Spitstyd

RSG plaas die kollig op die werk wat welsynsorganisasies en sorgsentrums doen en hulle behoeftes. (Ry-Ma-In)

Wêreldreisiger, sanger en TV-aanbieder, Gerrie Pretorius het die afgelope ruk 'n draai gaan maak in verskeie lande. Hy vertel van die Venesiese waterambulans en Paulus se briewe vanuit Turkye.

Phoebe Appies vertel tien dinge wat jy moet weet van die vroeë opsporing en voorkoming van borskanker.

Deel 1 - Tiro is Tswana-sprekend, maar hy praat én sing in Afrikaans. Na amper 20 jaar in die musiekbedryf, en voltyds boer op sy familiplaas buite Otawi, Namibië, is daar steeds nuwe avonture wat hierdie passievolle kunstenaar wil aanpak. Hy is in Gobabis gebore, en het in Otjiwarongo grootgeword. Hy het in 2006 aan die eerste Afrikaanse Idols deelgeneem, waar hy die Top 16 gehaal het. Tiro het al sy verskyning in talle kykNET-programme gemaak asook ‘n hele paar SABC-programme. Hy het onlangs vir die derde keer op Noot vir Noot verskyn. Tiro het finansiering ontvang vir sy eerste Afrikaanse album nadat ‘n maatskappy sy fluweelstem by ‘n funksie gehoor het. Hy is ‘n veelsydige kunstenaar met ‘n sterk repertoire van Pop, Country, Gospel en ligte klassieke musiek. Hy pas by enige geleentheid in en bly getrou aan sy musiek, en sing ook graag in Afrikatale. Die publiek geniet Tiro se borrelende verhoogpersoonlikheid, sy glimlag wat harte steel en ‘n nederigheid wat mense inspireer. Tiro gesels met ons vanaf sy plaas, en deel hoe ’n skaapboer, wat sing, sy twee loopbane finansieël bestuur.

RSG plaas die kollig op die werk wat welsynsorganisasies en sorgsentrums doen en hulle behoeftes. (Look Forward Kinderhuis)

Sportkommentator en geheuekundige Michael Abrahamson kuier by Willem Pelser in die Spitstyd-ateljee.

Louw Breytenbach vertel tien dinge wat jy van ‘n Suid-Afrikaner se ervaring van Orkaan Milton moet weet.

Deel 2 - Johnny Davids en sy destydse sangmaat het in die vroeë 2000’s die Zing-sangkompetisie gewen. Vandag is Johnny ‘n veldaanbieder vir die kykNet-joernaalprogram, Kwêla. Hy is ook ‘n kranige sportaanbieder vir Supersport, nadat hy vroeër jare sy tande as sport-en kontinuïteitsaanbieder by RSG geslyp het. Hy was by RSG laas in sy lewe ‘n salaristrekker in ‘n permanente pos; buiten vir dit was hy nog altyd ‘n vryskutwerker. Johnny vergelyk sy storie met ‘n aanhaling van die dramaturg en skrywer, Adam Small: “Die Here het gaskommel en die daais het verkeerd geval”, en verduidelik dat dit juis hierdie lewensuitkyk is wat sy nuwe boek getiteld, Boytjie, aanraak. Johnny gesels daarin oor sy genesingspad ná die seer van sy kinderjare. Hy wil nie hê sy drie kinders moet deurmaak wat hy as kind deurgemaak het nie. Daarom is dit vir hom belangrik om sy eie familie te begin, waar hy sy eie gesonde geldtradisies kan vestig.

RSG plaas die kollig op die werk wat welsynsorganisasies en sorgsentrums doen en hulle behoeftes. (Guardian and Angel)