Il Duo Giovivo fascinescha cun la cumbinaziun da l'eufoni e clavazin e l'ensemble Lucerne Chamber Brass cun ses sound.

Or dals dus pleds talians «gioia» (plaschair) e «vivo» (plain vita) han la Vallesana Muriel Zeiter e l'eufonist da Soloturn Fabian Bloch fundà il 2019 il duo Giovivo. Quest plaschair da viver e da far musica aud'ins en mintga toc ch'els sunan. Musicalmain n'enconuschan ils dus multi-instrumentalists quasi nagins cunfins.

La segunda furmaziun, l'ensemble Lucerne Chamber Brass, è ina furmaziun d'instruments da sturs (trumbettas, corn, posauna e tuba). Per lur disc «Erschallet, Trompeten» han els dentant er tschertgà la cumbinaziun cun instruments da tasta. Pader Theo Flury suna l'orgla ed il cembalo.