóknum sínum.

Efni í þáttinn unnu Óðinn Svan Óðinsson og Rúnar Snær Reynisson.

Umsjón: Gígja Hólmgeirsdóttir.

Í þættinum heimsækjum við Þorvarð Árnason, sem er forstöðumaður Rannsóknarsetur Háskóla Íslands á Hornafirði. Með Vatnajökul í bakgarðinum er ekki að undra að þessi stærsti jökull landsins hefur spilað lykilhlutverk í fjölmörgum verkefnum Þorvarðar og rannsóknasetursins. Við rifjum líka upp sögu tveggja rostunga með tengingar við Ísland. Annan þeirra má finna uppstoppaðan á Þekkingarsetri Suðurnesja en hinn rataði í sögubækurnar þegar forsætisráðherrann Gunnar Thoroddsen bauð honum frítt far frá Bretlandi. Að lokum heimsækjum við elsta hús á Akureyri, svokallað Laxdalshús. Þar hefur margs konar starfsemi verið í gegnum tíðina en núna opnar þar sushi-veitingastaður og listavinnustofa.

Viðmælendur í þættinum eru Þorvarður Árnason, Hanna María Kristjánsdóttir, Reynir Sveinsson og Jónína Björg Helgadóttir. Einnig eru flutt brot úr viðtali frá árinu 2008 við náttúrufræðinginn Ævar Petersen.

Efni í þáttinn unnu Halla Ólafsdóttir, Gígja Hólmgeirsdóttir og Anna Þorbjörg Jónasdóttir.

Umsjón: Gígja Hólmgeirsdóttir.

Við heimsækjum tvær skapandi listakonur á Siglufirði í þættinum. Það eru þær Aðalheiður S. Eysteinsdóttir og Brynja Baldursdóttir.

Umsjón: Gígja Hólmgeirsdóttir

Í þættinum heimsækjum við Jóhann Sveinbjörnsson á Seyðisfirði. Jóhann hefur áður verið í þættinum hjá okkur þegar hann rifjaði upp árásina á breska tankskipið El Grillo. Í þetta skiptið rifjar hann upp ferðalag sitt á heimsmót lýðræðissinnaðrar æsku í Búkarest 1953 en 214 Íslendingar tóku þátt í mótinu það árið. Jóhann rifjar einnig upp lög sem dansað var við á mótinu og spilar þau fyrir okkur á munnhörpu. Því næst er haldið í Reykhólasveitina þar sem við kynnumst skipasmíðameistara að störfum. Það er Hafliði Már Aðalsteinsson sem gerir nú upp bátinn Sindra, 85 ára gamlan Súðbyrðing. Að lokum er haldið um borð í eikarskipið Húna sem liggur við bryggju á Akureyri. Húni er nýttur í margskonar verkefni og þessar vikurnar er siglt með nærri 400 eyfirska grunnskólanemendur úr sjötta bekk í fræðsluferðir um Eyjafjörð.

Viðmælendur í þættinum eru Jóhann Sveinbjörnsson, Hafliði Már Aðalsteinsson, Þorsteinn Pétursson, Gunnar Sturla Gíslason og Bjarni Bjarnason.

Efni í þáttinn unnu Rúnar Snær Reynisson, Elsa María Guðlaugs Drífudóttir og Ágúst Ólafsson.

Umsjón: Gígja Hólmgeirsdóttir

Sögur af landi snúa aftur eftir sumarfrí. Í þættinum fræðumst við um Ólafarhús á Hlöðum í Hörgársveit, en þar bjó ljósmóðirin og skáldkonan Ólöf Sigurðardóttir frá Hlöðum. Áform eru uppi um að endurgera Ólafarhús en að verkefninu standa nokkur systkini sem ólust upp á bænum. Þar fer fremst í flokki Guðrún Stefánsdóttir, sem er elst þessara systkina. Við heyrum líka af Litlu garðyrkjustöðinni sem starfrækt er í bakgarði á Akureyri. Það eru hjónin Sigrún Héðinsdóttir og Jóhann Thorarenssen sem reka stöðina og rækta þar grænmeti, ávexti og hinar ýmsu kryddjurtir.

Efni í þáttinn unnu Gígja Hólmgeirsdóttir og Þórgunnur Oddsdóttir.

Umsjón: Gígja Hólmgeirsdóttir.

Þá er komið að níunda og síðasta þættinum í sumarþáttaröð Sagna af landi, þar sem flutt hafa verið valin innslög frá liðnum vetri fyrir ykkur hlustendur að njóta í sumar. Við rifjum fyrst upp frásögn Óskars Þráins Finnssonar á Ólafsfirði þegar hann segir frá slysi sem hann varð fyrir þegar hann starfaði sem vitavörður. Heyrum einnig sagnfræðinginn Jón Hjaltason segja frá akureyríska kímniskáldinu Káinn. Að lokum er rætt við Ólafíu Herborgu Jóhannsdóttur um merkilega sögu strandaða togarans Clyne Castle.

Viðmælendur í þættinum voru Óskar Þráinn Finnsson, Jón Hjaltason og Ólafía Herborg Jóhannsdóttir.

Efni í þáttinn unnu Gígja Hólmgeirsdóttir og Rúnar Snær Reynisson.

Umsjón: Gígja Hólmgeirsdóttir.

Það er komið að áttunda og næstsíðasta þættinum í sumarþáttaröð Sagna af landi, þar sem endurflutt hafa verið valin innslög frá liðnum vetri fyrir hlustendur að njóta í sumar. Við heyrum aftur umfjöllun Margrétar Blöndal um Sauðfjárverndina, skreppum til Grundarfjarðar í fylgd með Elsu Maríu Guðlaugs Drífudóttur þar sem hún ræðir við Inga Hans Jónsson. Að lokum forvitnumst við um líf og störf þúsundþjalasmiðsins Óðins Eddy Viðarssonar en hún Halla Ólafsdóttir rakst á Óðinn þegar hann var staddur í Tunguskógi á Ísafirði.

Umsjón: Gígja Hólmgeirsdóttir.

Sumarþáttaröð Sagna af landi heldur áfram þar sem endurflutt eru valin efni frá liðnum vetri fyrir hlustendur að njóta í sumar. Nú er komið að sjöunda þætti, sem tileinkaður verður gömlum húsum. Við heyrum af Aðalstræti 16 í Bolungarvík, Grímshúsi í Brákarey í Borgarnesi og Tryggvaskála á Selfossi.

Í þættinum er rætt við Jón Pál Hreinsson, Sigurstein Sigurðsson og Bryndísi Brynjólfsdóttur.

Efni í þáttinn unnu Halla Ólafsdóttir, Elsa María Guðlaugs Drífudóttir og Margrét Blöndal.

Umsjón: Gígja Hólmgeirsdóttir.